+_+_+_+ قصيده اعجبتني +_+_+_+

[بوغمازات]

قصيده اعجبتني:

يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها ياحبيبي توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي

3.
طالعتها ثـم قلـت هالقلـب يبغيـك
ومن شاف حسنك خلى غيرك يولـي

4.
ابغي اشوفـك دون مكيـاج يكسيـك
وابغـي اشوفـك بالجمـال المحلـي

5.
قالت تبينـي افـرك الوجـه تفريـك
واشيل هالبـودر وروجـي وكحلـي

6.
قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الخد كنه ياحياتي سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

ونصيحتي لكل شاب من غير تشكيك
لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي

 

[zoya_y]

لا لا بس المكياااااااااااااج مايخلي الي ويها شوارع حولي
يتسنع صدقني
شنووووووووووو
المكياااااااااج مايرمم المكياج يلووووووووووون فقط

 

[abo othman]

ههههههههههههههههههههه

حلوه​

 

[الشاطر]

لا لا بس المكياااااااااااااج مايخلي الي ويها شوارع حولي
يتسنع صدقني
شنووووووووووو
المكياااااااااج مايرمم المكياج يلووووووووووون فقط

مشكلتنا بعد التلوين مانقدر نميز شوارع حولى

 

[jarrah_aam]

الوجه يصير كرنفال... خوش قصيدة

 

[بترولي نشط]

قصيده حلوه

مشكور.......

 

[بوناصر العجيل]

الخد كنه ياحياتي سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

هههههههه
تسلم

طبعا 80% تنطبق عليهم هل قصيده

 

[yoyo1983]

شكرا

 

[sms 74]

مشكور على هالقصيدة وياليت الشباب يعتبرون ,,, والله ماكو احسن من الطبيعه والجمال الطبيعي المشكلة الحين كل الحريم ان بغى كبار ولا صغار طايحين له مكياج وتصبغ بهالوجه ,,, وبصراحه انا كرجل ما تعجبني اللي تلطخ المكياج تلطخ ومو بس انا غالبية الرجال

 

[ارحبو]

ههههههههههههههه المشكللة ماعادت مكيــــاج

عمليـــــات التجميل ماقصرت

 

[بوغمازات]

مشكورين جميعا للتعليق والله يكافيننا شر عمليات التجميل