طبيب اسنان خاص (هام)

[Rap Soul]

السلام عليكم

يا جماعة الخير منو يعرف طبيب اسنان يفتح لي وقت متأخر بالليل ويفضل 24 ساعه حايشني التهاب بضرسي ومليت وانا من مستشفى لي مستشفى عند الحكومه وما طلعت بفايده والعوار كل ماله ويزيد عساكم ما تجربونه
ياريت اللي يعرف دكتور خاص زين واسعاره مو مبالغ فيها ياريت يدلني وان شالله له الاجر والثواب

 

[أوبال]

والله ما أعرف أخوي بس الله يشافيك ويكون بعونك ألم الأسنان رهييب...وصداعه يعذب..

 

[Rap Soul]

اي والله ياخوي الله يبعده عنك وعن جميع امة المسلمين يارب
والمشكله كل ما اروح مستشفى واحد يقولي مافي اشعه الحين تعال الصبح
وواحد يقول اخذ مسكن وواحد يقولي ما نستقبلك لانك مو من هالمنطقه ياخوي الواحد يذل فلوسه ويعز نفسه والحين الخاص كلهم مسكرين وأمري لله انطر لما باجر

 

[rakan_yes]

روح للاميري

فاتحين الحين
خلف المستشفى مباشره

او

روح لمركزك الي بمنطقتك الخاص
يعني بالنسبه للاحمدي
روح للعدان فيها مركز تخصصي يفتح 24 ساعه

تلاقي العلاج انشااء الله

او اقرب صيدليه واشتر بروفين مسكن 100%

تقبل مروري
ابوراشد

 

[monster]

مثل ماقال الاخ الاميري فيه خفاره ...


وانصحك تاخذ بروفين مع مسكنات راح يروح العوار ويهدى

 

[قلم حر]

عليك بمسكن cataflam وحده بوحده

 

[Rap Soul]

اول شي شاكر لكم على المرور ثانياً انا رحت للأميري للعياده الخارجيه هذي اللي بروحها قالو ما نستقبلك روح لمستوصفكم
والمسكن ادري ينفع لكن وقت الصيام هذي المشكله ما اقدر اكل لا مسكن ولا غيره :\ ..

عموماً الف شكر للكل

 

[قلم حر]

اول شي شاكر لكم على المرور ثانياً انا رحت للأميري للعياده الخارجيه هذي اللي بروحها قالو ما نستقبلك روح لمستوصفكم
والمسكن ادري ينفع لكن وقت الصيام هذي المشكله ما اقدر اكل لا مسكن ولا غيره :\ ..

عموماً الف شكر للكل

للاسف الضرس الملتهب ماله الا المسكن حتى لو بتروح عياده
بيعطيك مسكنات لما يروح الالتهاب بعدين يعالجك

 

[الوموي]

اذا تبي عياده خاصه .. عندك عيادة الميدان فرع الفروانيه في دكتور اسمه عبدالله

بصراحه هذا احسن دكتور مشاءالله عليه .. من اسبوع شالي العصب وبدون الم نهائياً

بس الله يعينك على مواعيده زحمه

 

[Rap Soul]

الله كريم , والف شكر لكم ..

 

[dnyay]

اى والله وانت صاج ذل فلوسك وعز نفسك
المشكله عندى ان مو ضرس واحد اللى تعبان ... 14 ضرس كلهم خربانين يعنى تعالج واحد يطلعلك جاره تقول جنه لعبه جرى تتابع
لكن الحمد لله العام اخذت براى واحد من الشباب وسافرت حق سوريا عند دكتور جيد جدا جدا وعشر ايام واهو يشتغل فيهم ولله الحمد والمنه ارجعت الضحكه ولا عوار ولا سهر الليالى
على فكره السفره كلها والعلاج والسكن وهم شرينا صوايغ وطبعا مع الاهل انا مسافركلها كلها 600 دينار بدون التذكر طبعا
والله يديم الرخص

 

[قاروه]

السلام عليكم

يا جماعة الخير منو يعرف طبيب اسنان يفتح لي وقت متأخر بالليل ويفضل 24 ساعه حايشني التهاب بضرسي ومليت وانا من مستشفى لي مستشفى عند الحكومه وما طلعت بفايده والعوار كل ماله ويزيد عساكم ما تجربونه
ياريت اللي يعرف دكتور خاص زين واسعاره مو مبالغ فيها ياريت يدلني وان شالله له الاجر والثواب

عليكم السلام

ماتشوف شر ياخوي

عندك بالجريده في عياده اسمها باب هاني مكانهم بالسالميه هذي 24 ساعه

اجر وعافيه

 

[Rap Soul]

dnyay اي والله عدل كلامك بس خلني اخلص من هالضرس وبدين اتفرغ اذا كنت بسافر ..

قاروه ان شالله اليوم بعد الفطور بشوفلي عياده خاصه

 

[InUrEyEs]

اذا تبي عياده خاصه .. عندك عيادة الميدان فرع الفروانيه في دكتور اسمه عبدالله

بصراحه هذا احسن دكتور مشاءالله عليه .. من اسبوع شالي العصب وبدون الم نهائياً

بس الله يعينك على مواعيده زحمه

عدل كلامك عياده الميدان وولكن حولى برج بيروت اقبال دار الشفا