جبناء

الموضوع في 'السوق الكويتي للأوراق الماليه' بواسطة 123456, بتاريخ ‏15 مارس 2004.

  1. 123456

    123456 عضو جديد

    التسجيل:
    ‏8 فبراير 2004
    المشاركات:
    389
    عدد الإعجابات:
    0
    مكان الإقامة:
    الكويت
    السلام عليكم الكلمه من واحد من كبار السوق بنهاية السوق شلت قشى ورحت لواحد من كباريت السوق قلت بسولف معاه يمكن يكون متبهدل بواسيه دار الحجى بينى وبينه عن اوضاع السوق وبالحرف الواحد قال صغار المستثمرين جبناء وموتكانه علشان جذيه السوق راح يهبط اكثر والسبب خوفهم مع العلم ان عندهم اسهم بشركات ماتخر الماى بالنسبه للتوزيعات والمنح يربحون الف ناخذ بعدها منهم خمس الاف نفس السمجه ترخيلها الخيط وتسحبها وهذا اللى اصير فيكم تعمون على بعضكم وهذا اللى مريحنا يقول كبار السوق والصناديق مناطح علينا الكل بينهش منا والسبب الخوف من صغار المستثمرين ( يا شباب اذا متأكد من سهمك قوى ومرتاح من نتايجه وتوزيعاته امسك فيه موضرورى تصير مضارب بالوقت الحالى طولو بالكم خل قلبك حديد هم يعرضون ويبيعون لنفسهم ويطيحون السهم بعرض كبير وطلب قليل لعبه مفهومه بس انتباهكم وينه ماتلحقون تشوفون سهم لعلع ركضه عليه تبيع اسهمك بخساره وتروح تشترى بالسهم الاخر و تصير فيه ملطشه تقوع خلك على مينونك لا يجيك اجن منه كثرة اليوم المحاولات على سهم المصالح بس ربع المصالح يعجبونى على راسى والله مايهزك ريح مسكو فيه عدل نتايج توزيعاته حلوه ومنحه احلى ومشاريعه ممتازه واخرهم مشروع البحرين موضرورى تربح اليوم بس اللى ضرورى انك ماتخسر بالوقت الحالى امسك عدل ان هيت الخيط طحت بالبحر وغرقت وان مسكت فيه بتجيك قوارب نجاة الصناديق مصيرها تشتغل تشترى وتبيع لان اهى داخله بفلوس المساهمين عن طريق البنوك وغيرها وراها ناس تحاسبها غصبن عليها تشتغل والكبار يحاتون فلوسهم مايقدرون ينامون خسرانيين بس انتو طولو بالكم ومسكو بالاسهم الربحانه مهما تغير المؤشر نزل او صعد سوى حساباتك بسعر السهم بعد التفصيخ وشوف الشركه عندها ارباح مرحله وسولك شوى بحث عن الاستثمارات المستقبيله للشركه والشركات الزميله لها ونسبة اسهمها فيها امش صح يحتار الشيطان فيك
     
  2. مستثمر فقير

    مستثمر فقير عضو نشط

    التسجيل:
    ‏24 يوليو 2003
    المشاركات:
    281
    عدد الإعجابات:
    0
    مكان الإقامة:
    مِنْهَا خَلَقْنَاكُمْ وَفِيهَا نُعِيدُكُمْ وَمِنْه
    نعم

    كلامك صحيح


    ما سك اسهمي

    وامس شرية
    واليوم شرية

    ولو عندي سيوله ......... راح اشتري بكره

    سالفة اني ابيع بخساره ............ مستحيل .......... راح امسك اسهمي ......... وراح ارجع فلوسي غصبا عن ... الهوامير والمحافظ
    والصناديق


    والهوامير اذا ما لقت احد تاكله راح ياكلون بعض............ المسأله مسألة وقت فقط لالالالالالالالالالالالالالا غير
     
  3. مضارب سريع

    مضارب سريع عضو جديد

    التسجيل:
    ‏28 يناير 2004
    المشاركات:
    46
    عدد الإعجابات:
    0
    مكان الإقامة:
    kuwait
    في واحد سوري يات تدعمه سياره او وخر بسرعه،صرخ على راعي السياره، قاله راعي السياره شو يا جبان
    صاحبنا رد عليه وقاله

    الف جبان ولا الله يرحمه

    خلك سريع ...ولا تفكر بالتبريد... وتبريد السهم بيعه... وخساره قليله احسن من كبيره... وموشرط تشتري... انتظر الفرص... وراح تعوض......

    للمضاربين فقط علشان مايصيرون مستثمرين بالامر الواقع...
     
  4. المتأمل

    المتأمل عضو جديد

    التسجيل:
    ‏30 يونيو 2003
    المشاركات:
    49
    عدد الإعجابات:
    0
    مكان الإقامة:
    الكويت
    اسمحلي 000

    لا يا أخ مضارب تفكيرك هذا يسعد أصحاب الصناديق 0
    والصناديق تبحث عن من يخاف وهذا هو ديدنهم ويبحثون عن هؤلاء وهذه لعبتهم القذرة لماذا يكون الإستسلام بخسارة بسيطة لم لا تنتظر قليلا وعندها الصناديق لا تجد الأرانب أقصد من يرضى بالخسارة القليلة0

    أرجوك يا أخي مضارب غير تفكيرك لأنك عندما يسمعون كلامك هذا قد يتشجع ويرمي سهمه بخسارة ثم يموت من الحرقة إذا شاهد في اليوم التالي صعود سهمه 0
    لاتكونوا حلو الصناديق بعد الوجبة الدسمة
     
  5. مستثمر فقير

    مستثمر فقير عضو نشط

    التسجيل:
    ‏24 يوليو 2003
    المشاركات:
    281
    عدد الإعجابات:
    0
    مكان الإقامة:
    مِنْهَا خَلَقْنَاكُمْ وَفِيهَا نُعِيدُكُمْ وَمِنْه
    نعم

    اخوي مضارب كل واحد يشتغل حسب قناعته............

    وتبريد السهم هو افضل واسرع طريقه لتعويض الخسار ......... وصحيح انها فيه نوع من المغامره ولكن مستحيل اشوف سهمي نازل 50او 100 فلس .......... وما اشتريه

    وشنو كميات الهوامير بالنسبه لكميات صغار المستثمرين!!!!!!!!!!!!!

    وكما لصعود السوق حدود كذلك لنزول حدود...............
     
  6. مضارب سريع

    مضارب سريع عضو جديد

    التسجيل:
    ‏28 يناير 2004
    المشاركات:
    46
    عدد الإعجابات:
    0
    مكان الإقامة:
    kuwait
    والله كلامكم حلو يا اخواني
    بس انا مضارب وسريع .. وسريع جدا ..وعندي حدود للخساره..
    وحتى لو يطلع بعدي السهم ما ازعل لان هذي طريقتي من سنة 95
    ووايد مرتاح عليها وبالنسبه للتبريد ما تدور عندي لان لا نزل السوق لاسمح الله اعوض بشكل سريع وما تصورونه

    وانا اتكلم عن المضاربين فقططططط

    وما انصح احد يتبع طريقتي، لانها صعبه،،، ماتبي تردد،،، او خوف،،، اوطمع ،،،او حب للسهم.

    نظريه مهمه جدا جدا جدا
    لا تحب سهم معين وتعشقه ،،،ولا تكره سهم.
    فكر بعقلك،،،وراقب،،، ولا تخاف
    والسوق فيه طلوع ونزول والواحد لازم يستغل الظروف،وما يخلي الظروف تستغله
    وارد واقول انا اتكلم للمضاربين فقط والمستثمرين لهم طرق خاصه.
     
  7. almotaktak

    almotaktak عضو جديد

    التسجيل:
    ‏4 فبراير 2004
    المشاركات:
    356
    عدد الإعجابات:
    0
    مكان الإقامة:
    الكويت
    على نفسها جنت براقش

    هذا المثل يقال لمن جنى على نفسة واليوم ينطبق علينا كمستثمرين فكلما لمع شيء اعتقدناه ذهبا والجري وراء المضاربة لا يعقبها تصحيح انما يعقبها كسر عظم وتمريغ انوف بالتراب لقد ارتفعت اسعار بعض الأسهم خلال فترة لا تتجاوز العام ونصف إلى أكثر من 600 بالمائة كلامي قد يغضب الكثير ولكنها الحقيقة المرة التي يجب أن نتجرعها كالدواء لكي نصحح مسارنا المضاربي ونتجه للأسهم الإستثمارية والثراء لا يأتي بيوم وليله لأن اللي يجي بيوم وليله يروح بيوم وليلة والمشكلة أن السيئة تعم فقد عمت السوق كلة بسبب هذه التصرفات من البعض والمثل يقول الصحن اللي تاكل منه خلة نظيف لا تقد فيه قاذورات والبير اللي تشرب منه لا تقط فيه حجر وهذا ما حدث لو أنه هناك تعقل لما ارتفعت اسهم أي شركة أيا كان وضعها لأكثر من 25 بالمائة في العام الواحد أما أن يصل الكيبل من 95 فلس إلى 600 يعني هالسهم أحسن من سهم الصناعاتبورتلاند من 95 إلى 2120 التنظيف من 400 إلى 2.5 د ك المخازن من 320 إلى 1.400 الهواتف من 1.6 إلى 4 د ك الوطنية للإتصالات من 950 إلى 3 مجمعان الأسواق من 150 إلى 750 مركز سلطان من 95 فلس إلى 600 عربي القابضة من 150إلى 700 في بعض الفترات والتبريد والأنابيب وبوبيان وغيرها وغيرها فهذا جنون وهذا الجنون خرب على الكل أدي بتزعلون من هذا الكلام ولكنها الحقيقة المرة إذا حسبنا العائد على السهم كأرباح نجده بحدود 120 فلس لأغلب الأسهم الجيدة فما الذي يجعلنا نشتري هذا العائد ب 1.5 إلى 4 دنانير وهو متوفر في سهم الصناعات عند مستوى 600 فلس ولكن ااختلطالجيد من الأسهم برديئه علينا ولم نعرف الغث من السمين وها نحن كلنا ندفع ثمن رمينا الحجارة في البئر اللي نشرب منه والله يعوضنا ويعوضكم فلو سأله أهل الأرض جميعا وفي وقت واحد وأعطى كل واحد ما سأل لا ينقص من ملكه شيئا إلا كما ينقص البحر إذا أدخلت فيه ابرة وخرجت منه واسمحولي
     
  8. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    نفس الي كاتبه بالاسبوع الاسود

    اعاده لما هو موجود في الاسبوع الاسود ..وذلك للتاكيد على احساسي ..
    الصبر هم مفتاح
    هذي اول مشاركة لي يا اخوان بس انا متابع قديم وقررت اشارك عشان مثل ما استفدت مرات هني منكم قلت ... قلت اقول كلامي ..وخيركم من يستمع القول فيتبع احسنه ،،،

    انا دوم امشي على احساسي واغلب المرات يصدق هالاحساس وهالسوق ما يبيله الا احساس لانه بدون منطق يمشي ...

    شوفو يا اخوان .....

    النزول الياي مو الحين ولا يه وقته ولا في نزول قوي موليه هالسنه كلها ..... وراح تشوفون ان النزول راح يوقف اذا مو بنهاية هاليوم مليون بالميه باجر ويرتفع من السبت اشوي اشوي
    صدقوني نزول قوي قوي ما راح يكون ....
    نصيحتي للاخوان .... اذا فيك صبر لا تبيع وانطر واذا محتاج بيع نهاية الاسبوع الياي وترقب شهر 4
    انشالله يصدق احساسي مثل اغلب المرات
     
  9. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    همممم جنه احساسي ضبط هالمره بعد

    انا الرد الاول كتبته بالاسبوع الاسود تقريبا الساعه 9 الصبح وسويتله كوبي هني ..

    الي شايفه ان السوق وقف مره ثانيه على حيله

    وانشالله احساسي يكمل شغله باجر ويبدي سوقنا او يظل باجر على حاله واقف ويبدي السبت يرتفع

    وبسككككككككككم خوف :((
     
  10. 123456

    123456 عضو جديد

    التسجيل:
    ‏8 فبراير 2004
    المشاركات:
    389
    عدد الإعجابات:
    0
    مكان الإقامة:
    الكويت
    يعطيكم العافيه بصراحه انا اليوم مبسوط جدا من السوق الظاهر ان نصيحتى جابت نتيجه فعلا اليوم احتارو الصناديق فينا واكثر المتداولين الصغار بطلو حركات بيع سهمهم الممتاز وركضه على اسهم غير مدروسه على أمل تعويض بدون نفع يذكر تحركات الصناديق اليوم تحركات بدون نفع اسهم اليوم الصناديق حبت تلعب لعب القط والفار معانا تبيع لنفسها وتضغط على السهم يعنى تعرض عدد من الاسهم بشكل كبير بسعر ومن يدش معاها عدد من الاسهم تسحب نفسها وتسحب اسهم وراها من المعروض بالسعر الممتاز بالنسبه لها بس ربعنا اليوم بصراحه يبشرون بعودة السوق ونهوضه بعد غفوه دامت اسابيع ممتاز اللى حصل اليوم ولاتنسون الصناديق وراها محاسبه اخر الشهر لاعلان ارباحها خوفا من عدم اعلان ربح مميز للمستثمرين ولاتنسون الايام هذى كثرت العروض من الصناديق لجذب اكبر عدد من المستثمرين الغير مؤهلين لدخول السوق ولاحظو الجرايد واعلانات الصناديق ومنافستهم بين بعض بالنسبه للارباح الشهريه والسنويه وشوفو السوق الايام هذى شلون راح يتحرك نصيحه عدم الاستعجال ببيع السهم بالوقت الحالى (بما ان مافى احد من المحكمه يطق بابك لاتخاف من شى ثانى واصبر ان الله مع الصابرين) خلونا نفكر تفكير واحد الوقت الحالى وقت شراء مووقت بيع سهم متأكد منه اقضب فيه عدل وسهم مومتأكد منه بيعه وعزز بسهمك الجيد والله ولى التوفيق ( كل يوم يقول اليوم تتغير الاحوال) اخوكم كوكتيل صبور
     
  11. مضارب سريع

    مضارب سريع عضو جديد

    التسجيل:
    ‏28 يناير 2004
    المشاركات:
    46
    عدد الإعجابات:
    0
    مكان الإقامة:
    kuwait
    والله احب اسلوبك اخ كوكتيل وخاصه بعد ما صرت صبور

    ودير بالك باجر الصبح اول مايفتح السوق، راح يرتفع السوق واول ما تعدل اسهمك حاول تبيع لانه راح يرفعون السوق ويدخلونكم وبعدها احتمال ينزلونه

    وبعدين راقبو السوق بدون اسهم ومو لازم تشترون انطرو وتاكدو من قوة السوق والله يوفق الجميع
     
  12. مستثمر فقير

    مستثمر فقير عضو نشط

    التسجيل:
    ‏24 يوليو 2003
    المشاركات:
    281
    عدد الإعجابات:
    0
    مكان الإقامة:
    مِنْهَا خَلَقْنَاكُمْ وَفِيهَا نُعِيدُكُمْ وَمِنْه
    السلام عليكم

    علمت «القبس» ان هناك رغبة في تصعيد أسعار بعض الأسهم اليوم، وذلك ضمن اتفاق ما بين جهات عدة.. فهل تنجح هذه الرغبة في قلب المعادلة؟
     
  13. 123456

    123456 عضو جديد

    التسجيل:
    ‏8 فبراير 2004
    المشاركات:
    389
    عدد الإعجابات:
    0
    مكان الإقامة:
    الكويت
    يخليك ربى يا مضارب سريع يعنى تضرب ونعالك تحت اباطك وطرف الدشاشه بحلجك وركضه يا بو سرعه والله يسمع منك بلى تقوله شنسوى فقاره مومثلك طلعت من اللى عروقهم بالشربت خخخخخ على العموم امثالك الارجاج طبعا ارجاج يمكن ماتعرفها يعنى رجيج مفردها (خفيف) اهم اللى مخصبقينا يبون النحشه بسرعه يبيعون بخساره ويناططون على اسهم مضاربه مايعرفون مايتها وبعدها يكعون ويلطمون نصيحه عند البورصه فيه مطعم يبيع باجه تريق فيه الصبح يمكن تصير ثقيل وتخفف من اللطم خخخخخخخ ولاتعيدها مسامحك خخخخخخخخ ( طبعا بعد اذن الشباب )
     
  14. صاعد/نازل

    صاعد/نازل عضو جديد

    التسجيل:
    ‏8 مارس 2004
    المشاركات:
    24
    عدد الإعجابات:
    0
    يعني تصعيد سهم وتلحقهم وبعدين يضغط عليه السوق وينزل ويعلق السهم بيدك وقولك ماقدرو يقلبون المعادله

    انا اقول لحد يركض ورى التصعيد صبر حتى يستقر السوق ونشوف وجهته وين


    هذا راي الشخصي ونت لك الخيار
     
  15. almotaktak

    almotaktak عضو جديد

    التسجيل:
    ‏4 فبراير 2004
    المشاركات:
    356
    عدد الإعجابات:
    0
    مكان الإقامة:
    الكويت
    فكونا من القبس

    أخي المستثمر الفقير الله يخليك فكنا من أخبار القبس اللي وهقت الكثير وأخبارها كاذبة في كثير من الأحيان رغم تمنياتنا بعودة السوق لطبيعته ولكن للأسهم الجيدة وليس للغثاء ولك كل الشكر
     
  16. بوحسن

    بوحسن عضو مميز

    التسجيل:
    ‏15 مارس 2004
    المشاركات:
    3,021
    عدد الإعجابات:
    0
    اها حق الي مو عاجبه احساسي

    حق الي مو عاجبه احساسي ... ليم اقولكم السوق هذا بس احساس وبدون تحاليل ...

    خل يشوف اشكتبت ايام الخرعه الي طافت قبل يومين ويقره اهل الخبره اشكتبو وانا اشكتبت ويقارن ويشوف البورصه اليوم ...

    واذا هم تبوني اقره فنجان هم حااااااضر وفالكم طيب

    ...بس كل شي بحسابه طبعا ويمكن بركتها تطلع احسن من البورصه


    ( غشمره اوكي بعد اخاف احد يفجر نفسه فيني بخاطره يدش الجنه ترا مالي خلق لان السالفة سهاله هاليومين ) :p