سؤال للخبراء والمشرفين والمحللين: كيف تدار البورصة من خلف الكواليس؟

[anw-exchange]

السلام عليكم ورحمه الله وبركاته
سؤالي موجه لخبراء المنتدى والمشرفين والمحللين حتى نستفيد نحن المبتدئين ونفهم ما يدار حولنا.
من هم اللاعبين الكبار وكيف تدار البورصة خلف الكواليس؟ وماهو دور المجاميع؟ ومن هو صانع السوق وكف تتم صناعة السوق؟ وهل هناك مؤامرة لإنزال السوق؟ ولماذا تتم محاربة صغار المتداولين وتطفيشهم اذا كان هذا صحيح؟
ادري اسئلة كثيرة ويمكن تكون وصعبة لكن أغلب الاعضاء ودهم يعرفون الاجابة
شكرا

 

[بـوغـانـم]

9 سنوات وانا اعمل بسوق الكويت والاوراق المالية شفت ابعيني هوامير الكويت وقعدت مع كبار السوق تاكد السوق ماله احد يديرة هم بالفطره يتجمعون ينزلون ويرفعون وبيني وبينك هى تواريخ بالسنه يلتمون وكلن ابيته او بمكتبه او بشركته او بشاليه او بالبلد اللى هو فيها ويديرون حلالهم لاتفكر انهم يجتمعون او يتفقون على شي معين لان كل واحد منهن له اسراره وجتماعاتهم ودية لايتطرقون لا للسوق ولا لغيرة السوق عبارة عن حلبه وكلهم يبون يفوزون على بعضهم وعلى صغار المسثتمرين اذ اراد اللة لك التوفيق والرزق يمكن يكون احدهم يصيرلك او انت عزيز عليه ويعطيك معلومه مايقولها الا لاناس معدوده وثقه وانا اعرف شخص قبل 7 سنوات كان مواطن عادى وموظف عادى والحين اللة يرزقه من ملاك المليون سئلته وقالى بالحرف الواحد اللة يجزا هذاك الرجال ابخير طبعا ماقال اسمه ولما قلتله ليش يافلان قالى يابوفلان هذاك الرجال قالى قط كل حلالك بالسهم الفلانى وقلتله يابوفلان ترا راح ابيع اللى وراى وقدامى قاله كل ماتملك بيعه وشتر بهذاك السهم بس احلفك باللة اللذي لا اله الا هو ان هالشي سر وبيني وبينك ولما دشيت على السهم وانا ما املك غير ملابسي لمده 7 اشهر ملكم 9 اضعاف اللى انا دشيت فيهم ورد بعد كم سنه وقالى دش بلى عندك على السهم الفلانى ولما دشيت وبعد اشهر معدوده ملك اكثر من مليون وانا داش بـ70 الف دينار طبعا السبعين الف اللة يعلم من وين جابهاا الرجال اشوى بالدوام ويجي على قارى كل شي يملكه غامر فيه واللة يرزقه
ملاحظه انا اللى فهمته من حركاتهم ان للسوق اربع موجات 2 صعود و2نزول طبعا هذى تفاصيل يبيلي مكتبه عشان اشرها لك

 

[anw-exchange]

جزاك الله الف خير يا بو غانم وان شاء اللله يرزقنا ويرزق الجميع

 

[الفاتح]

السوق تاكد السوق ماله احد يديرة هم بالفطره يتجمعون ينزلون ويرفعون وبيني وبينك هى تواريخ بالسنه يلتمون وكلن ابيته او بمكتبه او بشركته او بشاليه او بالبلد اللى هو فيها ويديرون حلالهم لاتفكر انهم يجتمعون او يتفقون

هذا الكلام صحيح الحركة الي بسوق تفاعلية

 

[anw-exchange]

عادة التاريخ يعيد نفسه بس هل ينطبق هذا الكلام على بورصة الكويت ونقدر انعرف اوقات نزول السوق وارتفاعه؟

 

[مضارب شجاع]

مع احترامى لكل الاخوه انا اقول عكس كلامهم ، نعم هم يتفقون ويجتمعون ويتشاورون ويتحاورون ويتبادلون الادوار ويتفقون على نزول الاسهم او صعودها ، والدليل مجموعه 61 ولان صارت يمكن 70 شركة مدرجه بالبورصه متفقون على رأى واحد ان ادراة البورصة تمارس عليهم ضغوط وشروط ، وهم من هذا اليوم يتوعدون فى انهيار البورصه ويهددون ولان حصلت لهم هذه الفرصة الثمينه وكشروا عن انيابهم وبدأت المعركة بينهم وبين ادارة البورصة .
وشكرا

 

[anw-exchange]

لما تكون في مصالح مشتركة يتفقون بس في صراع مستمر ومثل ما قال بوغانم حلبة وكلهم يبون يفوزون

 

[anw-exchange]

ان لله وان اليه راجعون