شروط المعسرين !!

[kwaity1978]

السلام عليكم اخوااني والله كلامكم كله عدل وانا اعتقد لو صوت المواطنين ينسمع ويتطبق والله الامور كلها راح تتعدل وخصوصا المديونياات وتصير شراء مديونيه بدال تسديد والشارع الكويتي كله راضي بالشي هذا

المشكله اللي صايره الحين البنك يثااصط المواطن اللي ماخذ قرض ويكون مثلا قيمه القصط 300 دك بس المشكله يكون 280 للفايده و 20 للقرض

والحل واحد واتمني يصير ومثل ما ذكرو بعض الاخوان شراء المديونيه وهذا الحل الوحيد ومايكون فيه اي فاايده للبنك والفايده الاولى والاخيره للمواطن وبعدها الحكوومه لينها ظامنه حقها بعد على سبيل المثال 15 سنه


ومشكوورين على الموضووع الطيب هذا والتوضيحاات وكل عام وانتم بخير

بالنسبه للطريقه هذي للقروض القديمه وتعدلت على الطريقه الجديده وصار النسبه تناخذ كل يوم بيومه

 

[kwaity1978]

في خبر يتداول ان نسبه الاقتراض راح تنخفض الى 35 % للموظف الكويتي

 

[نصوري]

ياودود ياودود يارحمان يارحيم ارحم عبادك المبتلين يامن ادخلت زانية من بنى اسرائيل الجنه برحمتك فرج عنا كربنا ونحنوا عبادك المؤمنين الصائمون المصلون وهدى ولاة امورنا لمافيه مرضاتك
وطاعتك والعدل فينا

 

[kwaity1978]

اللهم فرج عنا كربك وعن اخواننا المسلمين وارحمنا برحمتك يارحمن يارحيم ومن علينا بطاعتك ومغفرتك ياغفور

 

[سعود الرشيدي]

شباب مساكم الله با الخير ..أنا راجعت للصندوق تبون الحسبه كا التالي راتبك مومخصوم منه شي يعني حتي خصم التأمينات مايحسبونه يعني أجمالي الراتب + بدل الأيجار وتكون الحسبه أنك شيخ عندهم وأنت تستطيع أن تسلف بعد ههههههههههه...أنا علي قرض وعلي نفقه تدرون الموظف في البنك شنو قالي تكفه سلفني وأهوا يضحك .....تدرون والله تفلت بعينه عزكم الله .......خلوها علي الله ...والله ماينزلي من الراتب وأنا متزوج وعندي طفلين وأجار بيت الأ 150 دينار +بدل الأيجر 150 يعني 300 دينار والله ................شرايكم

 

[w9k2]

والله انا نفس حالتك بضبط يا سعود

بنسبة لصندوق المعسرين مهزلة بحق المواطن ومع الأسف الحكومة قاعد تمارس سياسية الأرهاب ولا هامها المواطن والنواب مع الأسف قاعد يركضون خلف مصالحهم ومن المضحك يطالبون أن تصبح الكويت بلد تجاري ولا يستطيعون حلل مشاكل المواطن منها الاسكان والبطاله والقروض والصحة والمهزلة الكبيرة ترشيد الذي أصبح عار على جبين المواطن وأصبحت الدول تستهزء بنا مع الأسف هم الحكومه ارضاء التجار وأول أجندة مجلس الامة البورصة والأستثمارات حرام عليكم خربتوا الكويت وما خليتوا حتى المواطن يتهنى في عيشتة مئة الف مواطن مطلوب اللقاء قبض والصحف أكبر دليل شكاوي المواطنيين


يا الشيخ سالم العلي يا ملك الرحمة لو في منك عشرة في الكويت

جان كل كويتي رفع راسة بارك الله فيك يا سالم العلي وعساك ذخر لكل كويتي

 

[سعود الرشيدي]

عمي خلها علي الله كنت في دوره وكانو معاي في نفس الدوره ناس من قطر والسعوديه والبحرين تدري كانوا يتمنون انهم كويتين لاكن الحين والله كويتين يطلبون من الي بره صدقات والحكومه تقول أحنا فسقانين ......حسبي الله ونعم الوكيل.

 

[w9k2]

هذا كلام مو جديد وصاج والله قبل الكويتي يفتخر لكن الحين نضحك على عمرنا شنو عندنا قمنا نقلدهم في كل شي حتى التجار في الكويت انقلو كل تجارتهم خارج الكويت على سبيل المثال شركة زين أنقلت المكتب الرئيسي الى البحرين مع الأسف الكويت تركض لحل مشاكل الدول الأخرى
مثل ما حدث في لبنان وسوريا والسبب من هذا خوف على استثمار بعض الأسماء المعروفة في البلد اذا كنا نريد الأصلاح يجب تغير المستشارين وعزل التجار من المناصب ووضع قوانين صحيحه تمشي عليها الأجيال القادمة كما يجب على المواطن أن يعطي صوتة في الأنتخابات القادمة لمن يستحق بعيدا على الطائفية والمذهبية والعنصرية والقبلية ولا يبيع صوتة ويجب على الحكومة أن ترأف في المواطن ويجب على المواطن لا يحسد أخوة أو جارة أوصديقة فهناك أطراف تدريد أن تلهينا في هذا الموضوع الذي ينبع على الحسد لو نشاهد مسلسل التنديل نشاهد الحسد من قبل بعض التجار والطمع نصيحتي الى المسؤولين أتمنى يشاهدون مسرحية حامي الديار ويتعظون من الحكم التي طرحت في هذا المسرحية والله المستعان

 

[viva28]

حل لمشاكلكم بسيط جدا جدا

مد ريولك على قد لحافك

ليش تاخذون قروض وتحملون نفسكم ديون منتو قدها؟؟؟

والحمدالله اهل الكويت بنعمه حتى شوفو كلن يسافر بالصيف محد يقعد وما شاء الله حتى الاكتتاب شركة الاتصالات الثالثه فى وقت غلط بداية مدارس ورمضان ونهايه صيف ومغطينه 4 مرات وين العالم المعسره الله يهديكم بس.

 

[سعود الرشيدي]

يا أخ فيفا أنت بالله شلون متزوج وشلون بنيت شقتك وشلون شريت سيارتك ...........أسف والله نسيت الوالد موفرلك كل شي أسف والله أنت يشملك صندوق المعسرين صح أي ولد نعمه.صح

 

[w9k2]

أخوي سعود لا ترد على كل شخص وأتعب حالك

لا تنسى في ناس موجوده بينا ومحسوبة علينه ويدعون انهم كويتين

 

[coooool2]

حل لمشاكلكم بسيط جدا جدا

مد ريولك على قد لحافك

ليش تاخذون قروض وتحملون نفسكم ديون منتو قدها؟؟؟

والحمدالله اهل الكويت بنعمه حتى شوفو كلن يسافر بالصيف محد يقعد وما شاء الله حتى الاكتتاب شركة الاتصالات الثالثه فى وقت غلط بداية مدارس ورمضان ونهايه صيف ومغطينه 4 مرات وين العالم المعسره الله يهديكم بس.

سؤالك هذا خط احمر
كل المواطنين يتحملون الدين و اهما اتفقوا مع البنك على مثلا تثبيت القسط والفوايد 6 سنين يخلص القرض البنك ما احترم العقد قام يرفع القسط و الفوايد و رفع من 6 سنين الى 19 سنه ممكن تقولي ليش ؟ اللوم على البنوك مو المواطنين و طبعا تعرف ليش خالد الزامل صوت الحق البطل كسب القضيه..نفس الاسباب اللي ذكرته مع ان البنك ماله حق يرفع الفوايد اكثر من اصل القرض كما هو موضح لقانون التجاره الماده 111 و 115

و بالنسبه للاكتتاب ..تلقى غالبيه المواطنين باعوا البطاقات للتجار بثمن بخس بين 20 و 100 دينار شفت ليش يبيع بطاقته ب 100 ؟ و في ناس ضغطوا علة نفسهم وتسلفوا ..اخوي المفروض تساعد الناس مو تحسد على الناس ..

 

[viva28]

انا ما قلت شى غلط ولا يزعل احد
والحمدالله اهل الكويت بخير واذا انت حاس انك منت قادر تعيش من كثر الديون روح سجل بالمعسرين ليش مارحت ؟؟؟
صدقونى انا على ديون واقساط لكن ضد الى قاعد يصير بعض الناس قاعدته تاخذ قروض لاى شى حتى السفر تاخذه بالاقساط وبعدين تقعد تصيييييح طيحو القروووض ليش؟؟
انا شنو ذنبى لانى ماد ريولى على قد لحافى؟؟؟؟
والله لو نتخلص من بعض الكماليات والفخفخه الكذابه نصير بخير.