طلبت من الوسيط بيع 10000 سهم والحبيب بايعلي 1000 شالحل!

[fah00d]

السلام عليكم ..

بصراحه أول مره أبيع بسوق الكسور ..

وطلبت من الوسيط ان يبيع كمية 10000 من سهم مبرد بسعر 222

جيكت السايت من شوي ولا الحبيب بايعلي 1000 بس !

الحين عندي 9000 وين أصرفهم !! في أحد يشتري 9000 ولا صعبه لاني بصراحه أول مره أدخل سوق الكسور

حسبي الله ونعم الوكيل

 

[ابو سالم]

سهالات ليش ماتنباع بعض المرات سوق الكسور سعرة أعلى من الرسمي

 

[دولار$]

السلام عليكم ..

بصراحه أول مره أبيع بسوق الكسور ..

وطلبت من الوسيط ان يبيع كمية 10000 من سهم مبرد بسعر 222

جيكت السايت من شوي ولا الحبيب بايعلي 1000 بس !

الحين عندي 9000 وين أصرفهم !! في أحد يشتري 9000 ولا صعبه لاني بصراحه أول مره أدخل سوق الكسور

حسبي الله ونعم الوكيل

تقدر تبيع 80 ألف بالرسمي وال 10 الاف بالكسور ​

 

[ابو سالم]

تقدر تبيع 80 ألف بالرسمي وال 10 الاف بالكسور ​

يقولك عندة 10000 يعني أهو بلأساس عندة كسر

 

[اعلامي]

رب ضارة ناقعه

انت اليوم زعلان من الوسيط لأنه ما نفذ امرك وباع لك فقط 1000 سهم من اسهم مبرد ... لكن ان شاءالله باكر مع ارتداد السوق وارتفاع الاسهم ومن ضمنها اسهم مبرد راح تشكر الوسيط انه ما نفذ الامر مثل ما تبي .... ويمكن تلومه لانه باع 1000 سهم من اسهم مبرد

 

[fah00d]

شكرا جميعا على سرعة الرد

وانشاء الله تكون خيره مثل ماقال اخوي اعلامي

 

[aboazoz77]

السلام عليكم ..

بصراحه أول مره أبيع بسوق الكسور ..

وطلبت من الوسيط ان يبيع كمية 10000 من سهم مبرد بسعر 222

جيكت السايت من شوي ولا الحبيب بايعلي 1000 بس !

الحين عندي 9000 وين أصرفهم !! في أحد يشتري 9000 ولا صعبه لاني بصراحه أول مره أدخل سوق الكسور

حسبي الله ونعم الوكيل

اخوى اولا نتمنى ان يكون لك بالامر خيره وان سعره يصعد باجر مع اخضرار المؤشر ان صدقت الهيئه والتوقعات
ثانيا انت تقصد بالوسيط اللى هو الدلال انت متصل عالمكتب وعطيته امر بيع اذا جوابك نعم تقدر تقدم شكوى عند مسؤول هالدلال وتاخذ فلوسك من المكتب لان فى تسجيل للمكالمه يثبت حقك هذا والله اعلم وحسب ما افهم

 

[fah00d]

اخوى اولا نتمنى ان يكون لك بالامر خيره وان سعره يصعد باجر مع اخضرار المؤشر ان صدقت الهيئه والتوقعات
ثانيا انت تقصد بالوسيط اللى هو الدلال انت متصل عالمكتب وعطيته امر بيع اذا جوابك نعم تقدر تقدم شكوى عند مسؤول هالدلال وتاخذ فلوسك من المكتب لان فى تسجيل للمكالمه يثبت حقك هذا والله اعلم وحسب ما افهم

نعم انا أقصد شركة كفيك للوساطه الماليه ( الأهليه سابقا ) لأن خدمة سوق الكسور لاتعمل بموقعهم فاضطريت للاتصال

وانشاء الله أحل الموضوع معاهم سواء ببيع ال 9000 أو بالتفاهم بخصوص المكالمه وشاكرلك

 

[ابو سالم]

اخوى اولا نتمنى ان يكون لك بالامر خيره وان سعره يصعد باجر مع اخضرار المؤشر ان صدقت الهيئه والتوقعات
ثانيا انت تقصد بالوسيط اللى هو الدلال انت متصل عالمكتب وعطيته امر بيع اذا جوابك نعم تقدر تقدم شكوى عند مسؤول هالدلال وتاخذ فلوسك من المكتب لان فى تسجيل للمكالمه يثبت حقك هذا والله اعلم وحسب ما افهم

ترى الدلال بشر ياخوك ونسى يحط صفر زيادة وعلى فكرة كفيك من أفضل مواقع التداول لسرعتها في تقديم الطلبات وخدماتهم مجانية ولاتخسرهم علشان شغلة ماتسوى

 

[aboazoz77]

نعم انا أقصد شركة كفيك للوساطه الماليه ( الأهليه سابقا ) لأن خدمة سوق الكسور لاتعمل بموقعهم فاضطريت للاتصال

وانشاء الله أحل الموضوع معاهم سواء ببيع ال 9000 أو بالتفاهم بخصوص المكالمه وشاكرلك

حبيبى حقك اجل محفوظ وغصبن عليهم ماهو طيب وانت الحين عندك احتمالين:
1-ممكن ينزل السهم باجر هنيه تروح تقدم شكوى عليهم وفلوسك تاخذهم بشيك وانت حاط رجل على رجل
2-ان طار السوق وسهمك ارتفع خير وبركه انها ما تمت الصفقه وتبيع بمربح وتنتهى القصه اللى ازعجتك واحرقت اعصابك
موفق

 

[aboazoz77]

ترى الدلال بشر ياخوك ونسى يحط صفر زيادة وعلى فكرة كفيك من أفضل مواقع التداول لسرعتها في تقديم الطلبات وخدماتهم مجانية ولاتخسرهم علشان شغلة ماتسوى

اخوى انت شايفنى قايل ان الدلال مو بشر بمشاركتى؟
وبعدين اليوم نسى صفر بو عشر آلاف بالله معطيه امر بيع مليون سهم ويبيع له الف سهم او 100 الف سهم تهقى شبيصير فيه الدلال ليمتى الواحد ما يتقن عمله وبصراحه اللى مو قد المسؤوليه هذى لا يتوظف هالوظيفه لانها بصراحه مكلفه وعوار راس وغلطتك تقطك ورى الشمس بصراحه الله يعين الدلالين:d

 

[دولار$]

يقولك عندة 10000 يعني أهو بلأساس عندة كسر

كلامك صحيح اخوي بوسالم
أنا الغلطان
كنت متوقع يقول 100 ألف سهم

 

[Doc30]

اخوى انت شايفنى قايل ان الدلال مو بشر بمشاركتى؟
وبعدين اليوم نسى صفر بو عشر آلاف بالله معطيه امر بيع مليون سهم ويبيع له الف سهم او 100 الف سهم تهقى شبيصير فيه الدلال ليمتى الواحد ما يتقن عمله وبصراحه اللى مو قد المسؤوليه هذى لا يتوظف هالوظيفه لانها بصراحه مكلفه وعوار راس وغلطتك تقطك ورى الشمس بصراحه الله يعين الدلالين:d

رفيج صاحبي مضارب عووووود. اسمه وايد ينذكر بالمنتدى

مره من المرات قال حق الدلال (طبعا خاص له بروحه) بيع السهم الفلاني . قام بو الشباب باع سهم ثاني . خساره 10 الاف دينار . شركه الوساطه قالو مو مشكله . احنا نتحمل النص والدلال النص . انت يا متداول مالك ذنب .

5 دقايق دق الدلال المسكين يترجاه ...يقول والله ما عندي 5000 دينار .

المضارب الي كلكم تعرفونه قال خلاص .انا ادفعها .

طبعا ال 5000 طلع اضعافها على ظهورنا

صج شغلة الدلاله مسؤوليه مثل شغلة التيلر بالبنك

 

[منقاش]

دخلك يعنى شنو تيلر ؟ ولة علاقة بالبيلر

 

[Doc30]

دخلك يعنى شنو تيلر ؟ ولة علاقة بالبيلر

التيلر وين والبيلر وين ...

خوتي ماتعرف انقلش انتا..

التيلر هذا الي ياخذ ويعطيك فلوس بالبنك ....مو المكينه .. الموظف

 

[kuwait25]

اعتقد الافضل انه الواحد مايقول بالرسمي عدد الاسهم

الافضل يقول الوحدات يعني مثلا ابي ابيع عشر وحدات احسن من الخربطة بدل من الاصفار الكبيره