هديه للشامري

[waseem]

هديه لأخوي الشامري وان شاء الله ما نتفشل معاه .

أعلى سعر خلال العام .78
أقل سعر خلال العام 0.045
السعر الحالي 0.65

نقطة الشراء المقترحه 0.56 - .63
نقطة البيع 0.95-1.20

 

[waseem]

كالعادة نسينا الشارت

 

[waleedan]

الظاهر انك نسيت أسم السهم بعد

 

[waseem]

اسم السهم في الشارت يعني يبي للواحد يلبس نظارات ويفنجر عيونه عشان يشوفه مع هذا الشارت المسود

السهم BPWRF اسمه كأيب لكن ان شاء الله ربحه طيب .

 

[الشامري]

والله يا وسيم اللسان يعجز عن الشكر ........

ما ادري وشقولك .................اخجلتني

ما اقول الا الله يوفقك انشاء الله

اخوي وليدان ........ رمز السهم موجود على الشارت وانشاء الله نترزق منه انا وايك و وسيم وكل اخوانا اللي بالمنتدى

الاعضاء والزوار بعد

 

[meshal]

وســـــــيم حبيبي

مساك الله بالخير

اسهمك عجيبه مثلك عسى ربي يوفقك ومن وياك

بالتوفيق للجميع

 

[waseem]

أمين أنا وياك وجميع المسلمين أحوي الغالي .

-------------------------------------------------------------------

من يوم شفت سيم عرفت أنك مشعل حيالله القاطع وين الغيبة ياخي طل لنا شي طله .
----------------------------------------------------------------------------

أخواني ترى السهم يحلى كل ما كثر التحليل عليه واخذ وجهات النظر المختلفه وانا اعطيت وجهت نظري باقي رايكم .

 

[الشامري]

انا اذا تكلم استاذي ما اقدر اخالفه

بس عندي استفسار ........ انا ملا حظ ان مؤشر rsi للسهم مانزل عن 45 لقرابة الاربع شهور ............. هل لها معنى ؟؟؟؟؟؟؟

واذا كان لها معنى ما مدى تأثيرها على السهم ؟؟؟؟؟؟

 

[meshal]

هاهاهاهاهاهاهاهاها

الله يقطع بليسك

الرسالة الأصلية كتبت بواسطة waseem
أمين أنا وياك وجميع المسلمين أحوي الغالي .

بس هالمره انا صدت عليك وحده ( احوي )



---------------

بعد جبدي وسيم هذا من تواضعك والله تطلب التحليل من اخوانك وانت الي نتعلم منك !!


ولكن ابعطيك الي في جعبتي (حلوه في جعبتي )

------

السهم الحين عند نقطة دعم 0.65

وفي نقطه بعدها 0.62

واعنف نقطة دعم 0.60 سنت

وعتقد والله اعلم السهم قصده من النزول هذي النقطه 0.60

وفي نقطة مقاومه عند 70 سنت

وعسى ربي يوفقكم جميعاً

وان لقيت فرصه يشرفني اشاركم

 

[waseem]

يقطع بليسك أنا نقطه انت حرف بكبره شوف يافنان 65 تجاهلها كنقطة دعم لأن الدعم الفعلي 60 واللي اقوى منه 56 يعني السهم مساره الى60 او 56 وبعدها بمشئة الله نشوف الاتداد .

------------------------------------------------------------------------

اخوي العزيز الشامري بصراحه انا ما ناظر الا في النوادر لمؤشر RSI ولكن حركته اعطتني احترام اكبر للسهم .

 

[waleedan]

اخوي الوسيم انا لما حطيت السهم يقولي انه ماكو سهم بهالاسم
تعتقد انه الخطاء من وين بالضبط
وشنو الحل

وشكرا

 

[meshal]

وليد حتى انا مايطلع عندي بالستريمر


هذا من الاوسط لازم تدق عليهم قبل السوق يظيفونه لك

 

[waleedan]

مسير السهم ليوم الربعاء
open = 0.69
high = 0.69
low = 0.69
Net% = 1.47
خصوصا انه وصل لنقطة 0.73 ورجع نزل مره ثانيه
وشكرا
واتمنى انه نسمع راي اخواننا المحللين

 

[waseem]

الحمد لله السهم اخذ المسار المتوقع له ووصل الى الهدف المراد الشراء منه بتاريخ 25-Mar وحقق اليوم كسر للهاي السنوي وتبقى تحديد الهدف المحدد مسبقاً .

لتواجدي خارج السوق الأيام الماضية واحتمال اليومين القادمين لذا ابارك أولاً لكل من شرا بها السهم وان شاء الله تكون هدية بيضت الوجه مع اخوي الشامري وثانيا اتجاه السهم بإذن الله سيكون بعد ال .79 الى 0.85 واذا تم كسرها سيكون الاتجاه بإذن الله الى مابين 0.96-0.99 واذا تم كسر الدولار فإذن الله سيتحقق الهدف الأكبر 1.20

 

[meshal]

وسيم الحمدلله على سلامتك

بشرنا شلون عمتك انشاءالله الوضع طيب

 

[الشامري]

والله يا وسيم ان كل ما يجي منك طيب بالربح والخسارة

واجاركم الله على ما ابتلاكم به

 

[الشامري]

لله الحمد والمنه

تم الوصول للهدف الاول وتم كسر 0.85

والهدف الثاني بات قاب قوسين او ادنى


last 0.95

 

[الشامري]

ما مداني احط الرد الا وهي واصله الدولار

مبروووووووك

 

[waleedan]

اول شي طمنا على مريضكم عسالله شافاه انشالله


وثانيا


كفووووووو والله يا أستاذ وسيم
اي بالله انك قدها وقدود
فعلا قلت والي قلته صااار
ولا تنسى اخوانك بالهديه الجميله
وانشالله نقرى هديه جديده هالمره لمشعل نبي نشوف شلون صايره
وعسالله يرزقنا ويرزقك كل خير ان شاءلله
تحياتي اخوك وليدان

 

[waseem]

الحمد لله والف مبروك لكل من ربح في هذا السهم وتستاهل يالشامري الطيب .

اخوي مشعل واخوي وليدان ادعوا لها بالرحمه وان يتقبلها الله بقبول حسن ويسكنها فسيح جناته .