هلا والله حبيبنا ..
اشلونك شخبارك .. بشرني عنك ..؟ واشلون رمضان معاك ..؟
شوف بخصوص حل هالمشكله اعتقد ان حل واحد يمكن يضبط ..
ان يتم كتابة اسماء الله الحسنى او اي دعاء على طوفة المسيد ..
بشكل حلو وبإيد خطوط ..
يا هلا فيك أخوي فزاع
أبشرك والحمد لله أنا بخير وياريت تبشرني وشحالك أنت إن شاء الله بخير
بالنسبة لأقتراحك سويناه بس ما فيه فايدة جو وقامو يزيدون عليه و يشخبطون فوقة ، إللي يحط تشكيل للأحرف و اللي يغير ألوان الأحرف واللي يشخبط شخابيط مو مفهومه.
ماكو فايدة فيهم و خاصة في منطقتين في محافظة الجهراء بيوت شعبية
(وما أقصد كل من في المنطقة بس الغالبية منهم) ما ينفع معاهم أي شيء ، مهما ترقع يخربون وراك و الفنيين عندنا يشتكون و يقولون أنهم وهم قاعدين يبدلون اللمبات الخارجيه للمسجد يجيهم صبي وبالنباطه ولا كاسر اللمبة الجديدة. وأنا احترت معاهم. ونطلب من الامام أنه بخطبة الجمعة وباقي الصلوات يبلغ أهل المنطقة و يردون عليك ويقولون هذوله مو عيالنا يمكن يكونون من المنطقة الثانية. يعني ماكو فايدة بالمرة.
أحسن شيء سويته أ،ي قلت للفنيين بدلوا الخربان كل شهر مرة وحدة بس و اللي يخترب بعدها لا تصلحونه إلا الشهر اللي بعدة لأن هم حرام المقاول يخسر بسبب هالعيال اللي مو متربين.
والله يعين.