شغله تساعدك فى اتخاد القرار

الموضوع في 'السوق الأمريكي للأوراق الماليه' بواسطة ابوراشد, بتاريخ ‏20 مارس 2004.

  1. ابوراشد

    ابوراشد عضو جديد

    التسجيل:
    ‏20 سبتمبر 2003
    المشاركات:
    1,300
    عدد الإعجابات:
    0
    السلام عليكم ورحمة الله وبركاته شباب انا فى شغله علمنى اياها واحد من الربع وهو له يمكن بالسوق الامريكي 5 سنوات

    وحبيت اطرحه عليكم وانشالله انكم تستفيدون منها هدى الشغله تنطبق على اغلب الاسهم

    يالله نبي نطبق على سهم

    الخطوة الاولى تروح لصفحة ياهو تحط رمز الشركة

    مثلن icge اعلى سعر لها فى السنه كم واقل سعر لها بالسنه كم

    52wk Range: 0.27 - 0.96

    من 27 الى 96

    يعنى الان سعرها معقول حيل صح نروح بعدين على الاخبار نشوف اخر 4 اخبار وشنو تاثيرها على السهم

    يعني مثلن اخر خبر لشركة icge
    كان بتاريخ
    Tue, Mar 16 - PR Newswire

    نروح للهسترى نشوف تاريخ 16 مارس كم بطل السهم وكم اغلق وكم الهاى واللو

    بطل على 37 والهاى 39 واللو 36 واقفل على 38 يعني الخبر زوين

    نروح للخبر اللى قبله

    Wed, Mar 10 - PR Newswire

    تاريخ 10 مارس نرد ونروح للهسترى من غير من طالع الخبر ادا فى ارتفاع يعني زين وادا انخفاض يعني شين وادا عادى راح يمارس حياتة الطبيعيه
    نشوف 10 مارس كم فتح وكم اغلق وكم اللو وكم الهاى

    بطل على 42 والهاى 44 واللو 41 واغلق على 41

    لو تلاحضون انه من 10 مارس الى 16 قاعد ينزل السهم صح يمكن يكون تجميع على السهم وقاعدين يضغطون عليه يبون ياخدونه من تحت ترقبا لاخبار جديده المهم ان عرفنا ان الخبرين الاخيرين زينين وسعرة معقول جدا وهوه مناسب للشراء الان تعالو نشوف الخبر اللى قبله بعد
    Fri, Feb 27 - PR Newswire
    اللى قبله كان فى 27 فبراير تعالو نشوف سعرة يوم الخبر ترى الخبر يمكن قبل السوق ويمكن بعدة ادا بعدة شوف اليوم اللى بعدة وادا قبله شوف نفس اليوم
    بطل 36 واهاى 37 واللو 35 والاقفال 36 يعني سكر على السعر اللى فى المنتصف يعني الخبر عادى جدا شوفو 1 مارس بطل على
    36 وسكر على الهاى اللى هو 37 يعني هدا بحد ثاته شي زين يمكن الخبر زوين واللى يتنبا بشي زين المهم ان الخبر ماهو شين

    الخبر الرابع
    بتاريخ
    Mon, Feb 23 - PR Newswire
    23 فبراير
    فتح على 38 والهاى 38 واللو 35 وسكر على 35 يعني يمكن الخبر عادى جدا والا مو مثل اللى كانو متوقعينه

    ملاحظه شوف الاسعار من نزل الخبر الى بعدها بثلاث اربع ايام يمكن يكون الارتفاع والانخفاض مو بنفس اليوم ادا كل يوم من بعد الخبر السعر فى تحسن ترى الخبر زين ماعليكم منهم تكون لعبة الملاك الانسايدر والصناديق اما ادا فى كل خبر يصدر يصير فيه نزول للايام اللى بعدها وكل يوم يسكر على اللو ترى الخبر ماهو زين ويكون فيه تصريف
    ويستحسن انه مخترق مستوى الخمسين يوم


    انشالله انى اكون وفقت فى شرحى ومانستغنى عن اخوانا فى اى معلومات اخرى والا تصحيح اى شي غلط
     
  2. ابوراشد

    ابوراشد عضو جديد

    التسجيل:
    ‏20 سبتمبر 2003
    المشاركات:
    1,300
    عدد الإعجابات:
    0
    شكلة الموضوع ما عجبكم صح

    :rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes: :rolleyes:
     
  3. meshal

    meshal عضو محترف

    التسجيل:
    ‏9 نوفمبر 2003
    المشاركات:
    1,035
    عدد الإعجابات:
    0
    مكان الإقامة:
    kuwait
    لاوالله جزاك الله خير يا بوراشد

    ودايم هذي عوايدك الشي الي تشوفه زين ماتبخل على ربعك فيه

    يامال العافيه يا بو راشد وبيض الله وجهك



    ولكن ابو راشد اعتقد هذي الشركه ماينفع فيها الا بلجتس يشتري اسهمها ويالله ترتفع شوي بعديت تطيح

    ONT :D :D :D
     
  4. الشامري

    الشامري عضو محترف

    التسجيل:
    ‏7 يناير 2004
    المشاركات:
    2,444
    عدد الإعجابات:
    45
    مكان الإقامة:
    الكويت
    الله يجزاك خير يابو راشد

    والى الامام ;)
     
  5. waleedan

    waleedan عضو جديد

    التسجيل:
    ‏24 فبراير 2004
    المشاركات:
    62
    عدد الإعجابات:
    0
    مكان الإقامة:
    دار أل صباح
    جزاك الله الف خير يابو راشد ومشكور على النصايح
    وعلى المعلومات والي بصراحه تعتبر بداية السلم لكل مبتدء
    على الاقل شي نستند عليه وطبعا ماننسى جهود أخواننا المحللين أمثال مشعل والعطار واندركفر مشالله عليهم أساتذه في فن التحليل
    وبالاخير أشكرك وأشكر كل الأخوان
    على الي قاعدين يبذلونه على شان مصلحة أخوانهم


    تحياتي اخوك وليدان
     
  6. BlackMan

    BlackMan عضو جديد

    التسجيل:
    ‏31 ديسمبر 2003
    المشاركات:
    6
    عدد الإعجابات:
    0
    يعطيك العافيــــــه

    راح نجرب هذه الاستراتيجيه لمدة اسبوعين ,بعدين ممكن نتناقش فيها

    مشكور
     
  7. ابوراشد

    ابوراشد عضو جديد

    التسجيل:
    ‏20 سبتمبر 2003
    المشاركات:
    1,300
    عدد الإعجابات:
    0
    مشكورين يا اخوانى على التعقيب