ايهما افضل للاستثمار بليز اهل السوق الكويتي

[ابوراشد]

السلام عليكم ورحمة الله وبركاته

شباب انا ابي اقترح عليكم ثلالث اقتراحات وارجو ان تفيدونى فيهن ادا تكرمتم

ايهما افضل للاستثمار

1: الاكتتاب فى شركة الاوسط العقاريه

2: شراء عدد 2 وحدة فى شركة المخازن كم سعر الوحدة لو سمحتم

3: الانتضار حتى يكتتبون فى البنك الاسلامى وبعدين اشترى اسهمه من برة السوق لو حتى يصير سعر السهم ربع مثلن 300 فلس


ارجو ان لاتحرمونا من توصايتكم وارائكم

 

[الريان]

وعليكم السلام ورحمة الله وبركاته

هلا ابو راشد


ابو راشد الظاهر السوق الامركي اثر عليك حيل عشان جذي جاي للكويتي على العموم الحال من بعضها بالنسبه للسوقين وهذا مايبشر بمصدافية السوق الكويتي ان شاء الله

ولو كان هناك ايدي اصبحت الان غير خفيه


بالنسبه للاستثمار انا اتبرع بالاجابه وحاضر بس هناك استفسار عن مدة الاستثمار

لان اذا حددة المده التقريبه استطيع ان احدد لك سهم لما تريد بالنسبه للبنك الاسلامي جيد للاستثمار المدا الطويل اكثر من 15 سنه

ثانيا اذا كان الاستثمار اسغلال الفتره الحاليه فترة الانتعاش الاقتصادي فهذه الحاله عليك باسهم الصناعات والخدامات

اما اذا كنت تريد استمار صحيح صريح جيد متزن عليم باسهم الاتصالات الوطنيه والمتنقله اذا نالت مشروعين السعوديه وعمان

وللكلام بقيه بس ارجو تحديد فترة الاستثمار

 

[قلنا لكم]

اخي العزيز

الاستثمار انواع
استثمار طويل الاجل ومتوسط وقصير
المتوسط تقريبا افضل شي
وطبعا تكون متابع للسوق جيدا يعني مع كل اعلانات الارباح للارباع
تسيل محفتك بعد الاعلان بكم يوم
وتنتظر لك مده وتدخل مره اخرى
وهكذا الى ان تكون اجتزت الاربع ارباع

 

[ساره]

 

[ابوراشد]

مشكورين يا اخوان على الردود اما الاستثمار من 6 شهور الى سنة تقريبا

 

[طويل البال]

السلا عليكم ,

أولا : هذه صفحة بورصة الكويت وفيها الأسعار:

http://www.kuwaitse.com/sunkse/Market/sunquotesA.aspx


ثانيا : هذا الجدول يبين قيمة كل وحده.

وحدات السعر والكمية

الوحدة مقياس الي فلس من فلس

80000 0.5 50 1
40000 1 100 51
20000 2 250 101
10000 5 500 251
5000 10 1000 501
2500 20 2500 1001
1000 50 5000 2501
500 100 10000 5001


ثالثا : الاستثمار السليم هو التنويع أي تعتبر نفسك محفظه صغيره.

مثال:

1 ) اكتتاب في بنك بوبيان الاسلامي باسمك و اسم الاقارب الدرجة الأولى فقط .

2 ) شراء وحده من أسهم الخدمات ويفضل المخازن , الرابطة , اتصالات , .......

3 ) الأحتفاظ بمبلغ من المال وقت التصحيحات , لشراء وحده مضمونة و بسعر ممتاز .

أخيرا : حياك الله في سوق الكويت وبين أهلك وأصحابك , وانشاءالله يكون كلامنا خفيف و معقول .

لا تنسى , طول بالك

 

[نور الكويت]

عندي الحل

عندي حل وايد حلو

لا سوق الكويتي ولا السوق الامريكي ولا غيره احلى سوق سوق الدراريع اعرف وحده اسمها ام علي مع ريلها بو علي عندهم محل دراريع بسوق الحريم ويهبل ويطلع فلوس وايد وعندهم دراريع هنديه وتايلانديه وسوريه ومصريه وتشكيلات زينه وعليها طلب

فهذا احلى استثمار ومضمون


بااااي

 

[rashed10]

انا مع نور الكويت و اعتقد اانها نست الديرم


يا بو راشد جعلك وجه خير على السوق الكويتي و و على العموم
في فرص في السوق الكويتي افضل من المخازن و اسرع

السفن 400 او اقل عندها عقود والشركة قوية
المصالح العقاريه 480
عقارات كويت 400 او اقل
المشاريع سعرها زين الحين 236 او اقل

تصبر عليهم شهر و انشاء الله +10%

 

[طويل البال]

" نور الكويت " فكرة الدراريع حلوه بس قديمه .

الحين ممكن تشترين أحلى الدراريع ب10 و 13 دينار من سوق العربيد في الفروانيه. غير المشاغل الخاصه اللى تارسه الكويت, عطي الخباز خبزته , ما أعتقد صاحبنا خياط باكستاني ولا ما كان موجود بيناتنا يسأل عن الأسهم.

مو معناته أنا ما أستثمر الا بالأسهم , لابد أن يكون مفهوم لي وعائده ممتاز .

وانشاءالله مانكون شديدين في الرد ....طاب مساؤوك

 

[123456]

Re: عندي الحل

الرسالة الأصلية كتبت بواسطة نور الكويت
عندي حل وايد حلو

لا سوق الكويتي ولا السوق الامريكي ولا غيره احلى سوق سوق الدراريع اعرف وحده اسمها ام علي مع ريلها بو علي عندهم محل دراريع بسوق الحريم ويهبل ويطلع فلوس وايد وعندهم دراريع هنديه وتايلانديه وسوريه ومصريه وتشكيلات زينه وعليها طلب

فهذا احلى استثمار ومضمون


بااااي

نور الكويت خخخخخخ انزين وانتى ليش ماتصيدين الحركه وتنافسين بوعلى وام على وتفتحين لج بسطه بسوق اليمعه تبيعين دراعات مغربيه وتنافسينهم واذا تبين شريك بس أشرى وشوفى ترى ربعنا يقولو يبون يطلعون من السوق صبرهم فلت منهم وهذى فرصه للمشاركه ببسطة نور للدرراريع المغربيه والبنغلاديشيه للى ماعنده صبر ( كل يوم يقول اليوم تتغير الاحوال) خخخخخخ