البنك الوطني للتداول الالكتروني...

[دربك خضر]

أخوي بس إذا حبيت أشغل الوطني برو يقولي إختار أي إشتراك تبي وكل وحاد وعليه مبلغ وما يشتغل الوطني برو إلا بعد ما أختار ولا شلون أشغله وشكرا

نرجو الإفاده يا إخوان

 

[q8q822]

أخوي بس إذا حبيت أشغل الوطني برو يقولي إختار أي إشتراك تبي وكل وحاد وعليه مبلغ وما يشتغل الوطني برو إلا بعد ما أختار ولا شلون أشغله وشكرا

انا اختلف وياك انا ماعندي رصيد بالمحفظة وحبيت ادش بشتراك ابو 15 قالى لايوجد لديك رصيد يعني مو مجانا

 

[مشاري الفضلي]

نرجو المساعده

السلام عليكم

أخواني لو سمحتو اناعندي جهاز جلكسي تاب

واحاول ادش منه على حسابي مو راضي

اصحاب الخبره ياليت اتساعدوني

 

[سهمى خضر]

يا جماعة عندي استفسار عن تداول البنك الوطني .. خصوصا بعد تحديثه الاخير .. شلونه؟؟؟؟؟ شنو عيوبه؟

تحويل الاموال من حسابي الوطني اونلاين الى حساب التداول سريع يعني بنفس اليوم ولا يطول؟

انا اسأل لاني ادرس بره..وابي اشتري وابيع بالبورصه بدون ما اظطر اني اروح البنك وأودي ورقه للبورصه او الوسيط.. هل بالوطني للتداول اقدر انجز كل شغلي أونلاين؟

اللي يقدر يفيدني ... عسى الله يرزقه دنيا واخره

%%%%%%%%%%%%%%%%%%%%%%%%%%%

الله يعصيك العافيه اولا ويوفقك في حياتك الدراسيه والاجتماعيه والماديه

بالنسبه للعيوب مافي شي يخلي من العيوب والكامل وجه سبحانه لاكن في شي افضل من شي0

اما بالنسبه للتحويل بنفس الوقت من البنك الي حساب التداول اما من التداول بعد التسويه يعني اذا في مبلغ محجوز مالك اله الاحد اما اذا في كاش بنفس الوقت 0

وبالنسبه للورقه تقدر تنسخه عند البيع والشراء
عندك خمه المسجات تكفي

اما بالنسبه للعيووووب::verymad::
1- ماعندهم اجل0
2-مافعلو خدمة الايفون 0
3- عند الشراء وتبي تلغي الامر لابد يمر عليك 5 قايق0
4-بالنسبه للتسويه كل احد لو يخلونه خميس بعد حلوه
وبالتوفيق​

 

[سهمى خضر]

للأسف أنا كنت مع الوطني القديم كان أسهل ، بس الجديد للحين ما تعودت عليه وأشوفه معقد أكثر من اللازم ، وشكله ما تقدر تتداول بسوق الكسور للحين ، خبرك بعد النكسة الاخيرة صارت بعض اسهمنا كسور

اخوي بخصوص الكسور موجوده بس للاسف ماتداول في
اما بالنسبه للصعوبه بالعكس افضل واذا تحس بصعوبه
تروح لهك عندهم دوراة مجانيه كل يوم اربعاء عند وحده اسمه \رشا
ومن الساعه ال1 الي 2 بتطلع راضي ولاتنسي القهوه التركيه :d
موفق اخوي​

 

[سهمى خضر]

ممتاز والله الوطني في عندك نوعين
الوطني نيت
الوطني برو
حاليا البرنامجين بدون اشتراك بس بعد فتره راح اكون الوطني برو بشتراك
الوطني نيت تقريبا نفس الي اتشوف اب موقع البورصه للأسعار الفوريه زين و بسيط بس انا ماعجبني وضايقني اشويه ليش يمكن لابتوبي مو قوي كان اصير بطىء وعلق. بس انا متأكد تقريبا انه من الجهاز.
نزلت الوطني برو توقعت انه صعب بس لما استعملته :d ماقدر ارد حق الوطني نيت وذا صار بشتراك اتوقع اني بشترك :d شكله مثل الشاشات الي اتشوفها بالبورصه بالضبط بس فيه كل الشارتات وتقدر اتحلل فيه وفيه تحديث تلقائي للميتاستوك وتحديث بيانات الميتا ستوك بس ليمه الحين ماعرفت استعملهم.
بالنسبه للسرعه الوطني برو اسرع من النيت سرعة النيت نفس سرعة موقع البورصه للأسعار الفوريه .
الوطني برو سريع جدا جدا ممتاز للمضارب اما اذا تبي شغل بين فتره وفتره اتحط اوامر النيت لا بأس فيه .
المشكله الوحيده الي صارتلي وياهم انه يوم طاح السوق علق كلشي بس الحمدالله على اخر لحظه اشتغل ونحشت .

شخصيا انصح بالوطني برو وبالتوفيق

اهو ممتاز بس لو شوي يكبرون الشاشه مايعلي عليه:d​

 

[سهمى خضر]

عن تجربه
الوطني الجديد سئ جدا .. الوطني نيت ثقيل وبطئ وصعب
العموله زادت عن القديم
لا توجد خدمة sms الي الأن
والتحويل بطئ حتي لو عن طريق الكي نت

حاليا ابحث عن بديل

لو ظالين علي القديم أبرك

اتفق معاااك بالنسبه للعموله بس شي بسيط
وهم ترخص من السوق

اما البطء لا اعترضالظاهر النت عندك ​

 

[سهمى خضر]

نفس المشكله الي واجهتني النيت بطيء بس نزل الوطني بروو ترى انا مثلك ماكان لي خلق انزلها بس لما نزلته وجربته ماني قادر اخليه وهو حاليا بدون اشتراك وبتم جذي يمكن لي السنه اليايه اتوقع. اما بالنسبه للعموله ترى موحده على جميع السماسره مافيها تغيير بس اسمع وجرب البرو وقولي اشرايك

الشاشه صح وياك وجداول العرض والطلب هم وياك
اما بالنسبه للشريط كلش مايعجبني والسبب شريطك يحول العين لان كل الصفقات بتمرك اما ابو بلاش لا بس الشركات الي انت ضايفه :d​

 

[سهمى خضر]

الوطنى برو بفلوس

15 دينار بالشهر الظاهر فلوسكم وايد ماتدرون ))

بالفعل 15​

بالتاكيد تقدر تبيع وتشتري عن طريق التلفون .... اتصل على 803111 وعطهم امر البيع او الشراء ....

والحلو فيهم موضفينهم كثر ويردون عليك بسرعه مو مثل السوق يبيلهم سنه لا والصبح خو بعد كلش خل ينشط السوق وتشوف لا والحين بعد نص الموضفين مطلعينهم ​

القديم اسرع واسهل .. الجديد .. بطئ نوعا ما .. ويعمل على الجافا .. طبعا متطور ..
لكن القديم اسهل وبنفس الوقت سريع .. البرو .. بفلوس .. واللي عنده شي زايد يشترك
بس اللي غرق ( مثلي ) وينطر الفرج .. انصحه شغل بلاش ارخص .

الله يرزقك يارب​

السلام عليكم
كلامك غير دقيق انا تأكدت من حسابي ولم اجد اي خصم مقابل الاشتراك..

بالفعل اخوي الاشتراك بفلوس
لاكن انت الظاهر من القدامه وهذي خدمه لك بس ماقته
علشان تشترك بعدين تقديرا لك​

 

[Q8-Fund.Manager]

جربت عدة أنظمة تداول الكتروني لم أجد أفضل من تداول كلا من
البنك الوطني
ومكتب شرق للوساطة

لانهم يستخدمون برنامج مباشر برو

 

[net_q8]

ياجماعة الموضوع من 2008

يامسؤولين المنتدى شسالفة ترى المواضيع القديمة
تسوى شوشرة مثل خبر المخازن تلقا بكره ناس يطلبونه حد اعلا
لانه ما قرو التاريخ