ماهي أخطائك في عالم الأسهم؟

[بو عبدالمحسن]

دخولي براس مال كامل بسهم معين والتعلق معاه ... يعني كنت اضارب بتكه بنصف راس مالي ولما قمت اكسب دخلت بالمال كله وطاح السوق وتعلقت

وانا الحمدالله متوكل على الله سبحانه وانتظر يرد السوق عافيته وبعده توبه مراح ادخل براس المال كله لازم احط قميه للمواقف الصعبه

اهم شيء راحة البال يا يزيد ، سوق الأسهم من أخطر أنواع التجارة فما بالك لما تضع جميع رأس مالك في سهم واحد!! ، أسأل الله أن يرد مالك أضعاف مضاعفة بالحلال

المضاربه بسهم خسران فيه
لإحتمال صعوده
فتصبح خسارتك خسارتين

مستثمر كويتي الفرص كثيرة وخروجك من سهم خسران لا يعني أنك فشلت ولكن هذا متوقع في دورة مالك في البورصة
انا حالياً متعلق بأصول ولكن دشيت بجزء بسيط من رأس مالي من أجل التجربة كمبتدأ ومتوقع الأسوأ والحمدلله استفدت من الدرس

ماعرفت اني مقرود الا لما دخلت البورصه

ولو تركض ركض الوحوش غير رزقك ماتحوش

الحمدلله على كل حال

وان لله وان اليه راجعون

صايدها منت مقرود إن شاء الله من نكك أحس إنك من النوع العجول
وصدقني أغلب المتداولين عارفين أخطائهم لكن قليل من يبتعد عنها ويعتبر

كل شخص جديد على تجارة او عمل يكون له أخطاء ومع الزمن يكون محترف اذا كان حاب العمل أو التجارة .... بدايتي بالبورصة القراءه من الصفر بالمنتديات وقراءة التجارب .... وشهرين وأنا أطبق ماقريته ، وبعدها دخلت البورصة والحمد لله توفقت وربحت مايقارب 70% من راس المال ، والقواعد اللي أتبعتها صارمة منهم ( عدم الطمع + عدم التردد + معرفة الدخول على السهم ...... وبعدها أبتعدت عن قواعدي ورحت للكلام ، السهم رايح للدينار ، هالسهم ببلاش ، ألخ .. ألخ ومن سببهم خسرت الربح اللي كان 70% واليوم أبي أطلع بأقل خسارة وأرجع لطريقتي اللي مشيت عليها

مفتاح يعجبني فيك التأني بالدخول وعدم الإستعجال كمبتدئ ولو أن كثر من صغار المتداولين حذو حذوك لأمكنهم ذلك من الحد من الخسائر وعدم تلقي الضربات الموجعة
الله يوفقك دام رجعت لطريقتك وتعوض خسائرك

انا عندى مشكله ان كل سهم اشتريه ينزل من ثانى يوم ويستمر مسلسل النزول ! ما ادرى هل انا نحس على السهم او صحاب الشركه لما يشوفين اسمي يقولون ديروا بالكم منهذا الشخص ترى راح يستحوذ على نسبه كبيره من الشركه ....
والمشكله الثانى التى لا يوجد لها حل ، عندما ابيع السهم من ثانى اشوف يصعد مثل الصاروخ !!!!
ومن هذا الشئ انا اشترى ولا ابيع والان لا اشترى ولا ابيع مجرد مشاهد ماشافش حاجه .

مضارب شجاع ((اعلم ان ما أخطأك لم يكن ليصيبك ، وما أصابك لم يكن ليخطئك))

والحمدلله إنك خارج السوق وهذا غنيمة بهالوقت
بس ما أعتقد إنك شاهد ما شافش حاقة إلا شفت البلاوي كلها
وقمت تبولع بريجك وقلت أشوا إني بره

كانت خطاى سليمه منذو دخولى السوق قبل كم سنه لانى كنت اتبع اسلوب عكس الموجود بالساحه يعني اى سهم يمدحونه ما اروحله اى سهم يسووله مونتاج وتطبيل ما اروحله كنت اتابع من زاويه السوق الاسهم اللى ماعليها ذكر بالمره متابعه لصيقه تقريبا وكنت اخليها قدام عيني توصل للمقاومه وترجع للدعم ولما اتردمن المقاومه للدعم اروحلها بس ظربه جيزان مع انى معاه من 200 لغايه 450 فلس ولما رجع للدعم345فلس دشيت على انه بيرجع للمقاومه فالظاهر علمو علي وقالى بنشف ريجه ودبس ولازلت متمسك فيه وصرت مستثمر لانى اعشق المغامره وهذا طبع مو زين بس ياللة اهم مافيه الحكايه انى ماخسرت شي الا اذا استمر هالسعم لمده اعوام لانه راح يجمد السيوله

والله يابو غانم خطأك نفسي خطأي بأصول وهو عدم تفعيل وقف الخسارة
والأسهم إللي يصير لها تطبيل بعضه زين وبعضه شين وانت بخبرتك تميز والله يوفقك

 

[بوراشد جروب]

الآجل​

آآآآآآآآآآآآآآآآآآآآآآآآآه

يالها من كلمه

مع إنني ماشريت بحياتي عقد آجل ولكن صيحات الناس مازالت بأذني أسمعها كل ما حان موعد تكسير عضام المستثمرين بهذه العقود​

 

[بوراشد جروب]

انا عندى مشكله ان كل سهم اشتريه ينزل من ثانى يوم ويستمر مسلسل النزول ! ما ادرى هل انا نحس على السهم او صحاب الشركه لما يشوفين اسمي ............ .

بنسبة 90% تصير فينا كلنا مو بس إنت .. ​

 

[يزيدبن معاوية]

بو عبدالمحسن جزالك الله الف خير على الدعوه .. طبعا انا ما ادش الا على الاسهم الشرعيه


لو داش بكذا سهم غير شرعي كان اخوك غني بمال الحرام

بس الحمدالله غني بالقناعه وبكسب الحلال

واشكرك على دعوتك و احسن الله خاتمتك واعطاك بالدنيا حسنه والاخرى حسنه ووقائك من النار )