adsx

[undercover]

ياشباب وش صار على المؤتمر فيه جديد ولا لا؟

رفض يشبك اللنك معي الظاهر اللي متورطين في هالسهم واجد ومزحوم اللنك تبع المؤتمر

 

[مستثمر73]

وهذا رد عرض وطلب قبل 5 دقائق :

Subject: Re: ADSX




Date: Mon 15/03/2004 06:00 PM



Attachments
Name Type Save View
Part 1 text/plain Save
Part 2 text/html Save




Our views on this stock are still the same. We recommend you to keep it.

Regards,





يوصون الأحتفاظ السهمممممممممممم



وبالله التوفيق

 

[مستثمر73]

أستمعوا ل conference Call

الشركة تحصل على العديد من العقود وبمبالغ ضخمة وعضها في الهند والمكسيك وكندا وأوربا.


والله أعلم

 

[CHART TRADER]

مشكلة البعض يعض على السهم


دير بالكم يا شباب

والله يوفقكم

 

[jamal]

السلام عليكم

شنو اخر الاخبار يا اخوان

 

[waleedan]

يقولون طال عمرك انه مدير الشركه شال غراضه وهج والحين اهو ساكن بالصمان الي يطالبه أسهم خل يجيه هناك
والله اعلم

 

[مستثمر73]

بدأ الأرتفاع أنشاء الله

 

[undercover]

روقنا ياوليدان ترا ماحنا ناقصين

 

[jamal]

ما اظن اخى العزيز

حتى اذا حصل ارتفاع اليوم راح يوصل 35 فقط

هذا اذا ارتفع .. لانه السهم هذا محير جدا على الصفقات الى يذكرونها الشباب ولا نرى تقدم

ما باليد حيله غير الصبر ولا نملك غيره

الله يوفكم جميعا

 

[مستثمر73]

يا أخوان السوق نازل كله ناسداك 31 نقطة والداو جونز 80 نقطة ..


ADSX الحين 0.33 نازلة 0.02 فقط ونشاء الله تعوض اليوم.


تأملو خيرا تجدوه.

وبالله التوفيق

 

[waleedan]

الرسالة الأصلية كتبت بواسطة undercover
روقنا ياوليدان ترا ماحنا ناقصين

ياخوووي انا ماقلت شي اذا انت منت ناقص ترى حالي من حالك عندي بالشركه هذي 10000 سهم يعني كل ماعندي قطيته على السهم هذا
وهذا انا حالي من حالك لكن انتو ياجماعه الي مسوين السالفه جهاد الله يهداكم
مقومين الدنيا ومقعدينها
على العموم انا اسف اذا ضايقتك
تحياتي لك اخوك وليدان

 

[مـــفـــلــــس]

متعقد

ياعزيزي المحترم انا اموت واعرف شنو يبون اذا راس هالمال قوي والاخبار قوية يعني السهم يستعبط ؟ والله جنني شريت علي 40 وعززت علي 33 واشوف اخونا هالسهم موراضي يعني اطق اصبع ولا شنو الحل افيدونا (

 

[مستثمر73]

يا أخ waleedan الله يرضى عليك . أذا أنت تملك 10000 سهم ترى غيرك يملك أضعاف هذا العدد في الشركة.


لازم مراعات أخوانك المسلمين.
وكل واحد له ظروفه
.

 

[abusaya7]

اللي يملك 10000 واللي يملك 1000000 سهم يعني بالنهايه الكل خسران

وصلوا على النبي يا جماعة

 

[صافي النية]

يا شباب صلوا على محمد اخونا وليد كان يقصد يوسع صدورنا شوي ويقلل من التوتر هدوا اعصابكم ولا تحطون حرتكم في بعض

ويا شباب الشركة جيدة واكثر من جيدة بس اعطوها فرصة بالنسبة لي حتى لو وصل عشرين سنت ما راح ابيع ولو طلع ووصل خمسين سنت برضه ما راح ابيع كل الكمية واحتمال ما ابيع السهم الا في شهر يونيو باذن الله

ونصيحة اخو لكم لا تتابعون السهم بالدقيقة وخاصة الايام هذي توكلوا على الله وشوفوا باقي اسهمكم وشوفوا باقي السوق والاخبار ولا تركزون على سهم واحد

والله يوفقكم كلكم

 

[ma01sadah]

شباب هدو اعصابكم
السهم هذا انشاء الله فيه الخير...
النازداك نازل وهو ثابت ...."يعني للي بيصير مو شي غريب"
اذكرو الله ووحدوه وسبحهوه....تنال اجر اجر اعظم من كم ورقه مكسب...
على العموم....انشاء الله خير
صلو عل النبي ياشباب

 

[فوق تحت]

السلام عليكم


مساكم الله بالخير

كيف حال الشباب

undercover

هد أعصابك وترا الدنيا ما ملحوق له طرف

**كل يموت وحاجته ما قضاها**

على العموم سهمنا هذا (الله يربحنا من حمار شريناه) "تكرمون عن المثل" مسوي له علم "تماسك" في حال كسر هذا التماسك فقدامه 10 سنت من نقطة الكسر
شوفوا معي الشارت...

ما أتوقع أنه راح ينزل أكثر من 31 سنت لأن السوق اليوم منهار مع ذلك سهمنا ماسك نفسه وراح يلتقي بالخط العلوي خلال الأسبوع هذا أو الجاي لو ضل على نفس السعر
وبهالحالة فنقول مرحبا 10 سنت يعني 31% ربح على سعر اليوم

طبعا هذا إذا ما سوى له بلوى وأنفجر خلال هالأسبوعين

الله يستر من هالأسهم وعلومه

بالتوفيق للجميع

 

[bu-abdullaziz]

ياجماعة الخير كلنا نملك اسهم فى الشركه و الله يرزقنا فيها انشالله .

انا عن نفسى ماراح ابيع الا اذا فى اخبار سيئه عن الشركه و الحمد الله مافى شى لاحد الان.

واذا السهم مافيه خير جان شفته واصل 20 اليوم

الصبر جميل

بالتوفيق للجميع.

 

[Salman]

اتوقع سبب النزول عشان التقسيم اللي بيصير في يوم 5 من الشهر الجاي .. اما اخبار الشركة مهيب شينة
واذا صار التقسيم (10 لكل 1 ) بيصير سعره حول 3 دولار والسعر هذا ما يناسب الطماعين ( ونا واحد منهم ) لأن ارتفاعه بعد كذا بيكون بطيء حسب توقعاتهم
كانوا متوقعين اذا سعره بالثلاثين او اربعين سنت وضرب فوق عشان عقد حكومي ولا اي خبر ممتاز يدبل معهم اكثر من مره بس الحين صعبه
ما استبعد ابدا ان السعر يستمر بالنزول حتى يوم التقسم أو الى ما شاء الله.
اذا تم التقسيم قلّت الأسهم وقل التلاعب فيها من المضاربين ومن حقين الأوبشن اللي ما يخلونك تتهنى بخبر عليها وهذا بيساعد على ارتفاع سعره .. غير الشركات الكبيرة والمساهمين الكبار اللي بيثقون فيها.
اذا كان سعره 3 دولار بعد التقسيم بيوصل 6 دولار خلال اشهر
الشركة ممتازة للإستثمار على مدى اشهر قريبة
انا من الناس اللي ساحرني هالسهم من زمان ومشكلة اذا الواحد حب له سهم يدور له الأعذار .. بس اذا فكرت وش الله حادني عليه.. الخير واجد والشركات الموثوق فيها اكثر من الهم على القلب.. بس يبيلها قوة إرادة ( ابيع اسهم هالشركة واترك التتن )

 

[undercover]

A Reverse Split -- Ouch!
Stock splits don't change your ownership share, but they generally occur with successful and highly priced stocks. Not so with the bear market phenomenon of a reverse split, which happens when a company's stock performs horribly and is often priced in the pennies. Two-thirds of 37 reverse splits in 2002 failed to bring stock prices above penny-stock or penny-company levels. Stay away.

By Tom Jacobs (TMF Tom9)

http://www.fool.com/news/commentary/2003/commentary030318tj.htm