لـــــغــــــــــــــــــــــــز 2 ((( حصري هنا فقط )))

[MOHAMMED11]

.
السلام عليكم

لغز جديد ان شاء الله يعجبكم
واكرر التنويه اللغز حصري هنا فقط
يعني لاتتعب نفسك بقوقل ..




بنشدك عن رجل(ن) سكن كل موطن
لا له حبايب ،، لا ولا اهل ،،، وخلاّن


عابر سبيل وكل ( فتره بــِ مسكن )
يلفيك( شبعان) ،، ويفارقك ( جوعان )



اللغز من تأليف اخوكم محمد

 

[قلم حر]

الحل / الفايروس

مشاركه عشان بسلم عليك يا بو جاسم

 

[yoyo1983]

يمكن الجواب شهر رمضان

 

[فهرنهايت]

شلونك بوجاسم

تقبل الله طاعتك

أتوقع والله أعلم

تنكر الماي​

 

[MOHAMMED11]

الحل / الفايروس

مشاركه عشان بسلم عليك يا بو جاسم

ياهلا وغلا ابو عبد الله
الله يسلمك من كل شر طال عمرك

انت كلك صح ، لاكن الكيبورد اخطأ ^_^
شاكر لك محاولتك

يمكن الجواب شهر رمضان

شهر رمضان شهر الخير اعاده الله علينا وعليك بكل خير
بس شهر رمضان مايجي شبعان ويروح جوعان
يجي بالخير ويروح بالخير
لاكن محاوله جيده

الف شكر

شلونك بوجاسم

تقبل الله طاعتك

أتوقع والله أعلم

تنكر الماي​

ياهلا وغلا ولله بالحبيب
منا ومنك صالح الاعمال


نفس جوابى على ابو عبد الله ^_^
الف شكر على المحاوله

 

[فهرنهايت]

أجل والله أعلم

قنينة الغاز​

 

[MOHAMMED11]

أجل والله أعلم

قنينة الغاز​

ياسلام عليك فهرنهايت
جبتها ولله اهو بالفعل سلندر الغاز








ونوضح اللغز


بنشدك عن رجل(ن) سكن كل موطن
لا له حبايب ،، لا ولا اهل ،،، وخلاّن

سلندر الغاز موجود بكل بلد تقريبا
لاكن مايتم عند احد مده طويله
عشان جذي اقول ماله حبايب واهل وخلان
لان بسرعه تغيره
والشطر الجاي يوضح المعنى




عابر سبيل وكل ( فتره بــِ مسكن )

بمعنى اهو حدّه كم يوم وبعدين يروح ويغير المسكن
لان اكيد راح يخلص فيه الغاز وتظطر انك تبدله
واهو يتعبى من جديد ويروح بيت ثاني



يلفيك( شبعان) ،، ويفارقك ( جوعان )

يجيك متروس ويروح فاضي



شكر للجميع
وتحية خاصه لخوي فهرنهايت على اجابة الصحيحة

 

[فهرنهايت]

حياك الله أخوي بوجاسم

بصراحه بعد لغزك الأول (( الفلتر ))

صرت أركز على الأجهزه والمعدات

بارك الله فيك ​

 

[abo othman]

الله يعطيك العافيه لغز حلو​

 

[MOHAMMED11]

حياك الله أخوي بوجاسم

بصراحه بعد لغزك الأول (( الفلتر ))

صرت أركز على الأجهزه والمعدات:d

بارك الله فيك ​

:d

وفيك بارك يالغالي
اجل ببعد عن الاجهزه ،يمكن اروح للخضروات :d

 

[MOHAMMED11]

الله يعطيك العافيه لغز حلو​

الله يعافيك ابو عثمان

حياك يالغالي