احذرو وابلغو من تعرفون

[بـوغـانـم]

هناك معلومه توكد ان وزير التجارة بعد استفسار احد نواب مجلس الامه عن عدم توفير نماذج الاكتتاب لشركه الاتصالات الكويتيه وان هناك بيع لتلك النماذج قال الوزير احمد باقر لتلك النائب اذا تم القبض على من يبيع تلك النماذج فسيكون خصمه وزارة التجارة بالمحكمه وسنقوم باجرائاتنا القانونيه معه اللهم انى بلغت اللهم فشهد

 

[بوزييز]

هههههاي من صجك يسون شي يبا هذول البنغال ماينقدر عليهم

 

[بـوغـانـم]

البنغالى قبل لايصيدونه لاتحاتي براقبونه عدل وبكرة بتشوف بالجرايد عنوان
< مواطن يدير بيع نماذج الاكتتاب للمواطنين > وبتشوف الدعاوى بشهر ارمضان عليه مثل الديمة هذا غير المكان اللى بعيد فيه عيد الفطر

 

[مضارب شجاع]

يعنى ما احصل لهم شراء البطاقات المدنيه راحوا يبيعون النماذج !!!! صج فى ناس فى الكويت حتى الهاوء ودهم بيعونه للناس
صاروا مثل البنغاليه حتى قواطى البيسبى يلمونها من الزباله عزكم الله .

 

[اطلس]

السلام عليكم

يقولون سعر نموذج الطلب في حولي 750 فلس وفي الحساوي 5 دنانير

 

[طال عمرك]

يقولون بالجهرا الطلب وصل 70 دينار مساكين عشان ما عندهم عضو بالمجلس

 

[ناصر الخالدى]

الحساوى شكو ههههههههههههههه

 

[الزاجل@2]

يقولون بالجهرا الطلب وصل 70 دينار مساكين عشان ما عندهم عضو بالمجلس

70دينار مره وحده قويه ودي اصدق بس قويه قويه
شنو يبي يسويلهم عضو مجلس الامه يعنى يبشتغل يوزع على اهل الجهراء نماذج اكتتاب ​

 

[الوموي]

عندي 10 نماذج الى يبي يدز رساله على الخاص ..

طبعاً السعر .. دعوه طيبه

 

[>>الرويلي<<]

بصراحة الربع جد يفشلون لا تنسيق ولا هم يفرحون شنو وين قاعدين بقطر لما ناموا بملعب الكرة

 

[نجوبي]

بنك الكويت الوطني يوزع مجانا كل صباح ورقه او ورقتين

نجوبي

 

[(عين الصواب)]

الرد على الجميع

:d1-الله يفكنا من أحمد باقر وحنا بخير

1. 
   2-وعن أكتتاب قطر هذا موا أهل قطر اللي ينامون بالنوادي لأنه أهل قطر موجوده بيوتهم يكتتب ويرد البيت ولا تنسى اللي ينام بالنادي ترى بعضهم كويتيين
   3-وعن الأوراق الأكتتاب موجوده كل واحد في البنك يأخذ كمية وهو بيكتتب بخمس أو أربع بطاقات ويوزع الباقي على ربعه
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   
   

 

[العالم]

عندي 10 نماذج الى يبي يدز رساله على الخاص ..

طبعاً السعر .. دعوه طيبه

اللي عنده نماذج انا اشتري منه ب10 دناننير الواحد
ابي اثنين
وادعيله

 

[ماهر99]

العالم عندي بس تعال اخذهم ............. انا بالقهوة اشرب معسل
مو الحين بالليل

 

[الواصل وصل]

بنك الكويت الوطني يوزع مجانا كل صباح ورقه او ورقتين

نجوبي

فعلا يستحق البنك الاشاده