الله ستر على الكويتية واللى فيها

[wld al salmiya]

- المحرر الأمني

علمت أنه تم قبل قليل إنقاذ ركاب الطائرة الكويتية في مطار الكويت الدولي والذي كان من المفترض ان تتجه إلى 'حيدرأباد' بوابة رقم 3 من كارثة محققة بعد إشتعال سيارة تابعة للطيران المدني تحت جناحها.
وقال مصدر أن سبب الحريق هو خطأ عامل لدى احدى الشركات المتعاقده معها لتزويد الطائرات بالوقود الذي ملئ الطائرة بأكثر من طاقتها بالوقود زيادة عن اللزوم مما ادى لتسرب

 

[MOHAMMED11]

الحمد لله اللي لطف فيهم ونجّاهم من هالكارثه
مايبطلون الاهمال ربع هالكويتيه هذي
الله المستعان

 

[الجيكر]

الحمد لله علي السلامه
ومشكور

 

[(فزاع)]

كل شي بهالديره .. على البركه ..!

 

[banker14]

سالفتهم سالفة هالشركة.........الله ستر ولطف

 

[ميكانيكي]

ناطرين كارثه تصير و ضحايا

بعدييييييييييييييين يفكروووووووون يتطورووووووووون

 

[بدرالعتيبي]

الحمد لله على السلامه
انا والله لو عندي سلطه
جان سحبت منهم إجازة الطيران
وخليتهم لين يتأدبون
ياجماعه ارواح الناس مو لعبه
شوفوا الأهمال ليوين وصل
انا ماخذ عمره مع الوالده
والوالده عسى الله يطولي بعمرها انشاءلله المشي يتعبها شوي
يعني ما تمشي مسافه طويله فطلبت من المظيف الأرضي توفير
ويل جير الي أهو الكرسي المتحرك وما قصر على طول وفروه
وتعرفون بمطار جده ماكوا الكفر الي يوصلك للطياره لا
اول شي يركبونك فالباص لين يوصلونك الطياره وبعدين يركبونك السلم التقليدي القديم
المهم يابو السياره الخاصه للكرسي المتحرك وركبوبا وودونا ما قصروا
وما أستغرق الوقت ربع ساعه من مبنى المطار الى الطياره
المفاجأه!!!!!!!!!!!!!!!
عند الوصول الي مطار الكويت تلقائي يطلب المظيف بتوفير كرسي المتحرك ما سووا هالشي هذا
والأعظم من ذالك نزلوا الركاب في منطقة الشحن وتستقرق ربع ساعة في الباص على ما يصلون المطار هذيل الركاب المتعافين
فما بالك بالركاب المحتاجين الويل جير والله يا جماعه قعت بالطياره ساعتين علشان يوفرولي الكرسي
أكثر من جذيه أهمال شنوا أعتقد ما كو أكثر من هالشي
تخيل الأهل ينطرونك بالمطار وانت في منطقة الشحن
اقولهم ليش ما تزلتو بالمطار يقولي الكابتن والله زحمه
وما بقت كلمت أسف ما قالوها.........

الله المستعان .......

 

[flash12]

مساكين كباتن الكويتية كله يتعذرون و يتأسفون لأسباب خارجه عن إرادتهم
أنا رحت العمرة الاسبوع اللي طاف و دعيت الله يسهل أمور البورصه و يرزقنا من فضله
الطيارة تأخرت و احنا رايحين و الكابتن تأسف أكثر من مره
و هم تأخرت و احنا رادين و برضوه الكابتن تأسف أكثر من مره
الله يعينهم كباتنة الكويتية

 

[pilot35]

السلام عليكم ورحمه الله وبركاته

الغلطه كانت غلطه الطيار

كان عند الطيار تهريب وقود وهو في حاله اقلاع وبدال الطيار لايوقف الطياره ويخليها الله يهداه ضغط زر تخلص من الوقود والمفروض الحبيب مايتخلص من الوقود لانه ترس المدرج وقود شريع الاشتعال والسياره راحت للطياره لما توقفت واحتكاك السياره بالوقود سريع الاشتعال ادي الى اشتعال السياره وامتداد النار للطائره

لكن الله ستر ولطف له الحمد والشكر على جزيل النعم

 

[flash12]

الحمد لله على كل حال

 

[FastFuture]

اللجنة الوطنية لحماية الكويت

نطالب و ننشر هذا الطلب بشطب الشركة التي عملت هذه الحركة من الوزارة و عدم اعطائها فرصة للتلاعب بأرواح الناس و البشر ؟ ولا عندهم ارواح الناس لعبة ؟ شنو موقفنا لو صارت كارثة حقيقية و مات فيها 300 راكب مثلا ؟ وين نودي وجهنا جدام الناس ؟ لاتفشلونا ورجاء الاستماع للمطالب بمحاسبة الشركة حساب عسير وشطبها من الوزارة و حذف ملفها واحالتها للنيابة

​