ساعه Guess تصلح هديه حق المدام او البنوته

[كبرياء]

انا عرفت

سعرها في بيضون 69 دينار وخرده

ومافي منها الحين الا صنقل

واسمحولي ما راح اقدر انزل سعرها راح يثبت على 45

اللي يبيها يعطيني خبر

 

[zoya_y]

موفقه بس ليش نزلتي سعرها ورديتي رفعتيه

 

[كبرياء]

نزلته لاني كنت خايفه تطلع مو غاليه وبعدين يسوولي افلام ويحطولي روابط يقولون نصابه وحاطه اكثر من حقها

بس الحين انا عرفت سعرها واي احد يقدر يروح يسأل عن قيمتها

والصراحه حرام ساعه مو ملبوسه وهذا سعرها وللحين كفالتها مو منتهيه تنباع بأقل من هالسعر

 

[كبرياء]

للرفع

 

[mr-mac]

اختي انا حطيت رقمي وجاد بشراء وعطيتيني كلمه ورديتي بكلامج والي بيشتري حلال عليه بعد ما قلتيلي حلال عليك

 

[mr-mac]

هذولا ناس حجي بس

انا كرهت انزل شغله والسبه السالفه هذي

يسومون سعر وبعدين يتراجعون والله بالنت ارخص خلاص بالنت ارخص لا تسووم اشتر من النت الله لا يهينك

واحد يدش وهذا وجه الضيف

لا اخوي انا سمت والاخت ردت بكلمها ومو كل الناس مثل ما تقوووول

 

[كبرياء]

اخوي مستر ماك محشوم عن هالشي ومو حضرتك اللي مقصود فيه

وياريت تجيك عالخاص ظروري

 

[كبرياء]

للرفع

 

[كبرياء]

للرفع

 

[malek]

لا اخوي انا سمت والاخت ردت بكلمها ومو كل الناس مثل ما تقوووول

أضم صوتي الى صوتك لأن اللي حصل وياك حصل معاي شخصيا ، الأخت بارك الله فيها بغت تبيع على سعر وبعدين رجعت بكلامها وهذا شئ خاص فيها ، والله يوفقها بالبيعه .
حبيت أوضح لك

 

[كبرياء]

يا اخوان والله العظيم واللي رفع السما
ماقصدت هالشي وما كنت اعرف سعرها

وقلت بشوف سعرها الاصلي
ورديت عليكم

واللي يبي يروح يشوف سعرها بالشركه والله هذا اهو
وما نصبت على احد
ومارضيت احط اكثر من هالسعر علشان لحد يقول نصابه وحاطه اكثر من حق الساعه
وانا سعري مو اوفر
وبدون ذكر اسباب البيعه

انا بررتلكم برسايل خاصه واتمنى تتفهمون موقفي
والله يخليكم ماله داعي تشهير لان والله ماغلطت بهالشي
وانا اعتذر الف مره عن الموقف اللي صار

 

[كبرياء]

اعتقد محد فينا يعرف ظروف الثاني او كل واحد شنو عنده وما عنده

واتمنى حسن الظن وان محد يسئ الظن اذا اهو مو عارف السبب

وللظروره احكام

 

[kuwaity2233]

الساعه انباعت ولا علشان نعرف ويعطيكم العافية

 

[بو حمود الكشخة]

واذا ما انباعت للحين ..
شنو السعر الاخير اللي استقريتوو عليه ؟ ..

 

[كبرياء]

انا استقريت على 45 وفي اتفاق مع شخص لي يوم الجمعه

وكل واحد ياخذ نصيبه

اذا تمت البيعه عليه بالف عافيه

واذا ماتمت راح ابلغكم

 

[بو حمود الكشخة]

بالتوفيج ان شالله ..
والله يبارك للبايع والمشتري ..

 

[كبرياء]

اجمعين يارب

 

[كبرياء]

تم البيع للاخ احمد السدحي والله يباركله فيها

 

[بو حمود الكشخة]

.
.
.

بالتوفيـــــــــــج ..والله يباركله ..
وماشالله كانت خوش سلعة وبخوش سعر ..

ولا ؟

 

[كبرياء]

لا اخوي بدون ولا فعلا كان سعرها مناسب والحمدلله عجبته