بطارية للقلب

[kinghamad]

السلام عليكم ..

ممكن احد يفيدني عن بطارية القلب واشلون طريقة تركيبها ومنو الدكتور اللي بالكويت تنصحوني فيه و يسويها ؟

وهل تحتاج مستشفى الامراض الصدريه وهل هي مكلفه ولا مجانيه في المستشفى الصدري ؟

اي احد عنده معلومات يفيدني عسى الله يبعد عنكم الامراض ومشكورين .

 

[(فزاع)]

سامحني يا اخوي ما عندي اي معلومه افيدك فيها ..
بس عندي دعاء من كل قلبي ان الله يشافي مريضكم .. بهالشهر الفضيل ..
وهذا اللي املكه والله ..

تقبل مروري ..

 

[kinghamad]

سامحني يا اخوي ما عندي اي معلومه افيدك فيها ..
بس عندي دعاء من كل قلبي ان الله يشافي مريضكم .. بهالشهر الفضيل ..
وهذا اللي املكه والله ..

تقبل مروري ..

الله يجزيك خير الجزاء ولا يريك مكروه بعزيز آمين يارب

 

[الأرستقراطي]

الله يشفي كل مريض ،،، وممكن تفاصيل أكثر عن الحالة ،،،

 

[kinghamad]

الله يشفي كل مريض ،،، وممكن تفاصيل أكثر عن الحالة ،،،

الله يرحم والديك ... والله الحاله اللي يسلمك عندي الوالده دايما يتكرر معاها ضيقه بالصدر والسبب طبعا تكون ماي على الرئه وذلك بسبب ضعف عضلة القلب حسب تشخيص الاطباء ناهيك عن السكر وبلاويه فالدكتور قال اذا تكرر وجود الماي يفضل وضع بطاريه علشان اتحل محل العضله حسب ما فهمت وبالتالي اعتقد يكون حل لمشكلة تكون الماء بالرئه وسلامتك وتعيش .. ودعواتك لوالدتي الله يحفظها بالصحه والعافيه .

الرجاء الافاده وشكرا ،،،

 

[راشد (بو نواف)]

الله يشفيها

ويشفي كل مسلم

 

[الأرستقراطي]

الله يرحم والديك ... والله الحاله اللي يسلمك عندي الوالده دايما يتكرر معاها ضيقه بالصدر والسبب طبعا تكون ماي على الرئه وذلك بسبب ضعف عضلة القلب حسب تشخيص الاطباء ناهيك عن السكر وبلاويه فالدكتور قال اذا تكرر وجود الماي يفضل وضع بطاريه علشان اتحل محل العضله حسب ما فهمت وبالتالي اعتقد يكون حل لمشكلة تكون الماء بالرئه وسلامتك وتعيش .. ودعواتك لوالدتي الله يحفظها بالصحه والعافيه .

الرجاء الافاده وشكرا ،،،

الله يحفظ والدتك من كل شر يا خوي ،،، وأمانة اذا السالفة يبيلها أي مساعدة تبلغني آنا وأخوانك بالمنتدى ،،، ان شاء الله راح تلقاني و أخوانك الاعضاء بالخدمة ،،، هذي فرصة لفعل الخير بشهر الخير ،،، ولو سمحت يكون عالعام علشان الكل يشارك ،،، تقبل تحياتي و بوس لي راس الوالدة ،،، أخوك بوخالد ،،،​

 

[بوالعيس بيك]

السلام عليكم

الله يشافي والدتك امين وكل مسلم مريض..

كفويالأرستقراطي(بوخالد)عجبني موقفك الله يبارك فيك

 

[نيويورك]

الله يشافي والدتك و يعطيها الصحه و العافيه ..
اللي اعرفه ان العلاج بالمستشفى الصدري مجاني ..
و فيه بعض الاجهزه ممكن تحتاج انتظار .. و بعضها فوري على حسب الحاله ..
و ناس وايد ركبت بطاريه مجانا ..

هذا اللي اعرفه و الله اعلم ..