شرياص العديلية
عضو نشط
آنا في عام 97 بعت بيوك الوالد ب900 دك ... قمت وشريت كرتونين !
رحت عبيت الكرتونين جرايد قديمة عشان أشوف الأسعار القديمه ..
صحيح أن أغلب الصفحات كان عليها مرق و دقوس .. بس الواحد
لازم يتعب و يسعى .. المهم
قمت وشريت فيهم 15000 سهم مركز سلطان ب 60 فلس ..
في 2005 بعت الأسهم والمنح ب 2.700 دك وطلعت ب 48000 دك
خذيتهم وصكيت لي المجموعه د 228 فلس أجل نص مليون ..
السهم وصل 1.060 دك بس آنا شسويت ..؟؟ قمت أرش عالكسور
1.080 دك لأن ولد خالتي وكيل عريف بمخفر الصالحية ويعرف فلبينيه
صاحبها دلال بالبورصه .. فتوسط لنا ولد الحلال ( أي حلال ؟؟ )
وسيلت النص مليون سهم وطلعت بمبلغ 475.000 دك .. نص المبلغ شريت
فيه أراضي بالجميره ودبي وعجمان .... والنص الثاني قمت أدش فيه
مارجن ( بالنفط من يوم كان سعره 50 دولار وبعته يوم وصل سعر البرميل
186 دولار ) دقوا علي الشباب وقالو لي : يا طويل العمر .. لازم تسيل
وتبيع لأن الأرباح لحد الآن (حروة المليار دك ) .. حزتها أو ساعتها كنت
بالنعيريه رايح أخطب حق بوسليمان وحده أرمله .. بدون محد يدري
قلت ان شاءالله أوفق راسين بالحلال ... وكان معانا شاهد للملجه
الله يذكره بالخير ( بو فواز ) بس الله يهداه كان مجلد جوازه مادري ليش
وخاشه بمخباته .. وكل ساع يقول أبوي بالسلك الدبلوماسي والخخخ
قاموا موظفين حدود النويصيب وخذوه على صوب .. وصار حب خشوم
ويهديك ويرضيك ... آخرتها بو فواز طلع ( يمني ) ومستحي أحد يعرف
قلت عادي يبه نتشرف فيك يا بوفواز .. شدعوه اللي يمي نمساوي
الحين ؟؟ كلنا عرب ومسلمين و حبايب .. وضحكنا كلنا وتقهقهنا
وقمت أشوف ضروس ذهب .. جان يطلعون الشباب مسابيح وحيل
هور يا بو الهوااااااااره فينك يا بو الهوووااااااره
يتبع في الاسبوع المقبل
للتذكير فقط .. على قولة أم عليوي :
يا ما ناس حطو ربيه على ربيه ... وصاروا ربيتين !
الحلقة القادمه :
التحقيق مع بوسليمان وتعذيب بو فواز بالصعقات الكهربائية