اي استفسار عن سيارات مرسيدس لاندكروزر نسيان بترول سعر تصليح

الحالة
موضوع مغلق

kokokaka

عضو نشط
التسجيل
1 أغسطس 2008
المشاركات
324
عمر الطقه تحس فيها بالتواير لى وري او من الهيئه الماميه ؟
 

wooow

عضو نشط
التسجيل
8 يونيو 2008
المشاركات
1,142
واااااااو حبيبي اسف تاخرة علي ؟ بالنسبه الاصوات مثل الونه والحنه والخشونه والطقطقه كلها لازم نشوف السياره على شان نقدر نطلع الخراب وين ؟ فيه واحد جدام شركة البابطين لى بالشويخ بالضبط اسمه سعيد مصري محل اصغير بس اهو فني مر عليه وخله يشوفها لك ورد خبر شنو قال فيها اذا انت تقول مبدل كراسي مكينه وكرسي قير وبالمره شوف للكزوز لايكون حايش البدي من تحت وحاول تبطل الغايش وتشغل السياره لايكون من البكرات لى بالصدر المكينه ؟

بيض الله وجهك والله يجعلهاا فى ميزان حسناتك

اخوى شيكت على الكراسي وكلهم اوكى وشيكت على الاقزوز نفس ما قلت وكل شي اوكي مع ان لى خبره بالسيارات لكن السياره هذى ما لقيت لها حل وفعلاا نفس ما تفضلت فيه بشيل الغايش وبشغل السياره وبشوف
هل اذا شلت الغايشات كلهم وشغلت السياره يضر شي ولا عادى؟؟؟
 

kokokaka

عضو نشط
التسجيل
1 أغسطس 2008
المشاركات
324
واااو ابي اقول تاخرت عليك كتبت ناخرت علي ؟ غلطه

واااو انا فى خدمة الجميع ؟
 

UNIX

موقوف
التسجيل
9 أبريل 2007
المشاركات
7,556
في مكان زين يشحم مفصل الشفت حق اللاندكروزر؟

يعطيكم العافية
 

رولكس

عضو نشط
التسجيل
15 يونيو 2008
المشاركات
45
الإقامة
اtلــــ i ــكــ a ـــ w ــو يــ u ـتــ k
السلام عليكم

يعطيك العافية يالغالي على هالمجهود الرائع والله يجعله في ميزان حسناتك ... وكل عام وإنت بخير ...

عندي إستفسار عن المرسيدس الحوت ..

عندي مشكلة في المعاونات الأمامية الهيدروليك بين فترة وفترة يضرب المعاون مرة اليمين ومرة اليسار ..
هل في حل عندك غير التبديل يعني التصليح بطريقة ثانيه أو إلغاء الهيدروليك وتحويله عادي..
وأبي سعر المعاون المستعمل جم ؟؟؟ والجديد جم ؟؟؟

إذا تعرف محل رخيص وكويس :) علمنا جزاك الله خير ...

وتقبل الله صيامك وأخواني الأعضاء أجمعين ..
 

kokokaka

عضو نشط
التسجيل
1 أغسطس 2008
المشاركات
324
لوركس مشكور وكل عام وانت بخير ؟ انا فهمت من كلامك دام هدروليك يعني في اكس ار ؟ اذا موترك وانت تمش يطامر وتحس مو ناعم بالمطبه هذي الكور مالت الهدروليك خربانه وتخرب المعاونيات وتقدر تشوفها طل تحت السياره (تحت كشن السايق الامامي بس من تحت السياره ) والثانيه بالصوب الثاني ؟ فيه واحد يفهم فيهم بالشويخ ؟ شوف خل المطافي الصناعيه على اليسار وانت داش من الداري الرابع سوب المشاتل ؟ راح يصير الدوار جدامك قبل الدوار فيه لفه يمين دش فيها وبعدين اول لفه يمين هم دش فيها تلقاه على ايدك اليسار ؟ بكستاني بس لاتعطيه وجه واذا قالك 10 قوله 5 يعني النص ؟ وفيه واحد لبناني بنفس الشارع او الشارع لى واراه ؟ نسيت بس اهو بنفس المنطقه يم بعض ؟ والله يوفقك وسمحلى تاخرت عليك بالرد
 

رولكس

عضو نشط
التسجيل
15 يونيو 2008
المشاركات
45
الإقامة
اtلــــ i ــكــ a ـــ w ــو يــ u ـتــ k
لوركس مشكور وكل عام وانت بخير ؟ انا فهمت من كلامك دام هدروليك يعني في اكس ار ؟ اذا موترك وانت تمش يطامر وتحس مو ناعم بالمطبه هذي الكور مالت الهدروليك خربانه وتخرب المعاونيات وتقدر تشوفها طل تحت السياره (تحت كشن السايق الامامي بس من تحت السياره ) والثانيه بالصوب الثاني ؟ فيه واحد يفهم فيهم بالشويخ ؟ شوف خل المطافي الصناعيه على اليسار وانت داش من الداري الرابع سوب المشاتل ؟ راح يصير الدوار جدامك قبل الدوار فيه لفه يمين دش فيها وبعدين اول لفه يمين هم دش فيها تلقاه على ايدك اليسار ؟ بكستاني بس لاتعطيه وجه واذا قالك 10 قوله 5 يعني النص ؟ وفيه واحد لبناني بنفس الشارع او الشارع لى واراه ؟ نسيت بس اهو بنفس المنطقه يم بعض ؟ والله يوفقك وسمحلى تاخرت عليك بالرد

مشكوووووووووور على الرد
بس أخوي سؤالي عن المرسيدس الحــــــــــوت وليس VXR
إشدعوه يالغالي لي هالدرجه الصيام مؤثر فيك :p:p:p
 

kokokaka

عضو نشط
التسجيل
1 أغسطس 2008
المشاركات
324
رولكس انا رحت بعيد ؟ لمعاونيات يخربون الانك تركب مستعمل ولكن اذا ركبت جديد اقل شي ابع سنوات ماتبدلهم ؟ اما بالنسبه لتصليح مايصير لازم تبدل المعاون الخربان ؟ مستعمل 100 دينار حسب النظافه وتركيب 10 اما الجديد فيه صيني 150 دينار الماني تقريبا 200 دينار وتركيب عشر ؟ اما تغير النظام ( تلغي الهايدروليك الي عادي) يكلفك تقريبا من 400 الى 500 دينار الان مايسويها الا واحد بالكويت ومستغل الناس ؟ بس فنيا ماتكلف اكثر من 100 دينار الى 150 دينار مع القطع ؟
 

BADR-1

عضو نشط
التسجيل
6 أغسطس 2008
المشاركات
469
بعد اذنك اخ كوكوكوكو بالنسبة للاخ وااااااااو والخشونة اللي بسيارتة انا عندي كامري ونفس المشكلة ما خليت شي الا وبدلته آخرتها طلعت فضاوة بالإكس الطويل والخشونة تطلع علي ضغط 2.50 الي 3
 

kokokaka

عضو نشط
التسجيل
1 أغسطس 2008
المشاركات
324
Badr-1 مشكور اخوي بدر على المعلومه الطيبه ؟ ودي كل الشباب يصيرون مثلك ويقولون لنا اي شي صار معاهم ؟ على شان نقدر نخدم بعضنا بعض ؟ ونوفر الجهد والتعب على الناس

ونقلل عليهم مصاريف التصليح ؟ مشكور مره ثانيه اخوي بدر والله يطول بعمرك ؟ ونشالله وااااااااااو ياخذ بنصيحتك ؟
 

الفيلسوف_11

عضو نشط
التسجيل
21 أغسطس 2007
المشاركات
282
السلام عليكم

يعطيك العافيه اخوي كوكوكوكو

انا عندي مشكلة خشونه بسيارتي و رجفة خفيفه ورحت للكراج وشال عمود الدبل وخفت الرجفة وقالي فيه مشكلة بالدبل وانطر اسبوعين يوصل الفني وانا قلت بعد رمضان اتفرغ لها بس ما زالت الخشونه وعلى سرعه 120 تزيد شوي وتبدى رجفة خفيفه شنو تنصح فيه

السيارة لاندكروزر 2004
 

kokokaka

عضو نشط
التسجيل
1 أغسطس 2008
المشاركات
324
الفيلسوف هلا فيك ؟ اذا الرجفه تروح وترجع بالسرعه يكون عندك مشكله في الدبل ؟ واذا الرجفه مستمره بالسرعه علي نفس الدرجه يكون التواير فيها مشكله ؟ فيه تشحيم حق عمود القاردن حاول تشحمه ؟ اللاندكروز فيه رجفه خفيفه بعمود القاردن وهذا طبيعي خاصه اذا مشي اكثر من 200 الف ؟ مع الاستعمال يصير فضاوه فى الاكسات والصليب حق العامود وهذا شي طبيعي ؟
 

الفيلسوف_11

عضو نشط
التسجيل
21 أغسطس 2007
المشاركات
282
الفيلسوف هلا فيك ؟ اذا الرجفه تروح وترجع بالسرعه يكون عندك مشكله في الدبل ؟ واذا الرجفه مستمره بالسرعه علي نفس الدرجه يكون التواير فيها مشكله ؟ فيه تشحيم حق عمود القاردن حاول تشحمه ؟ اللاندكروز فيه رجفه خفيفه بعمود القاردن وهذا طبيعي خاصه اذا مشي اكثر من 200 الف ؟ مع الاستعمال يصير فضاوه فى الاكسات والصليب حق العامود وهذا شي طبيعي ؟


جزاك الله خير بهالشهر الفضيل و الله يعطيك العافية وما قصرت

يعني تنصحني اروح عند اي كراج وتكفى لا توديني عند سوري
 

kokokaka

عضو نشط
التسجيل
1 أغسطس 2008
المشاركات
324
فيه باكستاني خلف شركة مبروك او مبارك لى جدام المطافي الصناعيه الشويخ ؟ اللفه لى قبل الدوار على اليمين وبعدين لف يمين مره ثانيه تلقاه على اليساروفيه واحد وراه بنفس الشارع اعتقد ارمني او لبناني ؟ الباكستاني ترا طماع اذا قالك 20 قوله 10 وبالتوفيق نشالله ؟ اما بخصوص التشحيم روح حق اي مغسله اهم يعرفون يسوووونه
 
الحالة
موضوع مغلق
أعلى