جم كيلوا ماشيه

[basuly.]

اخواني الكرام يلاحظ دائما التلاعب الكثير من اصحاب السيارات
بعداد السياره وتغيير المسافه
برايكم مالطريقه الجيده لمعرفة هذا التلاعب
وهل يمكن للفحص اكتشاف ذلك

 

[شراي1]

الي مايخاف الله كل شئ يسوي

 

[black_ice_q8]

اخوي يبين من الفحص يعطيك عمر المكينه جم وهني يبين انه السياره مستهلكه وايد ولا لا الكمبيوتر يعطيك نسبة بالثمانينات من الاميه للسيارات اليديده وانت قيس موديل السياره على النسبه الي يعطيكياها كمبيوتر الفحص ويبين وياك انه السياره مستهلكه ولا لا و الله يوفقك ان شاء الله .

 

[مستثمر صغيرون]

مو شرط اخوي
استهلاك السياره بالاستعمال وليس بالكيلووو
انا شريت جيب ماشي 42 الف
ونسبته 74%
وشريت سياره ماشيه 180 الف
ونسبتها 75%
علمني شلون تنقاس

 

[شراي1]

واذا السياره قديمه ومبدله الماكينه؟

 

[q8240z]

السلام عليكم

ناس ما تحلل ولا تحرم

شرينا جيب من مكتب وماشي 47 ألف

وبعد مدة طقت مكينته وجفتناها

ولمن تأكدنا من النت عن طريج رقم الشاصي وطلع الموتر مشحون الي الكويت

وحاطين التاريخ والموتر ماشي 160 ألف

وطبعا راعي المكتب راد العداد وأخذ فلسين حرام زيادة علي السعر

لا ويحلف الموتر مو ماشي شي

 

[black_ice_q8]

اخوي مستثمر السياره شلون تستهلك اكيد بالاستعمال واذا منزل العداد يبين من فحص المكينه وثاني شي انا اعلمك شلون السيارات مو كلهم يعطونك نفس العمر مثلا التيوتا تعطيك عمر 400 الف كيلو وبعدين احتمال اطق المكينه وهذا مو كلامي كلام الي صانعين السياره طبعا ماانقيسها بالانقليزي ولمن تفحص التيوتا ماشيه 180 مثلا مثل ماتقول شي طبيعي بتعطيك عمر دبل ممشاها ولمن تستعمل امريكي تقريبا نفس الشي بس الالماني اقل طبعا والانقليزي حدث ولا حرج طبعا انا اكلمك على حسب خبرتي بالسيارات مااعطيك حجي فاضي ولا تأليف من مخي والله يوفق الجميع

 

[Gallardo_q8]

السلام عليكم

حبيت افيد بالمعلومه هذي ... اذا السياره واصله من بره الكويت تقدر تروح الميناء وتسال عن السياره لأن بالميناء يكتبون مواصفات السياره وجم كيلو ماشيه .. ولاكن اذا صاحب المكتب راد العداد من بره الكويت ماراح يبين وياك الا الي مكتوب بالسياره .. ولاكن مو كل المكاتب فيهم النصب .. شكرا

 

[ابو سالم1]

اخوي مستثمر السياره شلون تستهلك اكيد بالاستعمال واذا منزل العداد يبين من فحص المكينه وثاني شي انا اعلمك شلون السيارات مو كلهم يعطونك نفس العمر مثلا التيوتا تعطيك عمر 400 الف كيلو وبعدين احتمال اطق المكينه وهذا مو كلامي كلام الي صانعين السياره طبعا ماانقيسها بالانقليزي ولمن تفحص التيوتا ماشيه 180 مثلا مثل ماتقول شي طبيعي بتعطيك عمر دبل ممشاها ولمن تستعمل امريكي تقريبا نفس الشي بس الالماني اقل طبعا والانقليزي حدث ولا حرج طبعا انا اكلمك على حسب خبرتي بالسيارات مااعطيك حجي فاضي ولا تأليف من مخي والله يوفق الجميع

عفوا اخوى عندنا جيب تويوتا ماشى اكثر من 640 الف والى الان الماكينة من اروع مايمكن ماكو صرفية ولا ينقص الدهن منو قايلك ان 400 كيلو تطق الماكينة قوله يراجعنى لووول

 

[ابو سالم1]

انا اقول اذا الشخص الى بتشترى منه السيارة ماتعرفه لاتنظر الى ممشى السيارة افحص البدى والماكينة والجير الممشى الحين بصناعية الشويخ الكثير الى يفرون العداد بخمس دنانير لاحول ولا قوة الا بالله
مرة كنت بفحص سيارة فى الرمال الذهبية قلت افحصو العداد صحيح او لا قالو مانقدر نفحص العداد . يعنى صعبة تعرف العداد الا اذا كان الشخص تعرفة

 

[range2008]

خبره

انا اعطيكم كلام حلو اذا السياره من بره اخذ رقم الشاصي او دش على موقع www.carfax.com هذا الموقع اتحط فيه رقم الشاصي او راح يعطيك كل تفاصيل السياره مدعومه غرقانه مصبوغه حتى العداد يعطيك اياه بس لازم تشترك فيه والاشتراك رمزي مو غالي وانا واحد حدي كنت مستفيد منا و صارلي 5 سنوات فيه وايد فادني الصراحه وسامحونا على القصور