ممكن احد يفهمنى !!!!!!

[أبو يعقوب]

يا اخوان انا عندى ملاحظه قاعد اشوفها بالمنتدى مثل احد حاط بضاعه ما تسوى ويعطونها اكثر من سعرها وبضاعه تسوى محد حتى يسومها ويطيح سعرها .

انا بفهم شنو القمنده ممكن احد يفهمنى شسالفه ؟

 

[jemi]

على حسب الربع وعدد النكات المتوفره

 

[kokokaka]

على حسب الربع وعدد النكات المتوفره

وياك بالراي هذا


بس الشي الزين سعره فيه ... والناس ماتبخل على الشي الزين

ولكن الكلام على الشي الي مايسوى ..

وفي شباب الله يهديهم يدشون ابكذا نك ويسوم ويزيد على نفسه

مايدري ان الله سبحانه يشوفة ... ويحسب ان هالفلوس ابتغنيه

مايدري لو ان الله سبحانه بكره يبتليه ابمرض لو يصرف على نفسه

الاف الدنانير مايطيب ...

وهذا غير الغش والحلف بالله كذب والعياذ بالله...


بس في ناس في المنتدى يخافون الله وناس شرفاء

 

[مراقب الاسهم]

هلا بالحبيب ابويعقوب

ملاحظتك بمحلها

القسم هذا من المنتدى فيه شريطيه وحركات بدون


وفيه ناس ماتخاف الله ولا رسوله الا من رحم ربي

يعني واحد ذاك اليوم حاط اعلان كمبوتر جديد شهر 7 شاريه ومصور الكرتون وخاط رقمه عطتيه سعر

وارسلت له رساله بالنقال وانا والله شراي جاااااد ابيه حق الاهل ما بذني ماي يوم شاف الصاجه دخلت على الموضوع وكتب (((الجهاز مباع))

عبالك خليته دقت عليه وقلت بجم بعته قال بنفس سعر سومت قلت له عطني رقم اللي شراه منك قام يتم تم ويتأتا قال اللي شراه يبي يستعمل
قلت له شدارك عنه عطني رقم اللي شراه منك ابي اربحه واطلع انت منها قال الريال مايبيع يبي يستعل وقام يختصر بالكلام وتوهق
ومستعد اقولك اسمه اذا تبي

يعني عليش الافلام والحركات هذي وحرق الاعصاب
البيع والمشترى والزواج والطلاق الهزل فيهم جد

انا كذا مره اتبه على الاخوان في المنتدى

ولكن

لقد اسمعت حين تنادي خيا ولكن لاحياة لمن تنادي

انتبه اخوي ترا فيه(((بعض ))) ناش هنيه نصابين لها اكثر من نك وتدخل في نك

وترفع وتكبس بالنك الثاني

حتى اعوذ بالله فيهم الحسد لو انا او انت عرضنا بضاعه حلوه يحبطون فيها
وينزلونها باسفل السافلين

واذكرهم بقول الرسول صلي الله عليه وسلم ((اعمل يا ابن آدم فمثلما تدين تدان ))

 

[أبو يعقوب]

فيها ربع ونكات

ومسوين ضبه على بضاعه ماتسوى علشان يرفعون السعر جم دينار لاحول لله

تونى فهمت القمنده

اشوى انا المنتدى كله ربعى :d

 

[yawwash]

هلا بالحبيب ابويعقوب

ملاحظتك بمحلها

القسم هذا من المنتدى فيه شريطيه وحركات بدون


وفيه ناس ماتخاف الله ولا رسوله الا من رحم ربي

يعني واحد ذاك اليوم حاط اعلان كمبوتر جديد شهر 7 شاريه ومصور الكرتون وخاط رقمه عطتيه سعر

وارسلت له رساله بالنقال وانا والله شراي جاااااد ابيه حق الاهل ما بذني ماي يوم شاف الصاجه دخلت على الموضوع وكتب (((الجهاز مباع))

عبالك خليته دقت عليه وقلت بجم بعته قال بنفس سعر سومت قلت له عطني رقم اللي شراه منك قام يتم تم ويتأتا قال اللي شراه يبي يستعمل
قلت له شدارك عنه عطني رقم اللي شراه منك ابي اربحه واطلع انت منها قال الريال مايبيع يبي يستعل وقام يختصر بالكلام وتوهق
ومستعد اقولك اسمه اذا تبي

يعني عليش الافلام والحركات هذي وحرق الاعصاب
البيع والمشترى والزواج والطلاق الهزل فيهم جد

انا كذا مره اتبه على الاخوان في المنتدى

ولكن

لقد اسمعت حين تنادي خيا ولكن لاحياة لمن تنادي

انتبه اخوي ترا فيه(((بعض ))) ناش هنيه نصابين لها اكثر من نك وتدخل في نك

وترفع وتكبس بالنك الثاني

حتى اعوذ بالله فيهم الحسد لو انا او انت عرضنا بضاعه حلوه يحبطون فيها
وينزلونها باسفل السافلين

واذكرهم بقول الرسول صلي الله عليه وسلم ((اعمل يا ابن آدم فمثلما تدين تدان ))

كفيت اوفيت

جزاك الله خير

بس موشرط انهم مجموعه ممكن يجي واحد جديد مايعرف اصول البيع والشراء ولايعرف القوانين ويكسر بالبضاعه المعروضه

وانا عن نفسي اعاني من هالطحالب اللي تارسه المنتدى يبيلهم تصفيه

واخر موضوع نزلته عن بيع اجهزة لابتوب عدد 8 اجهزه دشو الموضوع وشوفو عضو من الاعضاء شمسوي اول سومه له 160 وبعدها 170 والحين سام 150 .... شلون تصير وهذا مثال للتخريب

ويمكرون ويمكر الله والله خير الماكرين

ومنا للأخوه المراقبين

تقبل الله طاعتكم ​

 

[hamed_zd]

سبب اللي تشوفه غياب المشرفين على القسم

 

[bo hamd]

لان الاغلبيه تتسلى او موجاده يتعاملون مثل اسلوب ( سوق الجمعه) او سوق واجف الى بعشره ايقولك بعت بدينار وبكل ثقه ايحط لك رقمه

والبعض عباله عليك حكم تفليسه او بيبيعون اغراضك بتحريج المكاسير فتلقى سومته على مستواه
عموما بس هم ماننسى مثل مافى الشين هم فى شباب بالمنتدى اذا انحطو على الجرح بروه

 

[ASUS]

المصيبه بلشريطيه الي يدشون يطيحون حظ الشي الي تبي تبيعه عشان يشترونه و يبيعونه ترا هذي مو تجاره هذي قلت ادب يعني شي عندك اب 1000 يسومه الاخ اب 5 دناني لوووووووول في ناس ما تستحي ولا واحد عنده شغله تسوا 1 يكلم ربعه و يدش اب مليون نك ووصل السوم 1000 دينار والله شباب كلامكم عدل

 

[foxmind]

كفيت اوفيت

جزاك الله خير

بس موشرط انهم مجموعه ممكن يجي واحد جديد مايعرف اصول البيع والشراء ولايعرف القوانين ويكسر بالبضاعه المعروضه

وانا عن نفسي اعاني من هالطحالب اللي تارسه المنتدى يبيلهم تصفيه

واخر موضوع نزلته عن بيع اجهزة لابتوب عدد 8 اجهزه دشو الموضوع وشوفو عضو من الاعضاء شمسوي اول سومه له 160 وبعدها 170 والحين سام 150 .... شلون تصير وهذا مثال للتخريب


ومنا للأخوه المراقبين

تقبل الله طاعتكم ​

ياسبحان الله كلن يغني على ليلاه

جهازك ب 180 بعد دوخه وبعدين قل لل170 وكلهم نظاف مثل بعض والاختلاف واضح بينهم واتحداك اذا كلهم مثل بعض في المزلوق وفي اللي بطاريته تعبانه وفي اللي الباد ماوس خربانه وخلك صادق بموضوعك وتذكر انك بشهر فضيل يعني ويمكرون ويمكر الله والله خير الماكرين

ياسبحان الله على هالمكر اللي في بالك وصدقني عيب هالكلام واللهم اني صائم



صاحب الموضوع اعتذر منك لكن الظاهر ان في ناس تحط الشكاوي على مزاجها يعني السالفه ساعات تكون من الشاري وساعات من البايع نفسه في من يقول السوم يبدا من كذا وعطوني فيه هالسعر بره والسوم يبدا منه وساعات سيلرون يسومونه ب 130 وتو ديو يفتحون بابه ب 50 مثل ماصار معاي لكن الحل ان الواحد يضع سعر نهائي ويريح باله مدام انه ماراح يقنع لابالسوم ولا بالمزايده الا اذا في مجال يضع رقمه ويكون التعامل جدي اكثر

 

[GAD-FATHER]

والله يا بو يعقوب طقيـت علـي الجرح وأنـا أخـوك



بيدي سيجـارتي وإستكانتي جـدامي وبرد عليـك وأتمنـى إني أقول ولو شويـه من الصواب

طـال عمرك إحنـا لو الله يفكنـا من الشريطيـه إللي مسوين روحهـم ماكو أشرف منهم

ومو عاجبهم العجب بالقسـم هــذا

قـاعد ينزل بضـاعـه مو بضـاعتـه ويأخذ دلالتـه من راعيها ومنك ولو الود وده يناشب الخباز إللي يم بيتهم بخبزته

والله والله والله

معروفين والكل عارفهم والمشكله إنكشفوا مؤخرا

ينزل بضاعه ويدز ربعه يفتحـون الباب بسعر محد يصدقه

ويدخل هو بعدهم بساعات

يحطلك هالفيس

يعنـي إنتوا ظالمين البضاعـــه

هههههههههههه

إذا إنت ورفيجك دياجه وطنوق إحنا شنو ذنبنـا

فوق نجشكم وظلمكم لنفسكم يدخل ويقول وين السوامه وين الشرايه

ومشكله إن لو تطلب لك صبي بنغالي ويوصل بعد شهر بتي يديد مو بغبائهم

ويلومون

هني المشكله طال عمرك

ها

سامحني ونسيت شغله

والمشكله الأكبر إللي أنا واجهتها بهالقسم من بعض البياعــه

يحطلك مثلا خل نقول

مسباح كهرب ألماني درجه أولي حشري

إنت لمن تقـرأ العنوان تقول خلاص

أنا صدت إللي أدور عليه طول عمري

تطالع الصور تشك بأن العنوان غلط والصوره ما تعطيك المسباح عدل بس تعرفه مبدئيا

وتتواعد مع الريال وإنت تكون ساكن مثلا بالدوحه وهو بالفنطاس

وتروح له ولا تتواعدون بالجابريه ولا مشرف

يطلع المسباح تراب كهرب ولا سندلوس حشري

إنزين حنا بالكويت

لو واحد بره الكويت بيشتري ويوصله المسباح شنو بقول بالله عليكم



أنا صارت معـاي

ورب الكعبه لو بيدي باط رأسه بطابوقه

لا ومتأخر علي

ويقولي والله مو كهرب ! ! ! <<<<<< يعني مستغرب

إنزين أنا ماشي لك هالدرب وناطرك بأحد المناطق الداخليه وإلخ

وإنت ماتدري إن كهرب ولا مو كهرب

بس يلا

ما نقول إلا حسبي الله ونعــم الوكيل فيهم والله يورينا فيهم يوم إن شـاء الله

وما أبي قبل لا أختم مداخلتي إني أبخص حق ناس بهالقسم لنا الشرف إن نتعامل معاهم

وهم بضاعتهم معروفه ومشكلتهم إنهم مو شريطيه مثل باقي الشريطيه

وإذا يبون ينزلون بضاعه تلاقيهم من شهر لي شهر

طفت سجارتي وبرد شايي

الله يوفق الجميع

والسلام عليكم ​

 

[C LV]

تخرعون اشوا اني دشيت هالموضوع وانا توني بقراطيسي

 

[bo 3zooz]

المشكله فيه بضاعه تسوى ..!!

وينزلون من سعرها وفيه ناس يبون البضاعه ومو قادرين عليهااااااااا يقعدون يطيحون فيها الارض .:!!

ويعطيك العافيه حجي ..!

 

[GAD-FATHER]

تخرعون اشوا اني دشيت هالموضوع وانا توني بقراطيسي

عساك تظل بقراطيسك وما تحوشك نارهم

تحرص وأنا أخوك وتحصن

إنت داش بين ذيـابه

كل واحد ميت من الجوع وده ينفض دشداشتك ويخليك طرق المكسر

إلا من رحم الله

​

 

[Old_Nevy]

كل من عقله فى راسه يعرف خلاصه

 

[أبو عمر1]

والله انكم صاجين ذاك اليوم واحد عارض ساعه شوبارد أصليه وفيها ألماس دشيت لقيت واحد كاتبله تبيع ب100 واللي يقول 150 والساعه قيمتها تقريبها 3 آلاف وزياده
ومثل ما قلتوا بكل ثقه يحط رقمه
وفي ناس يسوم جهاز بـ 150 ويدش مره ثانيه يقول بكل عبط يالا أزيد على سومتي 160 ويدش مره ثانيه ويقول 170 شهالعبط
وعلى قولة اللمبي زيح ياربي زيييييح

 

[r77a]

والله يا اخوي جبتها عالجرح
والله يوفق الجميع ويبعدنا عن الغش ودروبه

 

[ابو ريتاج]

يعطيكم العافيه شباب على المداخلات الطيبه وياليت هالنوعيه تنشر اسمائهم وعندى اقتراح للمشرفين ياليت يخصصون قسم ويحطون اسمه القائمه السوداء وينشر اسم كل نصاب وذلك طبعا ينشر اسمه بعد انذارت من قبل المشرفين حتى يكون الاعضاء عل علم بهالنوعيه وتجنب المعامله معهم وشكرا للجميع,,,,,,,,,,,,,

 

[ECLE]

الحل موجود وشفته في الكثير من المواقع الأجنبية تلقاهم حاطين معيار للشخص من مجموعة أشياء منها المصداقية والجدية والسرعة في التعامل وخدمة ما بعد البيع (طبعا هذي الأخيرة إنسى بالكويت) بس الطريقة حلوة وسهلة تلقاهم حاطين المعلومات تحت النك واللي له حق يقيم الشخص هذا بس الناس اللي تعاملوا معاه . طبعا هنيه عندنا راح يجيب ربع الديوانية على شان يرفعون التقيم ماله لزوم المصداقية لكن هذي حلها إن التقييم يكون من المشرفين ومن يرونه مناسبا يعتمد على ما يوصلهم من شكاوي أو بالعكس مرتاحين مثلا من التعامل مع شخص ما. أبو مشاركه وحده أو ثنتين أو حتى عشرين مثل حالتي يستريح ماله حق يقيم لأن هذولا ربع الديوانية

 

[بور-صا]

والله يا أخوان حطيتوا ايدينكم على الجرح ..هذي سوالف الشريطة البدون ..انا عن نفسي ادور لي على سيارة وكل مارحت لوكالة سيارات عندهم قسم للمستعمل ..أسال عن سيارة معينة يرد البياع ويقولي مباع ..لا والقهر اللي شراها شريطي بسعر التراب وانا اعتقد يمكن يكون البياع له عمولة من الشريطي ومخدر ..بصراحة ماكلين الخضر واليابس الشريطية والله يييعينا عليهم.::verymad::