يا مرحبا بالضيف العزيز ( نجم سهيل)

[ياسر الروقي]

رحبوو معاى بالضيف العزيز نجم سهيل
اليوم بأذن الله 25 \8 سوف يبزغ نجم سهيل اليماني
وهي علامة انتهاء فصل الصيف
وكل التهاني لمن صيف معانا هالسنه بالكويت :d

راح اعود للموضوع لتعريف بهذا النجم الغالي على قلوبنا
​

 

[بوسعود66666]

هلا والله بالضيف الجديد والله مشتاقين له حييييييييييييييييييل
ذبحنا الحر والرطوبه
ومشكور يالعتيبى على هالخبر الحلو
بس ترى عشاه عندى الجابله

 

[ياسر الروقي]

هلا والله بالضيف الجديد والله مشتاقين له حييييييييييييييييييل
ذبحنا الحر والرطوبه
ومشكور يالعتيبى على هالخبر الحلو
بس ترى عشاه عندى الجابله

تم العشاءويستاهل الضيف بس على شرط تعزم زحل وعطارد

على فكره راح تلاحظ برودة الماء اما الهواء بالتدريج راح يبين يعني السموم والهواء الحار انتهى وفي البر راح يكون الهواء احسن من المدينه بكثير طبعآ في وقت الليل

 

[أوبال]

مشكووور الروقي على هالخبرية

 

[اطفـــائي محترق]

اي والله ذبحنا الصيف وذبحتنا الحرايق من شده الحراره
وشاكرلك على هالخبر

 

[zoya_y]

انتهاء فصل الصيف بهالرطووووووووووووووووووووبه !! الله يعييييييين على هالحر

 

[مليونير بعد سنه]

عندنا شايب يقوول

دام وافقت الرطوبه طلوع سهيل

ابشروا بالمطر والربيع والفقع؟؟

اذا عندك فكره ولد روق بلغني

ملاحظه: التكييف كان متوجه لحظتها على الشايب مباشره

 

[ياسر الروقي]

مشكووور الروقي على هالخبرية

العفو يا اوبال والفال لك ان شاء الله يطلع سهيل عندكم وتفرحون فيه وتنامون بالسطح والله اني لاحق على نومة السطوح

اي والله ذبحنا الصيف وذبحتنا الحرايق من شده الحراره
وشاكرلك على هالخبر

الله يعينك يا اطفائي احتسب الاجر بوظيفتك شاكر مرورك يا الحبيب

انتهاء فصل الصيف بهالرطووووووووووووووووووووبه !! الله يعييييييين على هالحر

لاحظي تغيير الجو زويا لاحظي الماي بالذات انا نسيت انتم يا عيال الهوامير عندكم تحطون برادات ماى عند التوانكي

عندنا شايب يقوول

دام وافقت الرطوبه طلوع سهيل

ابشروا بالمطر والربيع والفقع؟؟

اذا عندك فكره ولد روق بلغني

ملاحظه: التكييف كان متوجه لحظتها على الشايب مباشره

هههههههههه يا حلوو الملاحظه عيار
ترى كلام الشايب صحيح لان هذا الدارج عند كبار السن
وقريت مره للعجيري يأكد هذا الشي
واللي اهم من نزول المطر هو البركه
وشاكر مرورك الكريم

 

[acton]

سلام عليكم
عندي استفسار كوني خارج الكويت ودي اعرف هل طلع نجم اسهيل على اتجاه الريح شمال او جنوب (كوس)؟؟؟

 

[ياسر الروقي]

سلام عليكم
عندي استفسار كوني خارج الكويت ودي اعرف هل طلع نجم اسهيل على اتجاه الريح شمال او جنوب (كوس)؟؟؟

اها دخلنا بالعميق وتوهق الروقي
والله يااخوى ودي افيدك بس ما عندي علم
لكن اللي اعرفه انه سهيل يطلع من الجنوب جهت اليمن
ولذلك سمي بسهيل اليماني