++++ سؤال عن سوق جبد ++++

[بوغمازات]

شباب شرايكم بسوق جبد ؟؟ اسمع وايد ناس يروحون وهناك الاشياء برخص التراب وشي منظم ومزاد علني !!! بضايع من كل نوع وشكل (( كمبيوترات وتلفزيونات وموبايلات )) حتي جناط حريم وتكرمون جواتي ونعل .. وكل شي يديد بكرتونه !!! واعتقد السوق يوم الاحد ويوم الجمعه !!!! ممكن احد فيكم رايح ويقولي شنو وضع هالسوق وشنو فيه ؟؟؟

 

[Business Man1]

ودي اي مكان بالضبط هالسوق؟
عند الجمعية ؟

 

[الشريطي]

ياخوي انا اقدر افيدك والله السوق من حلو حيل حلو ويبيع كلشي اب بالك واعطيك مثال اول مانزل اليزر الاخضر كان على 30 دينار شريت اثنين من اهناك الواحد على 6 وبكراتينهم بس اذا ناوي على حيوانات عزكم الله فهو اكثر شي الي ينعرض ومموفق خير خيي

 

[بوالريان]

انا اروح وشتري تمام خوش مزاد بس لايصيدونك لان كلهم ربع الي يبيعون

 

[foxmind]

مو مثل مايقولون لان السوق ساعات يبيع باغلى من السوق وساعات تشوف مزايدات لرفع السلع واغلب الموجودات صينيه واذا ماتعرف بالجوده والاسعار ممكن تتفاجأ باي شروه بعد الاستعمال يعني في الزين وفي الشين

قبل سنتين كنت اروح هناك كان في خوش شباب وبضايعهم حلوه ومنوعه ورخيصه لكن الان اغلب البضايع شنط وعطوور والعطور طبعا مو شي


تقدر تسال في مزاد اسم راعيه الجمعان غير اللي خلف الجمعيه وهذا رقمه ممكن تستفسر منه الايام والموجودات قبل لاتروح وتعب نفسك






6501312 ابو ابراهيم

 

[بوغمازات]

مشكورين شباب علي الرد .. انشالله بروج الجمعه وبشوف عالطبيعه

 

[تاجر 2008]

في اكثر من مزاد هناك

في اللي خلف الجمعيه اسمه مزاد اليمامه يوم الاثنين والجمعه بس اغراض

وفي اللي تصير الحمعيه يسارك وتكمل شوي علي الشارع للطيور والحلال الخميس والجمعه

وفي مزاد الكناري تلف فوق تحت من الجمعيه وتدش يمين وتكمل كله سيده وتحصل علامات هناك

وفي مزاد الجمعان خميس وجمعه اغراض وحيوانات ...بس ينتهي فيك الشارع مال جبد تروح يسار وثاني تقاطع تلف يسار يصير المزاد علي ايدك اليسار

واي شي انا حاضر

 

[بوغمازات]

في اكثر من مزاد هناك

في اللي خلف الجمعيه اسمه مزاد اليمامه يوم الاثنين والجمعه بس اغراض

وفي اللي تصير الحمعيه يسارك وتكمل شوي علي الشارع للطيور والحلال الخميس والجمعه

وفي مزاد الكناري تلف فوق تحت من الجمعيه وتدش يمين وتكمل كله سيده وتحصل علامات هناك

وفي مزاد الجمعان خميس وجمعه اغراض وحيوانات ...بس ينتهي فيك الشارع مال جبد تروح يسار وثاني تقاطع تلف يسار يصير المزاد علي ايدك اليسار

واي شي انا حاضر

تسلم ومشكور وماتقصر ... انشالله رايح الجمعه عشان اشتري تلفزيون ال سي دي

 

[بترولي نشط]

السلام عليكم

بصراحه ياخوك المزاد الي بجبد رحتله 3 مرات اهو حلو بس لازم تديربالك اغلبية الي هناك ربع وديربالك مو تصدق لاقال عطر اصلي ول جنطه اصليه اغلبه كلام فاضي كله تقليد وبصراحه ما انكر انقص علي بكل مره رحت فيها حق هالسوق وبعدين اغلب بضايعهم من الصين اهم شي ديربالك وتاكد من السلعه قبل لا تساوم

تقبل مروري

مع تحياتي

 

[بوغمازات]

السلام عليكم

بصراحه ياخوك المزاد الي بجبد رحتله 3 مرات اهو حلو بس لازم تديربالك اغلبية الي هناك ربع وديربالك مو تصدق لاقال عطر اصلي ول جنطه اصليه اغلبه كلام فاضي كله تقليد وبصراحه ما انكر انقص علي بكل مره رحت فيها حق هالسوق وبعدين اغلب بضايعهم من الصين اهم شي ديربالك وتاكد من السلعه قبل لا تساوم

تقبل مروري

مع تحياتي

مشكور وجزاك الله خير

 

[mr-mac]

انا بعطييكم رايي انا اكثر مزاد رحتله تقريبا كل اسبوع اليمامه ممتاز وعنده كل شي والثاني جارنه الكناري توه يديد وما جربته انشالله هل الاسبوووع اروح واعطيكم خبر

 

[نبض الهواجر]

في مزاد قريب في منطقة بيان اسمه مزاد السنافي ممتاز طيور وغراض

في قطعه 11
يصيرسنترال مشرف يسارك اذا واقف عند الاشاره تاخذها يمين وتكمل سيده تقريبا البيت الاخير قبل الدخله اليمين من يوم الجمعه لي الاربعاء داخل الدوانيه خفيف والخميس المزاد الرسمي من الساعه 30"9

 

[بوغمازات]

مشكورين يا اخوان علي المعلومات الطيبه واللي يقهر بعض الاخوان يقولون دير بالك ترا اكثر البضائع صينيه وتقليد !!!! يعني بالله البضائع المعروضه اهني بالمنتدي اصليه !!! كله تلفونات وجناط وكمبيوترات صينيه وتقليد .... وجزاكم الله خير

 

[foxmind]

مشكورين يا اخوان علي المعلومات الطيبه واللي يقهر بعض الاخوان يقولون دير بالك ترا اكثر البضائع صينيه وتقليد !!!! يعني بالله البضائع المعروضه اهني بالمنتدي اصليه !!! كله تلفونات وجناط وكمبيوترات صينيه وتقليد .... وجزاكم الله خير

كلامك سليم الصين في كل مكان لكن في فرق بالجوده لان الصيني درجات والدرجه الثالثه بتكون ارخص على التاجر ويفرق سعرها مثلا الام بي فور هناك تشتريه مايكمل شهر وياك لان صناعته بهالشكل بعكس لما تشتري صيني مكفول سنه