مــحتار اخذ كايين اس او شارجر

[المرزوق]

السلام عليكم
ارجو الافاده
انا والله محتار اخذ شارجر او كايين اس وابي اعرف شلون استعماله الشارجر وجم سعره بالوكاله فول اوبشن وكذلك الكايين اس وبجم سعره وجم تكلفه السيرفس ماله وشنو تنصحوني فيه وشكر على الاطاله

 

[rakan_yes]

المرزوق

اخو مسااك الله بالخير

بالنسبه للشارجر على حسب النوع الي تشتريه
في 8 سلندر وكامل مواصفات

السيااره حلوه وممتازه
لاتسال عن تصليح السياارات الجديده
لانها جديده وعلى حسب استعمالك

اسال عن سعرها وقت البيع
هل لاها رغبه في السوق ولا لا ؟

اما بالنسبه للبورشه
انا استعملته
تبدل الزيت في الوكاله البهبهاني
بقيمة 55 دينار

والبريك مع الدسك كلمل
بقيمة 370 دينار
طبعا بالوكاله

انا عن نفسي سويت هالشيئيين فقط لاغير في الوكاله
كان عندي موديل 2005 s
اشتريته من بوظبي بسنته ومع الاستعمال بدلت الزيت والبريك في الوكاله
بصراحه ماني عارف جم سعر التصليح برا الوكاله

لاكن فيه فرق بين هالسيارتين
بورش او شارجر

اتمنا اني فدتك
اخوك
ابورااشد

 

[الجبري555]

دامك تسال معناه فلوسك على قدك ومن ذوي الدخل المحدود يبى خل المواتر هذي لعيال الهوامير ومد ريولك على قد لحافك وحافظ على البيزات اللي عندك ينفعونك في اليوم الاسود يعني وش راح تصير اذا شريت وحده من السيارتين بيحطون على راسك تاج ولا بيمشي معاك موكب ولا بيحترمونك الناس وتصير لك الاولويه في كل شي تعوذ من الشيطان ومن حلم المراهقه اللي تعيش فيها وحط فلوسك في شي يعود لك بالنفع ترى مافيه شي دايم ومصير اي سياره تشتريها بالاف بعد فتره ماتسوى مئات الدنانير اظن هني انا بفيدك بالكلام والنصح اللي انت تبيه مومثل الاخ اللي ينصح على قطع الغيار ولا تبديل الزيت ما اظن يالغالي انك فدته بشي مع احترامي لك وياليت محد يزعل منى بس انا بصراحه ازعل على تفكير عيال ديرتي وتفكيرهم مايحبون اللي يفيدهم اللهم اني بلغت اللهم فشهد

 

[louzany]

والله ولد عمي اذا الشارجر من 6000 الي 9000 يمكن علي حسب المواصفات وسياره فلوسها فيها مشاءاللله موتر حلو بس اسمه دودج



وذا علي الكاين اس هم موتر محترم وسمه جيب يعني حق كلشي بر بحر قلص وسياره همن تستحمل وقويه وحلوه وسعرها من 18000 الي 27000 علي حسب المواصفات لانه البورش بالوكاله انت الي تقول ابي جذي وبي جذي يعني كل شي علي ذوقك ومشاءالله انا راكبه حلو وموتر وذا لك نيه فيه اخذه ولا تفكر بشئ


(ويا الجبري الريال عنده فلوس ويبي يشتري سياره يعني مايركب سياره مثلك خله علي راحته يشتري السياره ماتدري عن ضروفه يمكن الريال راهي وعنده الي مكفيه ومريحه وهو غاوي السياره ويمكن يقط فلوس بتجاره ويصفي علي دفع الإجار )

 

[المرزوق]

اخوي الجيري اولا شي انا ماطلبت نصيحتك اذا كان عندي فلوس ولا لا الحمدلله عندي خير يكفي ديره كامله وثاني شي انا سالت شنو تنصحوني فيه الكايين ولا الشارجر وانا عندي اتكثر من سياره بس حبيت ازيدهم وثاني شي اشقصدك هذيل حق عيال الهوامير وهالغرور هذا خل يفيدك واتمنى ليمن تنصح يا تنصح عدل لو ماتشارك يكون احسن واثاني شي الي بيشتري سياره اتسميه مراهقه ولا شنو يعني بالضبط ماني فاهم قصدك كلش ثالث شي انا سالت شلون استعماله الكايين وثاني لازم قبل ماتاخذ سياره لازم تسال الي مجربه وعلى قولت المثل اسال مجرب ولا تسال خبير ومشكورين اخواني على المرور

 

[المرزوق]

ويا الجبري وليش التفاول علي حق يوم الاسود وتفاءلو بالخير تجدو وثاني شي انت اتقول بدامك تسال عيل فلوسك قد حالك وثاني شي اي كان ملك شيخ ملياردير لازم يسال ويعرف الي بيشتريه ومشكور اخوي ركان وليزاني على مرورك واسلوبكم الحلو وافدتوني باشياء ما كنت اعرفها وثاني شي ي الجبري انا ماشكيتلك الحال اذا انت فلوسك قد حالك انا مالي دخل وترا كلامك ماله داعي يعني واذا تبي تنصحني انصحي بالخاص مو جدام العالم وحبيت اشكرك على نصيحتك الراقيه

 

[مستثمر صغيرون]

صراحه ردك كافي ولا انا كنت برد عليه بس مبين عليه علي نياته
وغاشه واحد من ربعه قايله انت متحدث وعندك وسيلة الاقناع
وقام يبي يجرب فيك
الله يعينك
اما الموضوع
البورش انا بنظري احسلك
لان سعره مايطيح وايد
وثنينهم ترى تصليحهم غالي
والله يوفقك وانا نصيحتي في موتر ابالي احسن منهم ثنينهم
لكزس جي اس صراحه حلوو كيووت حده وسعره هم زين تحصله مكفول ورخيص
انشالله اكون قدمتلك نصيحه زينه
وترفق بالاخ لا تقسي عليه

 

[المرزوق]

هههههههه اخوي مستثمر صيغيرون طبعا اللكزس جي اس طبعا ما يحتي اقول موتر بمعنى الكلمه ومشكور على مرورك والنصيحه الحلوه بس انا عاجبني الكايين اس وشكلي باخذ كايين باذن الله بس قلت قبل لا استعيل اسال احسلي

 

[مستثمر صغيرون]

شوف اخوي البورش الكايين ياخذ جائزة احلي شكل جيب بالعالم يطوف حتي الرنج
وبعده يجي الطوارق
بس الحين جيب الب ام دبليو اللي اسمه اكس سكس احلي شكل منهم صراحه انا بغيت اخذ واحد بس بعدين تردت بس الكايين كثر بالشارع واليديد اتغير اشوي ويمكن 2011 يتغير كله وانت بكيفك

 

[المرزوق]

مشكور اخوي بس البي ام الي تقول عنه شفته وشكله روعه

 

[amer alamer]

نصيحه اخذ جيب لكزز من الساير احسن لك

 

[المرزوق]

هلا اخوي عمر العمر عند الوالد جيب الساير بس تيوتيا مو لكزس واهم نفس الشكل تقريبا و2008 الي عندنا

 

[Nagooshy]

دامك تسال معناه فلوسك على قدك ومن ذوي الدخل المحدود يبى خل المواتر هذي لعيال الهوامير ومد

ريولك على قد لحافك وحافظ على البيزات اللي عندك ينفعونك في اليوم الاسود يعني وش راح تصير اذا شريت وحده من السيارتين بيحطون على راسك تاج ولا بيمشي معاك موكب​

ولا بيحترمونك الناس وتصير لك الاولويه في كل شي تعوذ من الشيطان ومن حلم المراهقه اللي تعيش فيها وحط فلوسك في شي يعود لك بالنفع ترى مافيه شي دايم ومصير اي سياره تشتريها بالاف بعد فتره ماتسوى مئات الدنانير اظن هني انا بفيدك بالكلام والنصح اللي انت تبيه مومثل الاخ اللي ينصح على قطع الغيار ولا تبديل الزيت ما اظن يالغالي انك فدته بشي مع احترامي لك وياليت محد يزعل منى بس انا بصراحه ازعل على تفكير عيال ديرتي وتفكيرهم مايحبون اللي يفيدهم اللهم اني بلغت اللهم فشهد

عدل كلامك

 

[heart]

يا المرزوق دام الحمدلله في ميزانيه الكايين احلى من التشارجر والدوج ماله سوق اذا تبي تاخذ دوج اخدc300والله شكله صعب احلى من التشاجر الف مره ويتضبط نفسه فانت كيفك يا الكايين واهوه الاكشخ طبعا او الc300لانه صراحه يصلح للشباب والشياب ويضبط على كيفك اكسسوارات ورنقات يصير روعه وفي سته وثمانيه سلندر

 

[EXPERT-Q8]

انا ارشح الكايين اس وبقوه بصراحة موتر استعمال وانا مجربه والي كان عندي موديل 2004 واعتقد ان اهم شي تلتزم بسيرفس الوكالة وتكلفته تعتمد على حسب استعمالك بس ماتتعدى 580 طبعا هذا الفل سيرفس الي مع سفايف ودسكات وتصفية ومرات يسوولك خصم
الله يوفقك ويكتبلك الي فيه الخير يالمرزوق

 

[المرزوق]

مشكورين على مروركم واخوي هيرت اول مره اسمع عن c300اذا تقدر اتحطلي صورته اكون شاكرلك

 

[خسران جداً]

اخذ النصيحه اللي ماتخرش الميه:

نصحتك وانت حر............خلك تويوتا والا لكزس

 

[heart]

كاهو اسمه كرايزلر C300


















تركب عليه تضبيطات وحركات حتى تقدل تخليه مثل البنتلي او الروز فانتوم

جيك عليه بالنت وهذا رابط فيه شلون مضبطينهم بامريكا http://www.cardomain.com/MakeModel/Chrysler/300C شوف الحركات وحتى شكله وكاله روعه بدون تضبيط انا برايي انه احلى من التشارجر ومافي وجه مقارنه وهم تختار من سته سلندر ولغايه
محرك الهيمي SRTقوته 400 تقريبا وكله بالكويت ولو تبي مستعمل على افا من يشيل انا اقول اذا بتضبط وتحط عليه حركات ورنقات وجذي يا دور واحد مضبط وخالص او اخذ2006 بس موتر روووعه

 

[المهندس حسين]

قال الإمام الشافعي:
خصني بالنصــــح بانفرادي وجنبني النصح في الجماعة
فإن النصح نوع من التوبيخ لا أرضى استــــــــماعــــــه

الأخ الجبري ما هكذا يكون النصح الله يجزاك خير. أخوي المرزوق بالنسبة للموترين عندك الجارجر عند البيع سعره ينزل وايد أما الكايين تكالييف الصيانة مرتفعه. والله يعطيك خير الموتر اللي بتشتريه ويكفيك شره

 

[المهندس حسين]

أخوي المرزوق شوف هذا الموقع يمكن يفيدك فيه آلاف السيارات

www.q8car.com