يا اخوان كونوا واقعيين شوي
في مثل كويتي يقول مد اريولك على قد الحافك
واحدنا يروح ياخذ له قروض حق بيته وسيارته واثاثه ويكشخ اخر كشخه ولما تخلص فلوسه يصرخ الويل ويقول لحقوني يا حكومه كله منكم .
والبعض راح يقول فلوس الديره وايد والاعضاء يبوقون ( تبي تبوق وياهم يعني )
يا جماعه لا تفكرون بالدنيا وبس فكروا بالاخره لان فيه حساب وعقاب
واحدنا معاشه 500 دينار وكاشخ كشخه تقول هذا راتبه مو اقل من الفين علشان يوري الناس شوفوني ترا انا عندي واخرته يدش المحطه يصب ب750 فلس وعادي بعد يا ريت خصوصي
ليش ما يصير عندنا تنظيم بمصاريفنا ونقسم راتبنا علشان يكفينا
راح تقولون التجار كلونا .... طيب
مو احنا اللي شجعناهم
مثال ..
دجاج سادية الكرتون ب 9 دنانير وربع ممممممم غالي
ادري غالي
طيب في دجاج كويتي وارخص
لاااا شحقه اشتري كويتي شيقولون الناس عني ( وانت بتعزم المنطقه كلها ... منو يدري عنك )
فيا جماعه اللي وصلنا له الحين من ديون وقروض والله كله منا احنا
وطبخن طبختيه يالرفله اكله
طالع لنا بيت حكومه فصخناه وبنيناه مره ثانية تالي يشكي الويل
طلع لنا قسيمة سويناها 3 ادوار ولا قصر بيكنغهام تالي نشكي الويل
عيبنا ما عندنا قناعه
هذا رايي ولا ابي رد عليه لاني تعبت نفسيا من ديووووووووني
وسلامتكم
والله يا اخوي شكلك منقهر على عيال ديرتك وتحبهم وتبي مصلحتهم بس يا اخوي في ناس محتاجه وجديه وما نبي ننقل كلام التجار ونقول اي ما خذ قرض محد طاقه على ايده لا والله في ناس مطقوقين على ايدهم ومحتاج القرض وما له طريج ثاني ويوم خذاه ما كان وضع القرض جذي اتفق على قرض 280 دينار صار القسط 580 دينار !! ارباح على ارباح
التاجر بالديره ما يبي ولد الديره يركبمارسيدس وتكون عنده خدامه ما ادري النفط ياي من مخباته مو من رب العالمين يا اخي ديرتنا ديره نعمه و اهلنا اولى فيها ومن حق الكويت يركب ويكشخ
بالنسبه للقناعه انا معاك بهل النقطه
وبالنسبه لساديا (( عمر بن الخطاب )) رضي الله عنه
شكى له العامه من ارتفاع سعر اللحم وقالو له شوف لنا حل
رد رد جميل وقال خلو لحمهم لهم ما لكم حاجه فيه وكانت النتيجه انخفاض سعر اللحم موفقين اخواني واتمنى ان الموضوع يكون حوار طيب من اجل سماع ارائنا بموضوع المعسرين (( ماخاب من استشار ))
اذا لا روح اعرض الموضوع على المحامي وشوف الرد ماله افضل لان يعرف قوة القضيه ويعرف شنو من الممكن يفيدك فيه القاضي اذا كانت الفايده اقل من فائده المعسرين فعليك بالقضاء اذا كانت مساويه هم عليك بالقضاء اما اذا كان القضاء من الممكن يعطيك اقل بكثير فعليك بالمعسرين لكن هل الشي قانوني فيجب استشاره اهل القانون