شنو الانجح بالنسبه لك ..؟ التوصيه .. ولا التحليل ..؟ (فزاع)

[(فزاع)]

اخواني الاعضاء ..
شنو الانجح بالنسبه لكم ..؟ التوصيه .. ولا التحليل ..؟
واذا لقيتوا اثنينهم يتعارضون مع بعض .. تختارون شنو ..؟
​

 

[ALSALEM]

هلا بالحبيب يا سلام على المواضيع الرهيبه ما شاء الله
انا رايي بالدرجه الاولى التحليل ومو من محلل ثقه واحد بس لكن من كذا محلل عشان نفرق بسلبيات وايجابيات التحليل ونقرر شرا وللا بيع واذا اجتمع مع التحليل التوصيه فهم بمثابة الدعم للسهم
اما التوصيه بمفردها فهي مغامره الا اذا توافقت مع اخبار الشركه الايجابيه ومؤشرات السهم للفتره الاخيره لكن يفضل مع التحليل

 

[الاوربي]

وجهان لعمله واحده

 

[acton]

اخواني الاعضاء ..
شنو الانجح بالنسبه لكم ..؟ التوصيه .. ولا التحليل ..؟
واذا لقيتوا اثنينهم يتعارضون مع بعض .. تختارون شنو ..؟
​

شاكرلك على الموضوع بصراحه التحليل الان هو سيد الموقف ومن خبرتي بالبورصه التحليل اهو الادق وعندي صديق اجنبي سألته عن بورصه لندن قالي اول ادخل دوره تحليل بعدين اجاوبك وبصراحه كل بورصات العالم تعتمد على التحليل

 

[(فزاع)]

هلا بالحبيب يا سلام على المواضيع الرهيبه ما شاء الله
انا رايي بالدرجه الاولى التحليل ومو من محلل ثقه واحد بس لكن من كذا محلل عشان نفرق بسلبيات وايجابيات التحليل ونقرر شرا وللا بيع واذا اجتمع مع التحليل التوصيه فهم بمثابة الدعم للسهم
اما التوصيه بمفردها فهي مغامره الا اذا توافقت مع اخبار الشركه الايجابيه ومؤشرات السهم للفتره الاخيره لكن يفضل مع التحليل

هلا والله بو خالد ..
اشلونك شخبارك ..
في سهم وصوني عليه لكن ما دخلت عليه ..
لأن بعد شفت المؤشرات لقيت ان الوضع في حالة تصريف .. يعني نحشه ..!
لكن من بعدها شفت السهم معلق لمدة 3 ايام والدنيا حلوه وبسيطه وتم تحقيق هدف التوصيه ..!​

 

[(فزاع)]

وجهان لعمله واحده

لا .. ما اعتقد ..
لأن صادفت توصيات تعارض التحليل ..
مرات يضبط التحليل .. ومرات تضبط التوصيات ..​

 

[(فزاع)]

شاكرلك على الموضوع بصراحه التحليل الان هو سيد الموقف ومن خبرتي بالبورصه التحليل اهو الادق وعندي صديق اجنبي سألته عن بورصه لندن قالي اول ادخل دوره تحليل بعدين اجاوبك وبصراحه كل بورصات العالم تعتمد على التحليل

هلا والله اخوي اكتون ..
اشلونك شخبارك ..
بس هل تعتقد ان بورصة الكويت تحترم التحليل الفني ..؟​

 

[حمود_1]

اخوي فزاع انا راي والله اعلم

التوصيه معلومه تسبق التحليل يعني علم اكيد

والتحليل مؤشرات تتنبأ بالصعود

بس مو كل توصيه افضل من التحليل والعكس صحيح


اتكلم عن التوصيه الموثوقه مو توصيه للتصريف

وجهة نظر من واقع تجربه

هذا والله اعلى اعلم

 

[أسد سليمان ملك]

هلا والله بو خالد ..
اشلونك شخبارك ..
في سهم وصوني عليه لكن ما دخلت عليه ..
لأن بعد شفت المؤشرات لقيت ان الوضع في حالة تصريف .. يعني نحشه ..!
لكن من بعدها شفت السهم معلق لمدة 3 ايام والدنيا حلوه وبسيطه وتم تحقيق هدف التوصيه ..!​

افا ليش ماضبطنه


انا اقول التحليل شي مهم بس لمن تيي التوصيه متوافقه مع التحليل زين على زين اما اذا التوصيه جامده ومن ناس ثقه عمياء ويكون بينك وبينهم تجارب في السابق والله اخذ التوصيه وقط التحليل ورى ظهري لان التحليل كالشخص الي يمشي بالظلمه وعنده اشارات بسيطه على اساسها يطلع من الظلمه بعكس واحد يمشي ومعاه سراج ينور طريجه

مشكور على هالموضوع والله يعطيك العافيه يابوسالم

 

[(فزاع)]

اخوي فزاع انا راي والله اعلم

التوصيه معلومه تسبق التحليل يعني علم اكيد

والتحليل مؤشرات تتنبأ بالصعود

بس مو كل توصيه افضل من التحليل والعكس صحيح


اتكلم عن التوصيه الموثوقه مو توصيه للتصريف

وجهة نظر من واقع تجربه

هذا والله اعلى اعلم

عدل كلامك والله ..
طيب لو يتلك توصيه وفي من وراها ربح حلو ..
ويوم جيكت على التحليل .. شفت ان الوضع تصريف ..
شنو تكون ردة فعلك ..؟
تثق برفيجك ..؟ ولا تثق بتحليلك ..؟​

 

[Bo 7MaNi]

اخواني الاعضاء ..
شنو الانجح بالنسبه لكم ..؟ التوصيه .. ولا التحليل ..؟
واذا لقيتوا اثنينهم يتعارضون مع بعض .. تختارون شنو ..؟
​

بوسالم مساك الله بالخير اخوي بإعتقادي الشخصي:
التوصية إذا كان مصدرها مجرب وثقة تكون أفضل من التحليل لأن كثيرا مايكون التحليل مخالف لما يفعلة صناع الأسهم في سوق الكويت....! فبعتقادي التوصية اللتي يكون مصدرها موثوق ومجرب ومن راس مرفوع أفضل من التحليل بألف مرة وشكرا على الموضوع الممتاز ياخوي

 

[(فزاع)]

افا ليش ماضبطنه


انا اقول التحليل شي مهم بس لمن تيي التوصيه متوافقه مع التحليل زين على زين اما اذا التوصيه جامده ومن ناس ثقه عمياء ويكون بينك وبينهم تجارب في السابق والله اخذ التوصيه وقط التحليل ورى ظهري لان التحليل كالشخص الي يمشي بالظلمه وعنده اشارات بسيطه على اساسها يطلع من الظلمه بعكس واحد يمشي ومعاه سراج ينور طريجه

مشكور على هالموضوع والله يعطيك العافيه يابوسالم

هلا والله بو كندر ..
لا والله ما نسيتك يا اخوي ..
بس ولكن انا شفت ان الدخول على السهم يخوّف ..
فـ ما دخلت ولا حبيت اني ادخل غيري معاي ..
لأن ما احب ان شي يكون بذمتي وبرقبتي ..

وعدل كلامك يا اخوي بخصوص السراج ..
حتى المحلل يمشي بظلمه ومعاه شمعه .. وياريتها شمعه سنعه لأ لأ .. شمعه يابانيه ​

 

[اعلامي]

الانجح برايي الشخصي المعرفة التامة بالشركة المراد الاستثمار فيها ... قياس الاداء بمستوى النمو .. معرفة سلوك السهم وقراءته بشكل جيد

ياتي بعدها التحليل .... واخيرا التوصية لا يعتمد عليها لأنها غير صحيحة في كثير من الاحيان ... وقليل جدا ان م يكن من النادر من يعطيك توصية وتصيب بنسبة كبيرة ... خصوصا اذا كانت التوصية مكتوبة في المنتديات ويقرءها الآلاف وهذا احد اهم اسباب فشل التوصيات

 

[acton]

هلا والله اخوي اكتون ..
اشلونك شخبارك ..
بس هل تعتقد ان بورصة الكويت تحترم التحليل الفني ..؟​

البورصه عباره عن متداولون وبعضهم لايحترم البورصه
بورصه الكويت تاخذ بالاخبار والناس يستعجلون بالشراء وللاسف جرائدنا تنشر الاخبار في مقابل شهرتها على حساب المتداول انا بصراحه اتبع التحليل ومايمنع اسمع الاخبار بس اقارنه بالتحليل
بختصارالتحليل يجب ان يحترم لانه مبني على دراسه

 

[(فزاع)]

بوسالم مساك الله بالخير اخوي بإعتقادي الشخصي:
التوصية إذا كان مصدرها مجرب وثقة تكون أفضل من التحليل لأن كثيرا مايكون التحليل مخالف لما بفعلة صناع سوق الكويت....! فبعتقادي التوصية اللتي يكون مصدرها موثوق ومجرب ومن راس مرفوع أفضل من التحليل بألف مرة وشكرا على الموضوع الممتاز ياخوي

يا بعد قلبي والله بو حمني ..
اشلونك شخبارك ..
امبارك عليك الشهر يمعود وينك ما اتبين وكله غاط ..!
والله وجهة نظرك احترمها واقدرها واحطها على راسي وعيني ..​

 

[Bo 7MaNi]

يا بعد قلبي والله بو حمني ..
اشلونك شخبارك ..
امبارك عليك الشهر يمعود وينك ما اتبين وكله غاط ..!
والله وجهة نظرك احترمها واقدرها واحطها على راسي وعيني ..​

هلا بالحبييب يسلملي راسك وعينك وكل عام ونتى بخير ياخوي وآنة موجود بين الايادي وعزيز وغالي ياملح المؤشر

 

[الاوربي]

لا .. ما اعتقد ..
لأن صادفت توصيات تعارض التحليل ..
مرات يضبط التحليل .. ومرات تضبط التوصيات ..​

التوفيق من الله سبحانه وتعالى

 

[حمود_1]

عدل كلامك والله ..
طيب لو يتلك توصيه وفي من وراها ربح حلو ..
ويوم جيكت على التحليل .. شفت ان الوضع تصريف ..
شنو تكون ردة فعلك ..؟
تثق برفيجك ..؟ ولا تثق بتحليلك ..؟​

يابو سالم انا بدايتي بالبورصه على التوصيات بو ربع يعني اي كلام

اغلب التوصيات من ناس خبره بالسوق يشوف السهم نزل يقول مستحيل ينزل اكثر ولنا فى مجاميع القروبات عبره

اذا التوصيه من صانع سوق والا شخص له علاقه بالشركه وثقه اتبعها

بس بالنسبه لى انا اتبع نظرتي للشارت اذا ماعجبني الوضع ما ادشه

وبالنهايه الارزاق بيد الله سبحانه

 

[zeiss]

اخواني الاعضاء ..
شنو الانجح بالنسبه لكم ..؟ التوصيه .. ولا التحليل ..؟
واذا لقيتوا اثنينهم يتعارضون مع بعض .. تختارون شنو ..؟
​

اولا منو اللي الموصي على السهم اذا محفظه اوكي ولاكن اذا مجلس ادارة
أنا عن نفسي اعتبر السهم كانه ماعليه توصيه ابد اذا التوصيه من رئيس مجلس الادارة او عضو بالشركه او حتى موظف بالشركه .
اما اذا كانت من محفظه اشوف شارت اسهم اذا حركة اسهم تمشي
مع التوصيه والسهم معطي اشارة دخول اتوكل على الله اخذ بالسهم
كميات اكبر من اللي اخذهم دايم .
اما اذا توصيه بدون تحليل او التوصيه ماتمشي مع الشارت ماأقرب لسهم أبد سواء التوصيه من محفظه او من رئيس مجلس الشركه والعكس صحيح
يعني شارت الشركه معطيني دخول ولاكن ماعليه توصيه ادخل وانا مرتاح

.​

​

​

هذا رايي وهذي طريقتي بالتداول من واقع تجربه
مشكور اخوي فزاع على الموضوع ​

 

[لسه فاكر]

أعتقد التوصية بس بشرط تكون مصدر ثقه ومجرب

ومافي مانع تحلل بعد ما توصلك التوصية