؟؟!!؟؟!! شرايكم بتداول اليوم ؟؟!!؟؟!!

[kuwaitey]

ما تقدر تقول لنا شنو اللي عليها تجميع

وشنو اللي عليها تصريف

عشان يستفيد منها الجميع

وجزاك الله خير

ان شاء الله يونكس مايقصر مع احد من الاخوان

 

[(طموح وقنوع)]

فيه شي من التجميع وفيه جرعة ثقة ولا يخلو من بعض التصريف
بس تصريف حقيقي ما اعتقد لانهم باختصار لو بيصرفون موبيوم واحد
يمكن يصرفون بتصعيد السوق لفترة معينة ربما تمتد لاسابيع
اما بهالسرعة راح يكشفون المخطط ويعدمون الثقة اكثر من ماهي معدومة!!​

 

[المستشار الصغير]

إلي صار اليوم طيب بس لو يستمر التداول بالقيمة نفسها لي آخر الأسبوع ف إن شاء الله السوق راح يشوف النور الأسبوع القادم أما اذا التداول بالأيام القادمة قل عن اليوم فالسوق راح يستمر بالنزول
والله أعلم

 

[Boufaress]

تجميع وتصريف في وقت واحد لاسهم مختلفة. الله يكون بالعون..

 

[مبارك الهاجري]

التجميع و التصريف ممكن يصير حتى والسوق أحمر
اللي صابر اليوم
هو أقرب للتصريف
نعم الوضع ما زال محيرا .
التجميع الحقيقي لأسهم أسعارها بالحضيض كان ممكن يرفع المؤشر أكثر من اللي صار اليوم
والتصريف الحقيقي ممكن ينزل السوق لا سيما بعد تداول أمس
السوق ما زال تحت المراقبة ، وأمره محير
اللي صار اليوم للمضاربة فيه نصيب الأسد
وهالأيام فرصة للمضارب المحترف اللي عنده كاش ، هذا وقته ، والله الحافظ والرازق سبحانه
ما زال السوق يخرع

 

[مانشستر]

تجميع

ولا

تصريف

؟

بدون عواطف

للاسف تصريف واضح وصيد اليوم كثير :d

 

[bo_hamood]

في أسهم كان عليها تجميع واضح واضح و لها انطلاقات صاروخية، أخبرك عنها لاحقاً

و في اسهم صار تصريف عليها و ماني قايل شنو انت تعرفها عدل.

يونكس طارت المصاري يامعود الحقنا بالاسهم التجميعيه بسرعه
مافينا صبر خنلحق طلع جم فلس حق العيد
تراني ساكن بالدور العاشر واذا شفت صورتي بالجريده ترا منك

 

[بـوغـانـم]

الطيور طارت برزاقها من يومين على الاسهم اللى اوصلت سعر الاكتتاب انطرو التحليل الفنى خل يقول لبعضكم متى يدخل السوق او يمكن احد يدق عليه احد من هوامير السوق او المحافظ او الصناديق عشان يقول لخوانه بالمنتدى دشو جتنى توصيه او معلومه
فاز باللذات من كانا جسورا

 

[frozen]

تداول اليوم استهدف الاسهم التابعه للاستثمارات الوطنيه و رد فيها الروح شوي و اعتقد ان المحافظ بحالة ترقب يعني لا تجميع ولا تصريف شرااء للثباات بس

 

[دايــم]

محاولة تاسيس ورد التوازن فقط​

 

[splendid]

تجميع

ولا

تصريف

؟

بدون عواطف

بدون عواطف ؟؟

انا اقوللك انتهى السوق الكويتي ,, لوتم دعم السوق قبل كسر 13500

كان ممكن يكون الوضع طبيعي ..

الحين يا بو فجر صدقني ماكو فايده لو تدش الهيئه مليوم مره ..​

 

[TAKE-OVER]

في أسهم كان عليها تجميع واضح واضح و لها انطلاقات صاروخية، أخبرك عنها لاحقاً

و في اسهم صار تصريف عليها و ماني قايل شنو انت تعرفها عدل.

كلام معلم

 

[بوحسين11]

اشوف اليوم كان ارتداد للسوق بعد موجة هبوط قوية

بدعم معنوي ونفسي

 

[الاوربي]

ميكا شلونك ابو فجر
ابو ميه فلس تصريف


يصرفكم

 

[jeme_E]

ميكا والاخوان

السلام عليكم

اتوقع تصريف على الناس اللى طلعو من اول انذار او بعده وادخالهم على هل اسعار

وايهام الناس بانتهاء النزول للي يملك الكاش والشماعه ان الحكومه بتشيل السوق

بس كان ارتفاع وبعده نزول وبعده اخضر مستحي باخر دقيقه

ولا شلون اول السوق حد ادنى واخره تعليقه او اخضر !!!

وللموشر جولة نزول ثانيه لاقدر الله

ما اعتقد يخلص على وضع ويحلا الدخول قبل نزول زيادات راس المال واعلان الربع الثالث

وخصوصا الشركات القياديه ومنها زين يعني الاكتتاب 850 بجم بيوصلونها خاصه ان الزياده 75 بالاميه

معقوله يطلعون طيبين ويرفعونه ويخلون الناس تبيع ربحانه خاصه مع نزول الاتصالات الثالثه

اللى زعلت الخرافي لدرجة انه قال بنقل زين مجرد افكار براسي تدور

ما اعتقد انهم طبين لهل الدرجه واغلب الشركات قاعدع تنباع باقل من زيادة راس المال او قريب منها ((مادري ليش مسوين زياده ))

وعندي قناعه ان سوقنا سوق الخرافي تديره محافظ الجناعات

اتمنى اكون غلطان وهذا مجرد راي

ونسأل الله العظيم رب العرش العظيم ف هذا الشهر الكريم ان يهلم الاخوان القرار المناسب

في الوقت المناسب ويقلل الخساير ويحولها لربح

وارجع اكبر المخده

 

[بيتك للتداول]

ميكا والاخوان

السلام عليكم

اتوقع تصريف على الناس اللى طلعو من اول انذار او بعده وادخالهم على هل اسعار

وايهام الناس بانتهاء النزول للي يملك الكاش والشماعه ان الحكومه بتشيل السوق

بس كان ارتفاع وبعده نزول وبعده اخضر مستحي باخر دقيقه

ولا شلون اول السوق حد ادنى واخره تعليقه او اخضر !!!

وللموشر جولة نزول ثانيه لاقدر الله

ما اعتقد يخلص على وضع ويحلا الدخول قبل نزول زيادات راس المال واعلان الربع الثالث

وخصوصا الشركات القياديه ومنها زين يعني الاكتتاب 850 بجم بيوصلونها خاصه ان الزياده 75 بالاميه

معقوله يطلعون طيبين ويرفعونه ويخلون الناس تبيع ربحانه خاصه مع نزول الاتصالات الثالثه

اللى زعلت الخرافي لدرجة انه قال بنقل زين مجرد افكار براسي تدور

ما اعتقد انهم طبين لهل الدرجه واغلب الشركات قاعدع تنباع باقل من زيادة راس المال او قريب منها ((مادري ليش مسوين زياده ))

وعندي قناعه ان سوقنا سوق الخرافي تديره محافظ الجناعات

اتمنى اكون غلطان وهذا مجرد راي

ونسأل الله العظيم رب العرش العظيم ف هذا الشهر الكريم ان يهلم الاخوان القرار المناسب

في الوقت المناسب ويقلل الخساير ويحولها لربح

وارجع اكبر المخده

فعلا اخوي هذا سوق الخرافي بس مو الاجناعات الي ماسكين المحافظ

واعتقد انهم ازعلوا يوم حطوا الاكتتاب بالشركة الثالثة مع زيادة رأس مال زين والصناعات

والله اعلم

 

[سلطنه]

تجميع

 

[أسد في البورصة]

الشاهد الله التداول اليوم كان

تجميع ومثال على ذلك :-

الشركة - آخر ------------ الكمية - ------ - التغيير
الصفوة - 140 - 62,220,000 ------------- 10
اكتتاب - 144 - 46,040,000 -
مزايا - 670 - 12,820,000 -------------- 40
خليج متحد - 485 - 10,940,000 - -------------- 15
الصفاة - 425 - 10,390,000 -------------- 25
-

قد يقول قائل بأن الصفاة حد اعلى (475 فلس )

الحد المتوسط (450 فلس) تكون نقطة ارتكاز

والحد ادنى (425 فلس )

تداول فوق ال(450 فلس) يعتبر تجميع
اما دون ( 450 فلس ) يعتبر تصريف

ولكن ماحصل اليوم بكميات كبيره10,390,000 ملايين كان تجميع بكمية 100 ألف و150 وغدا يصبح الكلام صحيح في حال ارتد السهم او خطأ في حال هبوطه

والله اعلم