تهانى وتبريكات ونصب واحتيالات!

[فضل]

اولا نقول لكم مبارك عليكم الشهر الفضيل

ثانيا لاحظت وانا استقبل المسجات من الناس اللى يباركون بهذى

المناسبه لاحظت الرساله تندز مرتين

ومن باب الفضول اتصلت على واحد أول ما اتصل فينى وسألته

كم مره ارسل رسالته فقال مره بس مع انها جتنى مرتين

شرايكم يا جماعه ما لاحظتوا ؟


اعتقد ان هذا نصب من شركات الاتصالات واكل اموال الناس بالباطل

 

[قلم حر]

كلامك صحيح وبعض المرات تندز 3 مرات

 

[برميت]

اي صح​

 

[اطفـــائي محترق]

اي والله صاج بس شنسوي لازم نبارك للعالم

 

[فضل]

طالما فيه تأييد فهذا الشىء مفروض ما يمر مرور الكرام

اعتقد لو كان فيه محامى شاطر وحرك

يهتم بهالشغله ويجمع كم متضرر ويرفع دعوى على شركات الاتصال

راح يطلع مبلغ طيب

خاصة ان الدليل واضح ( المسجات المكرره)

والا شرايكم ؟

 

[شركة قنفذ كمبني]

اي والله صارت معاي كذا مره

 

[VISION]

صارت معاي 11 مره
دقيت عليهم جان يقولون من الضغط!!!!
قلت وانا شكو بالضغط والعداد يشتغل علي !!!
فعلا نزول الشركه الثالثه والرابعه ضروري
عشان يحترمون الزباين صح
ويقدمون خدمه راقيه

 

[amer alamer]

هذا سالفتي معهم من اول ماعرفت الوطنية ..........
لكن قلت لهم والله ما اخليها لكم يوم القيامه اذا انتم متعمدين الشئ هذا

 

[فضل]

يا اخوان ترى المبلغ مو 20 فلس أو 100 فلس

اذا سووا هالحركه فى واحد من كل عشره يطلعون

بالالالالاف الدنانير

يعنى شالفرق بينهم وبين اللى يسطو على بنك

 

[zoya_y]

صااااااااج رفيجتي دازتلي مسجين نفس الشي
زين وماادراك مازين

 

[فضل]

فى كل مناسبه تتكرر العمليه ​

 

[Q8_cat]

وايد صارت معاي ،،، يله فضل وكلنا محامي شاطر لاننا فلسناااااااا

 

[حمود الفشقه]

لا والأحلى أنه الشركه نفسها تدز لك تهني بالمناسبه
يعني يلا يالطيب بلش بالمسجات الله يخليك.

 

[فضل]

وايد صارت معاي ،،، يله فضل وكلنا محامي شاطر لاننا فلسناااااااا

المفروض اختنا zoya_y تتبرع وتدافع عن حقوقنا
بما انها القانونيه البارزه بالاستراحه ، لكن المشكله
انها صارت ضحيه حالها حالنا ​

 

[ALSERHAN]

أنا مسامح الشركة والموضوع ضغط مو بيدهم..

ومحللها عليهم..

 

[الـصانع]

والله يا خوي كل سنه تصير هالحركه وكل سنة نستغرب ونعلق عليها !!

واضحه وضوح الشمس ..

تبي شغله ثانيه .. أمس احاول اتصل على تركيا .. الكرت يحسب عليك
والتلفون يرن ومحد يشيله !! يعني دقيت اربع مرات وكللهم محد يرد
خلص كرت خمس دنانير !!

يعني لا بالفواتير مفتك من النصب ولا بكروت التعبئه مفتك

 

[الذيبة]

يمكن ضغط عليهم بس مع ظهور ,,,
الشركات الجديدة لاحظت خف الظغط يعني يتكرر المسج اقل بكثير من اول,,,
لا راح يمر الموضوع مرور الكرام لان محد له خلق انه يجادلهم ولاراح نعرف صادقهم من جاذبهم ,,,
خلها على ربك ,,,

 

[بحريني1972]

مبارك عليكم الشهر يا اخوان وعساكم من عواده

انا اقول يا زين ايام قبل

نروح بنفسنا ونبارك الحين صارت كلها مسجات !!!!!

 

[meshari80]

يا اخوان هذي المشكله من الجهاز وليس من الشركه وتحدث عادة عند ارسال رساله لأكثر من مستلم او ارسال جماعي,

انا عندي جهازين اذا ارسلت جماعي من الاول يدز مرتين اما من الثاني يرسل مره واحده