للبيــــع مسبـاح كهـرب بولنـدي 600%

[GAD-FATHER]

بسـم الله الرحمن الرحيـم

يسعـد صباحكـم & مسـاكم رواد هـذا القسـم الغالي علينـا

للبيــــع مسبـاح كهـرب بولنـدي 600% طبيعـي

المسباح خراطـه الكويت وحبـاتـه كبيره وناعمـه وملمس ولا أحلـى

وزن المسباح صافي الكهرب 59 غرام

مع الشكه والسلسله 62 غرام

والسلسله لاهي فضه ولا هي ذهب ولا هي بلاتين

أعتقـد إنها نحاس عـادي

وللعلم يا أخوان

غرام المسباح بالسوق يتراوح من دينارين لغـايـة 3 دنانير ونص دينار كويتي ويعتبر من فئـة المعجـّـن أو المنوصف

لأن حباته تتدرج من الأبيض إلى الأصفر الداكن إلـى الشفـّـاف

لكن الشفاف خفيف جـدا بالمسباح

يعني المسباح إبتدء يأخـذ لون علـى ما يقولون

و إن شـاء الله ما تظلـمون سومـة المسباح

أتركم مع الصـور ​

-------------------------------------------------------------------------------------------



-------------------------------------------------------------------------------------------



-------------------------------------------------------------------------------------------



-------------------------------------------------------------------------------------------​

خلونا نشـوف السومات والله يوفقنا وياكم



تحياتــي​

 

[ابوعمر1]

ماشاء الله مسباح طيب ومن واحد اطيب بصراحه انا ماعندي خبره بالمسابيح لكن... ناوي اعرف سعره عشان.. لا اكسر فالسعر اتمنا تفيدنا لو خاص على السعر..واذا عجبني السعر نتوكل على الله ونقول مبروك..مع تحيات اخوك..ابو عمر ....ومبارك عليك الشهر وعلى الموجودين

 

[بوبدر74]

يعطيك العافيه عندي 30د.ك​

9586040

 

[GAD-FATHER]

ابوعمر1

حياك الله أخـوي

أنا محـدد سعـره طال عمـرك

قلت إن غرامه بالسـوق يبتدي من دينارين لغايه 3 دنانير ونص

وعلينا وعليك يتبارك الشهر والله يعودك إنت ومن يعز عليك

يفداك طال عمرك ​

 

[GAD-FATHER]

يعطيك العافيه عندي 30د.ك​

9586040

مشكور أخـوي بوبدر علي السومه

وأرجـوا من الأخـوان عـدم إحتساب فتـح الباب بهالسعر

لأن السعـر بعيـد عن هالسومه

لكن يبقـى علي إني أحترم سومه الرجـال

ويكفـي إن زار الموضـوع وتطمش وتشرفنا فيه

تحيـاتـي ​

 

[mind]

مابي الكركوشه الي فيه سوها مداليه
وعندي 70 بعد المعاينه
9639008 بدر

 

[AVET]

90 عندي 9477722

 

[Designerq8]

يعطيك العافيه
ما شاءالله تبارك الرحمن المسابح جدا راقي وخامه طيبه والتعجينه بروحها اقتناء :")
عسى ربي يوفقك بالبيعه ويبارك للمشتري

 

[jemi]

السلام عليكم

اذا تسمح لى للتصحيح المعلومه الخامه الى عندك اغرامها بالسوق عن المحلات ب 1.650 وانت تعرف المحل وراه اجار ومصاريف.....

وتقدر تروح وتتاكد من السوق على نفس الخامه.

 

[GAD-FATHER]

مابي الكركوشه الي فيه سوها مداليه
وعندي 70 بعد المعاينه
9639008 بدر

إنت سوها ميداليه ولا إلزقها بالبوك عندك

أنا إن بعت المسباح شسوي بالكركوشه

وشكرا على السومه ​

 

[GAD-FATHER]

90 عندي 9477722

بيض الله وجهـك أخوي

ماقصرت​

 

[GAD-FATHER]

يعطيك العافيه
ما شاءالله تبارك الرحمن المسابح جدا راقي وخامه طيبه والتعجينه بروحها اقتناء :")
عسى ربي يوفقك بالبيعه ويبارك للمشتري

يعافيك

تكفي شوفتك للمسباح

لا تحرمنا هالطلات غلاي إنت ​

 

[GAD-FATHER]

السلام عليكم

اذا تسمح لى للتصحيح المعلومه الخامه الى عندك اغرامها بالسوق عن المحلات ب 1.650 وانت تعرف المحل وراه اجار ومصاريف.....

وتقدر تروح وتتاكد من السوق على نفس الخامه.

وعليكم السلام ورحمـة الله وبركاتـه

شاكر لك مرورك وتصحيحك للمعلومه

وإذا عندك محل وعندك نفس الخامه المنوصفه أو المعجنه بـ 1،650 دزلي رقمك

علشان أمر آخـذ لي منك مسباحين أو ثلاث

وإذا شفت الميزانيه أوكي عندي

أوعدك بإني راح آخــذ منك أكثر من 6 مسابيح

شكرا لمرورك أبوي إنت ​

 

[jemi]

وعليكم السلام ورحمـة الله وبركاتـه

شاكر لك مرورك وتصحيحك للمعلومه

وإذا عندك محل وعندك نفس الخامه المنوصفه أو المعجنه بـ 1،650 دزلي رقمك

علشان أمر آخـذ لي منك مسباحين أو ثلاث

وإذا شفت الميزانيه أوكي عندي

أوعدك بإني راح آخــذ منك أكثر من 6 مسابيح

شكرا لمرورك أبوي إنت ​

عنوانهم سوق المباركيه خلف سوق السمج مباشره واظن انك تعرف محلاتهم احسن منى انشالله رووووح تلقى باقل انشالله من 1.650 يسوووون خصم طيب للشراى.

ولا رووووح اعرض مسباحك عندهم شوف جم راح يسومونه والقصد والله باب العلم وليس كسر فى بضاعتك او اسئلهم جم غرامه عندهم . الله يرزقك من واسع رزقه انشالله.

 

[GAD-FATHER]

عنوانهم سوق المباركيه خلف سوق السمج مباشره واظن انك تعرف محلاتهم احسن منى انشالله رووووح تلقى باقل انشالله من 1.650 يسوووون خصم طيب للشراى.

ولا رووووح اعرض مسباحك عندهم شوف جم راح يسومونه والقصد والله باب العلم وليس كسر فى بضاعتك او اسئلهم جم غرامه عندهم . الله يرزقك من واسع رزقه انشالله.

أخـوي

إنت تقول بالمباركيه عند سوق السمج

ماشاء الله عليك إنت إللي تعرف محلاتهم عدل وتدلها صح

أبوي إنت

بمشاركتك الأولـى قلت الخامه إللي عندك بـ 1،650 بالمحلات تقصد مسباحي

وأنا رديت عليك وقلت لك دزلي رقمك أمر آخـذ منك كميـة مسابيح

الخامه إللي عنـدي المحلات تشتريها من دينار ونص لغايـة الدينارين إذا محل شريف وأنا أخوك

وما أعتقد فيهم شريف إلا من رحم الله

ويبيعها من دينارين لغايه دينارين ونص وتوصل معاهم 3،250 تقريبا

إللي عندي حبه برميليه ومنوصف وفي تعجين وإسـأل أهـل الخبره عن سعر هالخامه

علشان باب العلم الله يجزاك خير

لأن الدّال على الخير كفاعله

الله يجيرنا وياك

والسعر اللي أقوله بيـع مو مشترى

لأن البيع بالمحلات يكلف فوق الدينارين ونص مثل ما قلت لك

يبي يصكر أجاره ويبي يحاسب العامل ويبي يبعت للأولاد ويبي يزرع البستان

والمشترى أكيد دينار ونص دينار وربع يوصل مع الغشـم

وللعلم ياخوي

في كهرب غرامه 300 فلس وأنا أخوك وفي كهرب غرامه 12 دينار

لتصحيح المعلومات عندك غلاي ومنك نستفيد ومني إن شـاء الله تستفيد

اللي بـ 300 فلس أنواع الكهرب المعطش مو كلها لا حظ

لأن في كهارب معطشه يوصل غرامها حوالي دينار لغايه دينار ونص

وراح أنزل بعد شوي معطش كهرب شوف خراطته وشوف حبته وشوف وزنه

والكهرب الأسود إللي هو الكبس ومشتقاته

لأن أغلب هالمسابيح تكون مخلفات خراطه يجمعونها ويضغطون ويبيعون

وإللي بـ 12 دينار وأكثر طال عمرك الكهرب الأزرق إذا سامع عنه

كهرب موجود في بحر البلطيق ونادر جـدا وإدخل المواقع الخاصه بالمسابيح وشوف

والألماني القديم إللي ماخذ لون وخراطته واضحه وضوح الشمس إما تركيه ولا ألمانيه قديمه

لاهو بولندي ولاهو روسي ولاهو دومينكاني ولا أوكراني

ومستعد أرسل لك موقع خاص بالسبح وشوف أحد العينات الخاصه بالكهرب الأزرق جم وصل سعره

وأعتقـد أنا وإنت طلعنا عن مضمون الموضـوع الخاص في بيع مسباحي

إذا ودك تتطلع أكثر عن المسابيح ومشتقاتهم مستعد أضيفك معاي بالإيميل وأعطيك كل شي يفيدك

والمحلات إللي تقول عنهم كلهم أعرفهم شخصيا وأدلهم واحد واحد

غير إللي مو معروفين بالواجهه والدواعيس بالمباركيه وسوق الحريم

ومن كثر ما جابلتهم وشريت وبعت منهم وعليهم قمت أمون علـى رقـابهم غلاي إنت

ودامك تدل هالمحلات وتعرفهم عز المعرفه روح إسـأل عن المعجن ولا المنوصف جم غرامه عندهم

أقصد المحلات إللي تعرفهم إللي يم سوق السمك والمباركيه

وإسـأل وحـدد وقول الكهرب البولنـــــــــــــــــــــدي المعجن أو المنوصف

ومستعد أتواعد ويااك ونفتر عندهم واحـد واحـد

منها نأكل سمبوسه عند علي الهندي اول المباركيه

ومنها نهضم السمبوسه و الفطور

السوم واصـل 90 دينار كويتي فقـط لا غير ​

 

[707]

يا سلام عليك يا gad father صح كلامك والله العظيم ..

اخوي جمي انت تتكلم عن البولندي العادي والمسباح الي عارضه الريال غير..
ونفس ما قالك اخوي gad father عن الكهرب الأزرق واسمه دمينيكاني اذا تبي واحد حط سومتك والمسباح موجود وخراطه تركيه بعد ( مو شغل مصر ) وللعلم الكهرب الدومنيكانيما ينباع بالغرام لأن نادر جدا جدا ينباع بالقطعه يعني باختصار المسباح على 1000 و 2000 دينار ...

الله يوفقك في بيعتك يا خوي والله العظيم خوش مسباح ..

 

[GAD-FATHER]

يا سلام عليك يا gad father صح كلامك والله العظيم ..

اخوي جمي انت تتكلم عن البولندي العادي والمسباح الي عارضه الريال غير..
ونفس ما قالك اخوي gad father عن الكهرب الأزرق واسمه دمينيكاني اذا تبي واحد حط سومتك والمسباح موجود وخراطه تركيه بعد ( مو شغل مصر ) وللعلم الكهرب الدومنيكانيما ينباع بالغرام لأن نادر جدا جدا ينباع بالقطعه يعني باختصار المسباح على 1000 و 2000 دينار ...

الله يوفقك في بيعتك يا خوي والله العظيم خوش مسباح ..

حياك الله أخوي 707

الساعه المباركه مرورك على الموضـوع

الأخ جيمي الله يجزاه خير مو قاصد إن يوقف ضد البيع والعرض

لا وأنا أخوك وهو إن شـاء الله بعيد كل البعـد عن هالأمور وحشـاه منها

هو حاب يوضح شي يعرفه وأنا عطيته إللي أنا أعرفـه وخبره لا تقل عن 16 عام تقريبا

وإن شـاء الله ما من إختلاف بالموضـوع

الإختلاف بسعر الغرام فقط

وإن كان في إختلاف فالإختلاف بالرأي لا يفسد من الود قضيه << بدون ما أتفلسف وأسوي روحي حركات

وشهادتك تكفيني ومو قصدي إني أكسر بكلام أي واحد منكم

حشى والحشى عن ألف يمين

والحشى لا صرت صايم يوصل 1750 يمين ما عليك

والأزرق لزيادة معلوماتك ويمكن أكون أنا خطـأ

أستخرج من بحر البلطيق وأشتغلوا فيه أكثر الدومينيكانيين والألمان بس بالأول

وإن شـاء الله أنا وإنت وأخونا جيمي صح

الساعه المباركه وموفقين الجميع ​

 

[ناصر الخالدى]

انت بكم خاطرك

 

[GAD-FATHER]

المسباح واصـل 90 دينـار

وأنـا قريب

إنـــت ســــــــــــــوم ​

 

[LighTninG]

ماشاءالله مسباح جدا رائع وجميل

موفق ابوي

جدا مستمتع بالنظر الى المسابيح الي تعرضها لانه فعلا تكحل العين




سلالالالالامن