عندي مشكلة بالسيارة

الموضوع في 'اعلانات المركبات' بواسطة P.Engineer, بتاريخ ‏26 أغسطس 2008.

حالة الموضوع:
مغلق
  1. P.Engineer

    P.Engineer عضو جديد

    التسجيل:
    ‏13 أغسطس 2008
    المشاركات:
    538
    عدد الإعجابات:
    0
    السلام عليكم ...

    عندي كاديلاك STS 2005 مشكلتها إني إذا خليت السيارة يوم كامل أو يوم ونص ما اشتغلها و ييت اشغلها بعدين يطلع صوت قوي من الماكنية جنه ياي من المروحة لما تدور صوت خشونه (كركعة) والصوت يدوم 2 أو 3 ثواني ويروح ويرد الصوت عادي كأنه ما فيها شي .. بس إذا خليتها يوم ما تشتغل ..
    السيارة مكفولة ما خلصت الكفالة وكل ما أوديها الوكالة يخلونها يبدولون قطع ويقولون مافيها صوت لما أدر أتفاجأ أنه الصوت موجود ..
    مع العلم أن الوكالة بدلت كل غوايش السيارة و بدلت كل كراسي المكينة
    توقعوا الصوت منه ..
    تعتب وأنا أودي فيها والصوت يفشل راحة :confused:
     
  2. BADR-1

    BADR-1 عضو جديد

    التسجيل:
    ‏6 أغسطس 2008
    المشاركات:
    469
    عدد الإعجابات:
    0
    سببان الاول والله اعلم ضعف طرمبة الزيت لتوصيل الزيت للكامة العلوية او انسداد انابيب وفتحات التزييت مما يسبب خشونة وطقطقة بالتكايات والصبابات والزيت صارله يوم راكد يبيلة وقت علي ما يصعد ويختفي الصوت السبب الثاني السلف يحتاج الي تنظيف وتزييت بسيط حتي لا تدقر بكرة الدشلي اللي توصل قوة السلف لتشغيل الماكينة اثناء التشغيل هذا والله اعلم..... تقبلوا تحيات ميكانيكي عليمي
     
  3. القراشي

    القراشي عضو نشط

    التسجيل:
    ‏29 يوليو 2008
    المشاركات:
    2,144
    عدد الإعجابات:
    9
    مكان الإقامة:
    الكويت -66020136
    السلام عليكم .........

    وانا اظم صوتي لأخوي بدر انا عندي كراج وسألت المكانيكي وقال نفس كلام اخوي بدر بعد بس اكثر احتمال ضعف طرمبة الزيت لتوصيل الزيت بالكامل لأجزاء المكينه.
     
  4. wave

    wave عضو جديد

    التسجيل:
    ‏18 يوليو 2008
    المشاركات:
    37
    عدد الإعجابات:
    0
    بما ان سيارتك يديده ومنتظم بتبديل الدهن

    هذا صوت الى تسمعه صوت الصبابات

    صوت الصباب يحتاج لها ميزان صبابات وغالبا ما اتكون عمليتها سهلة ويبيلها عيار بواسطة (الفلر قيج )

    ديربالك توديها لكراج خارجى ترى يجذبون عليك اذا شافوك غشيم ويقولولك هذا فيها راس مكينه عشان يشفطون فلوسك :)
     
  5. BADR-1

    BADR-1 عضو جديد

    التسجيل:
    ‏6 أغسطس 2008
    المشاركات:
    469
    عدد الإعجابات:
    0
    الاخ wave الرجال يقول الصوت يطلع ثواني ويروح اذا كان صوت صبابات ما راح يختفي الصوت ...........للعلم بعد قلبي
     
  6. Fishta

    Fishta عضو جديد

    التسجيل:
    ‏1 مارس 2006
    المشاركات:
    473
    عدد الإعجابات:
    0
    مكان الإقامة:
    اليرموك
    هذا الصوت والله أعلم لعدم:::

    1- لازم تمشي بالسيارة خط ولازم سرعتك من 130 الى 180 وتستمر ل 20 ال 30 كيلو

    2- لتغير زيت المكينة أو لتغيير البانزين بإستمرار

    يعني لازم تحتفذ بنوع معين للبانزين


    والله أعلم
     
  7. aadm1

    aadm1 موقوف

    التسجيل:
    ‏22 يونيو 2005
    المشاركات:
    981
    عدد الإعجابات:
    2
    اعتقد فعلا صوت الصبابات قبل لا يوصلها الزيت

    واتوقع السالفه عاديه مو محتاجه شيء طبيعي

    لا تحاتي
     
  8. P.Engineer

    P.Engineer عضو جديد

    التسجيل:
    ‏13 أغسطس 2008
    المشاركات:
    538
    عدد الإعجابات:
    0
    مشكووورين على الرد والإفادات جميعاً ...

    أخوي BADR-1 و أخوي القراشي أعتقد كلامكم صحيح والسبب طرمبة الزيت فيها شي لأنه مرة واحد من الميكانكيين في الوكالة قالي هل كلام بعد بس ما فهمت كلامه وقالي أنه عادي طبيعي بس بعد شرح الأخ BADR-1 بديت أشك بهل موضوع .. ماتوقع من السلف لأنه الوكالة بدلت السلف كامل يديد مع الكمبيوتر ماله قبل شهر تقريباً ... والحين السؤال هل هذا الشي طبيعي عادي حسب كلام الميكانيكي ؟ لأنه السيارة من 2005 استعملها مافيها هل شي توه بدأ يطلع ..

    وأخوي wave مو مشكلة أقولهم يفحصون الصبابات وأجزائه .. مو خسران شي على الكفالة ههه مشكور خالي

    أخوي wave لا تحاتي السيارة مفكولة كل شلغها يتم بالوكالة :) ومشكور على النصيحة

    أخوي Fishta السيارة تدخل السيرفر بشكل منتظم وتدقوون على على 120 نقطة بالسيارة مو معقولة ما يبدلون زيت الماكينة ! والبانزين ما يتم تغييره باستمرا شلون ما فهمت عليك ؟ جربت مشيت بالسيارة خط كامل 180 كيلومتر ماكو فايدة و مشكور حجي

    أخوي aadm1 لا تضيق خلقي :( لا تقول طبيعي أنت ثاني واحد يقول جذي .. مو طبيعي الصوت السيارة يديدة و ماكان فيها هل صوت !! وأول مرة اسمع هل صوت فيه سيارة أنا
     
  9. wave

    wave عضو جديد

    التسجيل:
    ‏18 يوليو 2008
    المشاركات:
    37
    عدد الإعجابات:
    0
    ----===

    صح كلامك بس السيارة يديده ماعتقد طرمبه الزيت

    بس قبل لايبدل طرمبه الزيت خل يشيك عليها قويه ولا لا

    خل يبطل غطاء الزيت ويشغل السيارة ويخيلها ليم تحتر اذا شاف الزيت يطشر يرشرش

    يعنى ان طرمبه الزيت سليمه مافيها شيئ

    اذا العكس تحتاج نبديل

    بس اذا طلعت اوكى

    مابقى جدامه الا ربل الصباب + العيار

    عموما السيارة على الكفاله بس المشكله ان وكاله الغانم مايمشون الا بالهواش والصراخ

    لازم يسويلهم فضيحه ويشرشحهم عشان يسوون سيارته
     
  10. P.Engineer

    P.Engineer عضو جديد

    التسجيل:
    ‏13 أغسطس 2008
    المشاركات:
    538
    عدد الإعجابات:
    0
    مو مشكلة أنا راح أخليهم يفصحون الطرمبة و الصبابات ... هههههه لا مراح أفتح وجرب شي بالسيارة مابي اعفسها زيادة ... صح كلامك لازم زف و صراخ بس لا تحاتي مروضهم عدل أنا
     
  11. black_ice_q8

    black_ice_q8 عضو جديد

    التسجيل:
    ‏18 فبراير 2008
    المشاركات:
    199
    عدد الإعجابات:
    0
    السلام عليكم
    صبحكم الله بالخير
    اخوي انا عندي كاديلاك نفس موديلك وهم على الكفاله ليلحين وكان يطلعلي نفس الصوت وديتها الوكاله قعدت عندهم ثلاث ايام وخلصوها لي وراح الصوت ومافيها شي ليلحين ولله الحمد يعني قط سيارتك عندهم وعطهم كلام ناشف لانك موديها من قبل علشان هالمشكله وخلها حتى لو تقعد ثلاث ايام مو مشكله بس تستلم السياره وكل شي اوكي وبالمره شوف اذا فيها ملاحظات بعد مني مناك قولهم لانه السياره ببيتونها لك مو اقل من ثلاث ايام وان شاء الله مافيها الا العافيه بس نشف ريجهم وسامحني على الاطاله .
     
  12. P.Engineer

    P.Engineer عضو جديد

    التسجيل:
    ‏13 أغسطس 2008
    المشاركات:
    538
    عدد الإعجابات:
    0

    مشكوووور خالي على اللإفادة ... المشكلة أن كل واحد يقولي حجي هناك واحد يقولي عادي و واحد يقولي مافيها صوت وغيره و غيره .. خليتها عندهم وايد بس المشكلة أنهم ما عارفين شي الي هناك .. شوف ما شاء الله الأخوان أني بسرعة يعطونك الرد ... بس عندي سؤال لما وديتها شنو قالولك المشكلة فيها على الأقل أقولهم اأساعدهم إذا مو عارفين شي .. شنو بدلوا و شنو فحصوا بسيارتك ... أنا شاقهم شاق هناك بس همن ما يعرفون شي .. أنا دزيت أيميل حق General Motors أمريكا لأنهم أهني ما منهم فايدة وقتلهم عند المشكلة وأن الميكانكيين أهني هنود ما يعرفون شي بالسيارة وأنا تعتب أكثر من 7 مرات أوديها ردوا خذوا رقمي وعنواني قبل شوي دزيته أيميل لأنهم طلبوا مني و بشنو شراح يسوون عاد ... و مشكور مرة ثانية
     
  13. wave

    wave عضو جديد

    التسجيل:
    ‏18 يوليو 2008
    المشاركات:
    37
    عدد الإعجابات:
    0
    --------------

    شغلك ميه ميه

    انا مره رحت مع واحد من الربع نفس سالفتك قاعدين يلعبون فيه بالكلام كل واحد يعطيه حجوه

    رحت معاه الصراخ وصل لنهايه الشارع خلينا الى مايشترى يتفرج شرشحناهم حتى المدير اللبنانى شبينا فيه نار


    اخر شيئ اخذ السياره وخلاها عنده اسبوعين قاعدين يفحصونها لغايه ماطلعت الحقيقه طلع فيها راس مكينه

    زين تسوى افضحهم
     
  14. P.Engineer

    P.Engineer عضو جديد

    التسجيل:
    ‏13 أغسطس 2008
    المشاركات:
    538
    عدد الإعجابات:
    0

    أي لا هناك جذي نظامهم لازم زف ونجره .. وهذا اللبناني إلى تتكلم عنه أسمه مارينو .. شنو حارني و باط جبدي بس يمشي ربعه .. مره معا الصراخ جان أبطها يقول الأستاذ مارينو يقول مادري شنو جان أرد عليه "ياا عمييي مارينو هذا ما يعرف شي بس يتفلسف و مشي ربعه" .. أنا عادي أدش شبه اسبهم وقط عليهم جني من هل نوع وطلع ..
     
  15. kokokaka

    kokokaka عضو جديد

    التسجيل:
    ‏1 أغسطس 2008
    المشاركات:
    324
    عدد الإعجابات:
    0
    السلام عليكم الصوت لى بسيارتك صوت زنجير الصدر الان شداد الصدر يفضي الدهن لى فيه لما توقف السياره نص يوم واذا شغلت السياره الطرمة الزيت تاخذ ثواني على ماتصعد اللدهن حق الشداد وبعدين يروح الصوت طبعا هذا الكلام مراح تفهمه الانه كلام مكانيكيه سيارات بس تاكد ان الكلام لى قلته صحصح ميه ميه لو الطربمه الدهن فيها شي جان قامة المكينه يعني قول حق الشركه يبدلون شداد الزنجير ودعو لنا بالخير اخوك ابو صالح
     
  16. P.Engineer

    P.Engineer عضو جديد

    التسجيل:
    ‏13 أغسطس 2008
    المشاركات:
    538
    عدد الإعجابات:
    0
    مشكور خالي بو صالح .. مثل ما قلت مافهمت هل كلام إلى طرمبة الزيت .. حالياً السيارة بالوكالة على هل مشكلة بس باجر بروح لهم بشوف شصار وبقولهم يجيكون على الزنجير مثل ما قلت ..
     
  17. P.Engineer

    P.Engineer عضو جديد

    التسجيل:
    ‏13 أغسطس 2008
    المشاركات:
    538
    عدد الإعجابات:
    0
    اليوم وصلني تقرير السيارة بخصوص هل مشكلة ... وأنصدم يقولولي كرسي المكينة متكسر وأهو إلي يطلع الصوت وما تقدر تستلم السيارة بهل حالة والكرسي مكسور لازم تنطر أسبوع على ما يوصل كرسي المكينة من أمريكا !

    هل صحيح هذا الكلام الصوت ممكن يكون من كرسي المكينة !
     
  18. wave

    wave عضو جديد

    التسجيل:
    ‏18 يوليو 2008
    المشاركات:
    37
    عدد الإعجابات:
    0
    صوت كراسى المكينه والقير

    ماتطلع الا ببدايه مشى السيارة عند الوقوف وعند المطبه

    يطلع صوت طقه واهتزاز بالسيارة

    وبعض المرات ونادرا

    اذا كان كراسى المكينه مكسورة يطلع ببدايه مشى السيارة صوت صرير مثل صوت الدريل من تحت السيارة بالجزء الواصل بين القير والمكينه لمده ثوانى ويختفى لغايه ماتتخذ المكينه وضعها الطبيعى من بدايه المشى

    والله اعلم
     
  19. P.Engineer

    P.Engineer عضو جديد

    التسجيل:
    ‏13 أغسطس 2008
    المشاركات:
    538
    عدد الإعجابات:
    0

    بصير فيني شي والسبب هل وكالة ::verymad:: قايلهم أنا أهما معاندين يقولون لأ كرسي مكينة عندك مكسور لازم أبدله .. والله شكلي بوديها كراجات خارجية وأرتاح
     
  20. kokokaka

    kokokaka عضو جديد

    التسجيل:
    ‏1 أغسطس 2008
    المشاركات:
    324
    عدد الإعجابات:
    0
    كرسي الماكينه مايطلع صوت ؟ كرسي الماكينه تحس وانت داخل السياره بخشونه ورجه بالماكينه جنها تبي تصفيه ؟ كل سياراه لها كرسييين واحد على الشمال واحد علي اليمين وتقدر تعرف اي واحد فيهم خربان بحركه بسيطه جدا ؟ شوف واحد يفتح الغطا ويوقف جدام السياره ويطاع المكينه والثاني يقعد داخل السياره ويحط القير على الدي ويمسك بريك ويدوس بانزين بالرجل الثانيه راح ترتفع الماكينه من صوب واحد ( اليمين ) اذا ارتفعت وايد حيل بصوره مو طبيعيه يكون الكرسي الايمن اهو الخربان ؟ ونكرر العمليه مره ثانيه بس بدال القير مو على الدي يكون القير على القري ويمسك بيريك بقوه ويدوس بالرجل الثانيه على البانزين راح ترتفع المكينه من صوب واحد ( الجانب الايسر ) واذا الرتفعت المكينه من مكانها وايد يكون الخربان الكرسي الايسر ؟ وممكن يكون الكراسي الاثنين خربانين ؟ ادري انت موفاهم شي ؟ لكن هذي المعلومه حبيت اوصله لك وحق غيرك ؟ وبالتوفيق وكل عام وانت بخير ؟ اخوك ابو صالح فني ومدرب سابق |||||||||||||||
     
حالة الموضوع:
مغلق