عااااااااجل جدا الى خبراء اسعار اللاندكروزر

[thailoves]

اخوني خبراء المنتدى,,,

السلام عليكم و رحمة الله و بركاته,,

انا راح ادش بالموضوع على طول

انا صارلي فترة و انا ادورلي على جيب لاندكروزر بشرط يكون (8) سلندر يعني vxr و اليوم توني جاي من احدى مكاتب السيارات و حصلت واحد و هذي مواصفاته:-

(vxr موديل 2003 طبعا 8 سلندر و ماشي 140000 - فتحه - كشنات جلد - مثبت سرعه - كشافات - سي دي شينجر - ثلاجة - ليتات زينون)

يعني تقريبا كامل و الكامل وجه الله.


السؤال هو::::: جم يسوى سعره بهالمواصفات و طبعا اذا كان نظيف؟؟؟
الرجاء من اخواني افادتي بالموضوع باسرع وقت لاني مليت و انا ادور على جيب

مع خالص الشكر

 

[ali5225]

نصيحه نصيحه نصيحه انحش عن المكاتب انحش ويرزقكك الله والله يا الغالي سيارات المكاتب

ما يعلم فيها الا ربك اذا تبي فكسارات روح للحراج ولا تستعجل بالشراء

او روح التمويل للسيارات الستعمله هناك تحصل فكسارات نظيفه ويعطونك كفالة لمدة سنه كامله

اما المكاتب والله ما انصحك فيها يا الامير ....... تقبل مروري

 

[ali5225]

وبالنسبه للسعر طال عمرك ما يتعدى الـــ 8400 دينار

والله يوفقكك انشالله

 

[thailoves]

جزيل الشكر لك اخوي ali على هالنصيحه و صدقني راح امشي عليها لأني أكتشفت ان راعي المكتب صدمني بسعر من 9100 دينار وصلت وياه الى 8600 و لا لو اقوله بعد يطيح و هذا معناته ان الموتر فيه بلا

 

[الشاطر]

سعره بالحراج من 7000 الى 7800 خله عندك واخذ الجديد الناس بدت ترغب الجديد

 

[الطراروه]

والله انا شفت من قبل جم يوم موديل 2008 الشكل الجديد بي 9800 واصل

 

[wooow]

vxr 2003 اذا نظيف حيل مو اقل من ال8500 اخذ منى العلم انا ابيع واشترى فيهم من 1995

تصدق
الاسبوع اللى طاف انباع gxr 2004 ب8950 ماشى 30 الف عزيزى هذا تويوتا حتى السكراب ياخذ حقه