التاريخ يعيد نفسه والغلبه دايما بربح

[kpc]

احب ان اقول ان الصبر مفتاح الفرج ..
واذكر الاخوان الخسرانين ان اللي مسك اسهمه خلال نزول عام 97 ... وكذلك اللي مسك اسهمه خلال نزول 2006 نشوفه الحين ربحان او بيت النازل فك الفك ..
كان ممكن الهروب من بداية النزول اما الان انا انصح بالصبر لان الصراحة الحين كلش مو اسعار بيع ..
طبعا هذي النصائح للي شاري كاش اما صاحب الآجل الله يعينه ...
والمعلومات اللي عندي ان من اهم اسباب النزول هو طبعا اكتتاب زين ... وعموما هانت وقرب الاكتتاب يخلص...
ومن قاعد يسمع الخين ان الخرافي قاعد يبيع .. هذي المعلومة صحيحة والسبب هو لدعم شركة زين ...
وبالنسبة لاكتتاب الصناعات ما اعتقد ان في احد عاقل ممكن يكتتب فيه بناء على هذي الاسعار ...
وراح تسمعون خلال الايام المقبلة اشاعة عن اسباب النزول وهي ان هناك ضربة عسكرية محتملة الى ايران ..
وهذي الاشاعة طبعا خرطي بخرطي ...

عموما الله يعين الجميع ... وخل اروح اصلي

 

[بـوغـانـم]

اللة يتقبل منك بس ناقضت نفسك اللة يهداك تقول المعلومه اللى عندى من اسباب النزول اكتتاب زين
وترد اتناقض هالمعلومه ان هناك اشاعه عن ضرب ايران طيب ليش مايكون العكس مثلا

 

[محمد النصافي]

الله يكفينا شر ايران وشر الحرب
صحيح ماتضيق الا تفرج"
عندي سهم المدينه شاريه ب395 ونزل لـ360 وبغيت ابيعه " وقالي واحد من الربع في نزول قوي لسوق بيع واسلم على اللي باقيلك .. فغررت ابيع .. ويوم شفته 370 قلت خلني اعرضه بال380 والله يعوض
وماتعدى ال370

واليوم شوف المدينه ب290 عرض حد ادنى

فالمقصود من هالسالفه .. مايصيبك الا نصيبك .. والواحد ماله عن المقسوم
وهذي ارزاق قاسمها الله
ومن صبر قدر
والصبر زين " والله يفرجها على اهل الاجل " اكثر ما احزني هم الله يعينهم .. ولا الكاش لا يضيق محد طالبه واذا خسر من ضيق صدره ونفسه
والله المستعان

 

[kpc]

اللة يتقبل منك بس ناقضت نفسك اللة يهداك تقول المعلومه اللى عندى من اسباب النزول اكتتاب زين
وترد اتناقض هالمعلومه ان هناك اشاعه عن ضرب ايران طيب ليش مايكون العكس مثلا

اخوي بو غانم منا منك ...

انا ما اكدت الاشاعة .. بالعكس انا قلت انكم راح تسمعونها يمكن خلال اليومين وقلت انها خرطي في خرطي وارجو الحذر منها

 

[فرصة]

الهدف11600 على المدى القصير

 

[ورق خسران]

الهدف11600 على المدى القصير

انا اتوقع ما ينزل عن 12500-12600 اكثر من جذي مو خروووج هروووب والله كريم ليش انا قلت جذي لان نهاية التصحيح اللي فات السوق خله فجوه من 12600-12650 وعشان جذي هذه توقعاتي والباقي على الله