الملاغه في شهر رمضان شلون صايره .......؟

الموضوع في 'إستراحة المنتدى' بواسطة مراقب الاسهم, بتاريخ ‏12 سبتمبر 2008.

  1. مراقب الاسهم

    مراقب الاسهم عضو نشط

    التسجيل:
    ‏14 سبتمبر 2005
    المشاركات:
    870
    عدد الإعجابات:
    12
    السلام عليكم

    لاحظت كما لاحظ غيري في سلوكيات افراد و اشياء تحدث في شهر رمضان المبارك اتمنى تزول واو على الاقل تقنن حفاضا على هذه العباده اللتي تكرر كل 11شهر وما ان تنتهي الا ويتجدد الاشتياق لها

    ملاغه في رمضان
    توافد العوائل في قصر نايف لمشاهده مدفع الافطار والترزز والتلويج امام كامرات التلفزيون في حزه الافطار
    في مظهر ((مليق ويفشل)) واحد يكلم صاحبه بالنقال ويقول له (( حطه على قناه الكويت وشوفني انا صرت مشهور وكل الناس تطالعني )))====خلف الله على امك .
    والثاني يرز بنته او ولده او للكامرات ويتعذر فيهم بس عشان يطلع بالتلفزيون والجهال مساكين خايفين من صوت المدفع القوي في المغرب عسالله يستر عليهم والحمدلله اننا في رمضان وشياطين الجن مربطه والا اذا قدر الله بيندم على الساعه اللي حضر فيها

    والآخر يعلق على العسكري المسكين صايم ومداوم وثابت بحاله استعداد والكامرات عليه مايقدر يسوي شي اذكر كان اول يوم او يومين من رمضان عائله وحده او عائلتين ممكن مرو بالصدفه
    وجذبهم عامل الفضول لمشاهده المدفع اما الآن عدد كثير جدا من المواطنين المليقين واخاف في يوم نص الشعب الكويتي ((يترززون )) هناك خصوصا اذا كملها وزير مليق وصرح على الصفحات الاولى بالجرايد السماح للمواطنين الكرام بمشاهده مدفع الافطار ========= ّّيعني حكومه مسكته حريصه على الشعب ايه هين ناسين او متناسين اننا في رمضان شهر العابده والصوم
    وكما اوصانا الرسول صلى الله عليه وسلم باستعجال بالفطور وتاخير السحور

    ملاغه في رمضان
    قناه اخباريه سياسيه عريقه مثل العربيه تبث اعلان مجاني في وسط اخبار الذبح ولاغتيالات السياسيه والحروب والكرورب عن مسلسلات من انتاجها وتروج اشياء ليس لها علاقه بالسياسه والاخبار العاجله
    مثل ضجه واسعه السعوديه بسبب مسلسل عيال قريه اللذي يعرض على محطتها الفرعيه ام بي سي مشاجره بين قبيليتن بسبب
    المسلسل الفلاني او حالاا طلاق بسبب المسلسل التركي او هدوء يخيم على شوارع فلسطين بسبب مسلسل باب الحاره والاملق تعليق المذيعين والمذيعات على الخبر في محاوله لجذب المشاهدين لهذه المسلسلات وبالتالي جذب الشركات
    للدعايه والاعلان وبالتالي يعني ممكن نقول ((( حركات أرعه في الدعايه والاعلان في قناه اخباريه سياسيه كاااااان لها وزنها )))

    ملاغه في رمضان الفوازير التي تغيرت 180درجه عكس ماكان في السابق ايام زمان
    ((امثال وغطاوي)) سعاد عبدالله وعبد اله الحسين عبدالرضا اللتي كان لها هدف سامي في نشر الثقافه بين العامه عن طريق مسابقه رمضانيه اما فوازير الآن من الواضح انها هي الهدف وليست الوسيله لهدف في جذب مذيعات الاناقه والجمال وفنانات الاغراء بالاضافه جذب ازياء الدراريع والدعايه لهم
    وانا اتحدى اي قناه فضائيه كويتيه او عربيه انها تعمل في يوم فوازير لهيا شعيبي او بوهلال الدميره او شعبان عبدالرحيم

    ملاغه في رمضان
    الاسراف والتبذير والافراط في العاده الخليجيه القديمه (((القرقيعان)) في تاجير صالات الافراح وادخال تكنولوجيا الديجتال من كامرات ومطابع وتسخير هذه العاده(((لمداحر الحريم)) وتفريغها من محتواها والتحضير لها من اول يوم رمضان وكأنها عباده من عبادات الشهر والعياذ بالله ناسين او متناسين انها((هويه وتراث خليجي ))و فرحه للاطفال بيوم او يومين من رمضان




    ملاغه في رمضان
    لوحات التهاني والتبريكات في الشارع في اول الشهر وفي آخره من التهاني التي تثير ربكه مرورريه وتعيق الرؤيه وتسبب حوادث في بعض الاحيان
    والاملغ ان كلها هدفها انتخابي وان اغلبهم مافيه خير(((حتي لو يكون عضو مجلس امه او شخصيه مرموقه بالدوله )) لان لوفيه خير كان ديوانه دايم عامر بالمهنئين او هو دائما يزور ويواصل اهله وربعه واصدقائه
    ولايحتاج هذه اللوحات الان هذه اللوحات مخصصه للكسول اللي مافيه خير ويستحي يقابل الناس

    واكتفي بهذا القدر من الملاغه لخوفي ان اتفرع كثير اواكسب ذنب فيهم وانا صايم

    و الموضوع مفتوح لآرائكم ولاضافاتكم في اي مشاهد مليغه تحدث في رمضان

    والسلام عليكم ورحمه الله وبركاته
     
  2. باب عوود

    باب عوود عضو نشط

    التسجيل:
    ‏31 ديسمبر 2007
    المشاركات:
    3,570
    عدد الإعجابات:
    4
    مكان الإقامة:
    كيفان دار السعد
    يوم انها ملاقه شلك فيها يامراقب
    انت اكبر من جذي
    قواك الله
     
  3. zoya_y

    zoya_y عضو جديد

    التسجيل:
    ‏26 ديسمبر 2007
    المشاركات:
    9,261
    عدد الإعجابات:
    4
    مكان الإقامة:
    DREAM WORLD
    مممم انا الي بعرفه اهما وين راح يتفطرووون عقب ؟ :confused: كل ماشفتهم أسأل نفسي هالسؤال ؟
     
  4. مراقب الاسهم

    مراقب الاسهم عضو نشط

    التسجيل:
    ‏14 سبتمبر 2005
    المشاركات:
    870
    عدد الإعجابات:
    12
    هلا بالحبيب

    المشكله انها واااااااااقع قدامك وين ماتروح بالتلفزيزن بالشارع بالمجالس

    مايصير اعزل نفسي عن الناس بسبب هالملاقه بالعكس ادخل معاهم واحاول انقد وانتقد واحاول اعدل

    والهادي الله سبحانه
     
  5. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    نفس السؤال افكر فييه ..........
     
  6. مراقب الاسهم

    مراقب الاسهم عضو نشط

    التسجيل:
    ‏14 سبتمبر 2005
    المشاركات:
    870
    عدد الإعجابات:
    12
    هلا زويا
    خلينا نعمم ولا نخصص يكون افضل

    المشهد اللي اشوفه وانا انتظر الاذان و اقولب التمره وبفطر

    مليغ عاد ملنا شغل الناس الموجوده تفطر بعد وقبل ولا حتى

    موصايمين

    ونورتي الموضوع يا الغاليه
     
  7. مراقب الاسهم

    مراقب الاسهم عضو نشط

    التسجيل:
    ‏14 سبتمبر 2005
    المشاركات:
    870
    عدد الإعجابات:
    12
    ونفس الجواب يالغاليه


    الملاغه شكثرها بالموضوع :d اتمنى ماتركزون على مدفع الفطار بس

    بلاش نسبب ((انعره))

    وحياج الله يالغاليه
     
  8. maha_Q8

    maha_Q8 عضو نشط

    التسجيل:
    ‏19 يونيو 2008
    المشاركات:
    4,537
    عدد الإعجابات:
    4
    مكان الإقامة:
    الكويت.. ((جبــله ))
    ملاغه في رمضان
    الاسراف والتبذير والافراط في العاده الخليجيه القديمه (((القرقيعان)) في تاجير صالات الافراح وادخال تكنولوجيا الديجتال من كامرات ومطابع وتسخير هذه العاده(((لمداحر الحريم)) وتفريغها من محتواها والتحضير لها من اول يوم رمضان وكأنها عباده من عبادات الشهر والعياذ بالله ناسين او متناسين انها((هويه وتراث خليجي ))و فرحه للاطفال بيوم او يومين من رمضان

    في هذي اناااااااااا معاك قلب وقالبااااااااااااااااا
    وشكرا على الموضوع
     
  9. بوغمازات

    بوغمازات عضو نشط

    التسجيل:
    ‏15 مايو 2007
    المشاركات:
    2,416
    عدد الإعجابات:
    2
    اول شي .. اللي في قصر نايف هذول فقاره ويتفطرون في قصر نايف ,, ومن سنتين او ثلاث سنين وهذا الشي معروف ... وجبات افطار تتزوع علي الفقاره في قصر نايف ............... وثاني شي بخصوص القرقيعان .. صح هناك تبذير وبس ماتقدر تقول شي ... الناس عندها خير وفلوس وتبي اتسوي جذي ...وثالث شي . شي معروف وقت الاذان محد يعترف بالاشاره الحمره ولا حتي الزرقه ... واللي يبط جبدي يروح الشخص يتمشي قبل الاذان .. ووقت الاذان طاير ومسيوي زحمه يبي يلحق يرجع .. يا اخي انثبر في بيتكم لما يؤذن ... وسلامتكم
     
  10. المعوشرجي79

    المعوشرجي79 عضو جديد

    التسجيل:
    ‏8 ابريل 2005
    المشاركات:
    1,759
    عدد الإعجابات:
    0
    مكان الإقامة:
    الكويت
    احسنت
    وكلامك عين العقل


    اسمحلي انتقد موضوعك اخوي مراقب الاسهم انت تركت امور المفروض ما نقول عنها (((((((((((((( ملاغة ))))))))))))) المفروض نقول عنها اخطاء تقع في شهر رمضان المبارك ويجب تلافيها

    عادة الحضور امام مدفع الافطار لايوجد بها عيب ولا حتى ((((((((((((((((( ملاغة )))))))))))))))))))) على قولتك بالعكس هذه عادة قديمة معروفة منذ زمن بعيد تقدر تشوف براءة الاطفال والتجمع الحلو وبالنسبة للافطار هناك كما سمعت ومثل ما ذكر اخوي بوغمازات موائد متوفرة سواء من المشروبات او المأكولات ( ديرتنا كلها خير ان شاء الله ) لذلك يمكن هذا رايك انت بس ولكن رأي الاغلبية حضور حلو ووناسة حق العوايل والصغارية والكبار في السن لذلك ما يجوز نسيمه ترزز بالعكس شغلة حلوة وعادة اجمل وان شاء الله تستمر ، ( ولا اختلف معاك في باقي الاخطاء او على قولتك (((((((((((((((( الملاغة )))))))))))))))) الي انت ذكرتهم وشكرا لك على الموضوع ;)
     
  11. al7bebe

    al7bebe عضو نشط

    التسجيل:
    ‏24 مارس 2005
    المشاركات:
    10,052
    عدد الإعجابات:
    941
    ---------
    لاوالله ملاغه وعيب وفضيحه امام العالم
    ادري انها عادة قديمه وسبب العادة كانت عدم توافر وسائل الاعلام
    الان ولك الحمد والشكر المساجد في كل مكان والتلفاز في كل بيت
    اكوا ناس الحين ماتفطر الا على مدفع شنو المصخره والبدع :)
     
  12. man.vip

    man.vip عضو نشط

    التسجيل:
    ‏9 ابريل 2008
    المشاركات:
    2,135
    عدد الإعجابات:
    0
    مكان الإقامة:
    الكويت


    اي نفس السؤال؟؟:confused:
     
  13. man.vip

    man.vip عضو نشط

    التسجيل:
    ‏9 ابريل 2008
    المشاركات:
    2,135
    عدد الإعجابات:
    0
    مكان الإقامة:
    الكويت
    الحضور والتواجد عند مدفع الافطار ماله داعي والواحد يقعد ببيته ويه اهله ابركله ,,,
     
  14. بوالعيس بيك

    بوالعيس بيك عضو مميز

    التسجيل:
    ‏29 يوليو 2008
    المشاركات:
    6,310
    عدد الإعجابات:
    831
    مكان الإقامة:
    الدعيه
    السلام عليكم

    كله يهون بس تبذير واسراف الحريم بالقرقيعان ليش مادري؟
     
  15. man.vip

    man.vip عضو نشط

    التسجيل:
    ‏9 ابريل 2008
    المشاركات:
    2,135
    عدد الإعجابات:
    0
    مكان الإقامة:
    الكويت


    اي والله صدقت ,,,

    فعلا اسراف وتبذير ,,

    ياحلو ذيك الايام لما كنا نطلع للقرقيعان بكل بساطه وبدون تكليف ونظحك ونستانس والبيت الي نروحله نلقي اهله ناطرينا جنهم ينطرون واحد من اهلهم راد من السفر ياسبحان الله,,

    ومن الطرائف الي اشوفها في هذي الايام ان كل واحد وياه خدامته واهي الي تطق الباب واهي الي تشيل القرقيعان,,

    ليش رايح يقرقع ما ادري اشتروله من السوق وخلاص ما ادري وين الوناسه فيها....
     
  16. مهم للغاية

    مهم للغاية عضو نشط

    التسجيل:
    ‏12 يوليو 2008
    المشاركات:
    594
    عدد الإعجابات:
    2
    مكان الإقامة:
    الكويت
    جبتها على الجرح يا كاتب الموضوع

    وكأنك تعلم ما يدور في ذهني
     
  17. nestla

    nestla عضو نشط

    التسجيل:
    ‏20 ديسمبر 2007
    المشاركات:
    1,618
    عدد الإعجابات:
    0
    بالنسبه للفوازير والقرقيعان هذا كله بسبب المبالغه و الاهتمام بالمظاهر ..
     
  18. مراقب الاسهم

    مراقب الاسهم عضو نشط

    التسجيل:
    ‏14 سبتمبر 2005
    المشاركات:
    870
    عدد الإعجابات:
    12
    نظرااا لكثره الملاقااااااااااااات في شهر رمضاااام وبعد مرور عام على موضوع


    يرفع من جديد لعل وعسي انتقادنا يوصل مبتغااااااه
     
  19. العاشق

    العاشق عضو مميز

    التسجيل:
    ‏18 يناير 2009
    المشاركات:
    14,324
    عدد الإعجابات:
    557
    مكان الإقامة:
    هنا
    كلامك من ذهب
     
  20. مراقب الاسهم

    مراقب الاسهم عضو نشط

    التسجيل:
    ‏14 سبتمبر 2005
    المشاركات:
    870
    عدد الإعجابات:
    12

    الله يسلمك يالحبيبنا الغالي

    هذا مايدور بذهن ااغلب الناس

    لكن هل وزاره الاعلام تعتبر لملاقتها


    القرقيعان آخ الله يرحم ايام قبل
    خريطه والا اذا مافي كيس جمعيه ويوم او يومين انتهى القرقيعان

    اما الحين او 12يوم من الشهر تجهيز للقرقيعان واخر 12يوم من الشهر السوالف كلها قرقيعان

    والله انت الذهب ووجود تعليقك بالموضوع الماس
    ذهب ويكتب الماس عجيب :d