إلى متى يا بيت التمويل الكويتي

[معرب الجد]

بنك اسلامي على العين والراس

أصلا مارحناله الا علشانه اسلامي ونبي مايدخل علينا وعلى عيالنا الا الحلال

بس فيه شي اسمه ذوق واحترام وطريقة خاصة بمعاملة العملاء

بيت التمويل كأنه جهة حكومية أو وزارة غرقانة بالروتين الممل والموظفيين الكويتيين اللي مالهم خلق على العملاء وأجزم أنهم لم يتلقوا دورات خاصة بفن التعامل

ياجماعة الخير انا كل ماروح البنك لغرض غير أوقات الاكتتابات ( يعني ماكو زحمة ) كأني رايح وزارة الشؤون قسم المساعدات الاجتماعية

كأني أطر منهم هذا غير اللي تفضلوا فيه الاخوان من عدم الرد على البدالة ( شغل وزارة ) وصعوبة اجرائات المعاملات التجارية والاستقبال السيء في جميع الفروع اللي رحت لها

انا عميل من 96 ماعمري رحت للبنك الا انغثيت واقرر اني راح أحول لبنك آخر بس من صعوبة الاجرائات أقول يمكن يتسنع البنك ويصير أحسن اكنسل التحويل

وآخر مرة يوم الاكتتاب غلط علي موظف البنك وشكيته عند مدير البنك ( قالي لاتوقف على راسي مع ان البنك مافيه كراسي من كثر الناس) وهداني جزاه الله خير وخلص شغلي وأكيد ان المدير انسان راقي بتعامله والا مايستحق يكون مدير بس الحجي ليش يغلط علي موظف انا ماني رايح آخذ اعانة ولو الموظف هذا كان يخاف العقاب كان ماأساء الأدب

عندنا ولله الحمد البنك الدولي و بنك بوبيان واثنينهم اسلاميين

ليش الله لا يحدني اقعد في بنك هذي سوالفه

هذا ربعنا اذا شبعوا بطروا

فعلا والله كأنك داخل وزارة مو بنك والله يا بنوك ثانيه يتمون الواحد يتعامل وياهم يشيلونك على رووسهم من تدخل لين تطلع مو ناقص إلا يفرشون لك الزل الأحمر.

 

[أبو فهد عبدالله]

ليس انتقاصا لبيت التمويل الكويتي

ولكن النقد يجب أن يأخذه القائمون .. على محمل الجد

وللأسف أني كثيرا ما أرى وأسمع تذمر الناس داخل بيت التمويل

بيت التمويل في فترة قليلة اكتسح سوق البنوك كلها ليس لمميزات وعروض فائقة عنده ولكن لتورع الناس عن التعامل فيما فيه شبهة أو حرام عند البنوك الأخرى .

وللأسف أنه ومع هذا الاكتساح أمضى سنين طويلة لم يطور شيئا من أموره الإدارية أو أي نوع من تسهيل إجراءات العملاء

- لا حظت أن بعض الإخوة تكلم عن الأفرع التي بداخل الديرة وكيف أن الاجراءات كانت سهلة جدا وعزى أي صعوبة في المناطق الأخرى إلى الكثافة السكانية ..
طيب ..أليس هذا دليل على ضيق الرؤية عند القائمين عليه
إن كان القائمون يعلمون أن أكثر العملاء والمراجعين هم في تلك المناطق المكتظة فلم لم يكثروا من الأفرع أو أن يكبروا الأفرع على الأقل .

- سنة من السنوات ذهبت أسحب مبلغ 3 آلاف تقريبا أو أقل ففوجئت بالموظف يقول لي آسف إذهب إلى فرعك الفلاني حاولت ثنيه ولا فائدة

أبلغت أحد المسئولين في الرئيسي بما حدث واستنكر ماحدث
ألا يدل هذا على أن هناك خلل أداري آنذاك تأخروا جدا في إصلاحه
وبعد فترة سألت عن سبب ردهم لي فتحججوا أن الفرع ربما كان يحتفظ بكمية معينة من المال لصرفها على عملاء الفرع لذا طلبوا منك الذهاب لفرعك الأصلي ..

- أما أغرب حالة وهي فعلا لا ينبغي أن يقع فيها بنك يتبنى النهج الإسلامي في تعامله وأقلها ألا يتبع أساليب ملتوية لتنفيذ قراراته على الناس غصبا .
قبل سنوات انتهت صلاحية كرت السحب الآلي وعندما ذهبت للتجديد قال لي الموظف سنجدد لك الكرت بكل سهولة وخلال دقائق ولكن يا أخي أنت حسابك أبو دينار قلت وش المشكلة أنا فتحت حساب أول ما توظفت أيام ما كان فتح الحساب بدينار عند بدايات افتتاحكم لبيت التمويل

قال لكن الآن عندنا قانون جديد أن الحساب لا يقل عن مئة دينار
قلت لا يا خوي خلني على نظامي القديم
قال ما يصير لأن الاجراءات راح تطول .
قلت هل عندك حكم شرعي في ذلك
قال الموضوع عادي وما فيه شي
قلت يا أخي أنا واحد من الناس تأتيني أيام أسحب حتى آخر عشرين أو عشرة فكيف تطلب مني أن أغير ما تفقت معكم عليه عند فتحي للحساب عندكم و إنكم تمسكون في حسابي المئة دينار ..
وتقول أن سحبي للمئة يترتب عليها أمور أخرى
رجاءا خلني على وضعي السابق

فهنا كانت الغرابة

قال إن كنت ستوافق على سالفة المئة فسنجدد كرتك وانت واقف وعلى نفس رقم حسابك القديم لن نغير شيئا

أما إن أردت الاحتفاظ بنظامك القديم فيجب عليك أن تغير حسابك وأن تذهب إلى جهة عملك وتجدد إجراءاتك معهم ليرسلوا راتبك على الحساب الجديد ... لأن الـsystem لا يقبل إلا ذلك
سبحان الله يصعبون الأمر لفرض رأيهم .

فقلت للأخ .. ماعليه يا خوي عطني معاملة جديدة وافتح لي حساب برقم جديد على أبو دينار وراح اراجع مقر عملي لتجديد المعاملة ..وما كان ينبغي لكم هذا الالتفاف والتصعيب

وعندما تحدثت مع كثير من زملائي عن الموضوع اتضح لي أن كثير منهم تكاسلوا عن تجديد إجراءاتهم مع جهة أعمالهم .. وقبلوا بالفرض .

أليس هذا فيه استغلال لظروف ومشاغل الناس فيجعلون ما يرغبون بهم فيه سهل الاجراء وما يرغب فيه العملاء صعب الاجراء ؟؟

 

[SAM7]

بيت التمويل اتعس خدمة بنوك في العالم

يا جماعة رمضان كله دوامهم 3ساعات ونص ..........ولا وبعد ما فيه اي فرع يفتح غير الصبح حتى الرئيسي ......طيب بنك يخدم مئات الآلاف من العملاء مو راضين تفتحون أي فرع يفتح دوم غير صباحي عشان معاملاتهم يعني العملاء ما لهم أي تقدير ، قبل كم يوم حبيت أسوي إيداع فكلمت 803333 وتقريباً من غير مبالغة يا أخوان بعد ساعة ونص رد على الموظف قالي أقرب فرع لك المنشر (تقريباً 15كيلو من البيت) ثلاث أيام ورا بعض مو راضي الجهاز يستقبل دقيت على 803333 وساعة على ما تكرموا وردوا قالولي أنت غلطان فرع المنشر زحمة ودايماً يكتفي إيداع روح فرع بيان أو مبارك الكبير فيه خدمه إيداع وقلت حق الموظف أي فرع فيهم اللي الخدمة شغالة فيه الحين قالي ما يبين عندى روح جرب أنت وحظك ، وتبون الأدهى والأمر صاحبي حاط خدمة نشطة مع المقاصة المهم شرا أسهم على أن بيت التمويل يخصيمها من الحساب ، المهم يومين ما خصهما من الحساب دق على 803333 يبى حل قبل لا المقاصة يبيعون أسهمه قالوله ما نقدر نسوي لك شي راجع البنك الصبح يعني ثالث يوم ولما طلب منهم فاكس الشكاوي قالوله ما عندنا أنت سجل الشكوي عندنا وأن شاء الله بعد يومين راح يكلمونك عشان يعرفون شنو تشتكي منه .... يا جماعة شنو هالاستخفاف بمصالح وعقول البشر .... شنو هالتعامل التعيس واللامبالي بحاجات العملاء .......... ما قول غير خوش أخلاق إسلامية اللي تعرفونها ، والشرهه مو عليكم عليناأحنا اللي نحط حساباتنا عندكم .

 

[LUVKUW]

بيت التمويل من احسن البنوك في الكويت بس هذا مايمنع وجود اشخاص موظفين يظهرون غير مايبطنون وصارت لي سالفة مع واحد منهم حيث انه تخصصه تطفيش المراجعين ويعامل الناس بقلة ادب خاصة ان فرعه في منطقة تغلبها سكان وافدين بس طبعا ماسكت عنه واشتكيت عليه بس هل صار شي قالو راح نحاسبه ونرد عليك بس ما بلغوني بالاجراءات الي سووها معاه خاصة اني عطيتهم رقم تلفوني اذا يبون يواجهونا مع بعض بس محد دق؟؟بس هالسالفة ماتمنع ان يكون بيت التمويل من افضل البنوك وماراح اسكر حسابي عشان موظف تعبان لان في كل مكان الزين والشين ودمتم

 

[شرطي البورصة]

انا مايبط جبدي من بيت التمويل الي يقولي ان بنك اسلامي ...يعني شنو احنى غير مسلمين !!!

 

[UNIX]

انا مايبط جبدي من بيت التمويل الي يقولي ان بنك اسلامي ...يعني شنو احنى غير مسلمين !!!

مشكلتك باللغة العربية

البنك اسلامي أي معاملاته المالية اسلامية!

محد قال انه بنك مسلم أو بنك مسلمين علشان تقارن نفسك بالبنك.

السؤال: هل انت تعاملك اسلامي بحت؟

 

[ابوعايض]

اخوي كل البنوك ماتمشي فيها الوكالة العامة لازم تسوي توكيل بنكي داخل البنك ( وهذه من واقع تجربه شخصيه في اكثر من بنك في الكويت )

ولو تلاحظون ان اعلا ارباح ودائع في الكويت ودائع بيت التمويل
واعلا ارباح حساب التوفير في الكويت

هذا غير نظام المرابحة والتورق اللي صج ارباحهم قليله جداً خصوصاً اذا كانت المده من خمس سنوات وطالع ( وقارن بنفسك وتاكد )

هذي كلمة حق ولازم تنقال

اخوي انا عندي وكاله عامه عن الوالد والوالده وكل شغلي ماشي ما عمرهم ردوني بشي

وبالنسبه لرايي بالبنك

البنك مايهمني حتى ولو كان ازفت معامله بالدنيا عندهم
اللي يهمني ان شغلي حلال وانام مرتاح

انا عندي توكيل عام من اخواني وأهلي كلهم واتحكم بحساباتهم كلها اللي في بيت التمويل علدي عن طريق التوكيل العام عادي!!


وبالنسبه للاكتتاب انا اكتتبت في فرع الشاميه والموظفين نفسياتهم عسل ماشاء الله وماطولت حتى 20 دقيقه ...

ومعاملتي مع بيت التمويل من سنة 95 والحمدلله امورهم طيبه !
أحسن من الوطني والخليج اللي ماهمهم الا شلون يصيدونك واذا ماتاخذ قروض يجلدونك بالفيزا والماستر وعلى كثرماتسدد لهم ماتخلص !!​

بتصورى العكس انجح بنك اسلامى باللخليج واحسن وديعه بالكويت عنده وكافى انه يطبق الشريعه واذا فى غلط من بعض الموظفين بدل ياخوى فرعك اوشوف الاسباب عند المدير الفرع وشوف كلامه وفى ادراه عليه تقدر اتقدم شكوه وشوف السالفه من الاخر علشان لاتحكم على بنك ناجح بطريقه الخاطئه ويمكن اتصير معاك سالفت الفيزا فى بنك ثانى وراح اتقول بعدها اسوء بنك باللخليج الصحيح انك تتاكد وبعدها تقول كلامك

انا عندى توكيل عن الوالده الله يرحمها وكنت اسحب وخلص شغلى بتوكيل العام مو صحيح كلامك بسالفت التوكيل العام اما بخصوص الفيزا الله واعلم



اخوك بوناصر

مشكورين اخواني على ملاحظاتكم ولكن انا عندي تعقيب على كلامكم
الوكاله تمشي فقط في السحب والايداع والتحويلات بين حسابات الموكل فقط وجميع المعاملات المصرفيه الثانيه ما تمشي لازم حضور الكفيل

انا مره ابي اسوي اعتماد توقيع للوالده مديرة قسم النساء ما وافقت قالة لازم حضور الوالده ودخلت على مدير قسم الرجال قال انا عندي اسويها
قلتله طيب سوها لي قالي لا معاملة امك عند قسم النساء
قلتله ليش انت تسويها ومديرة قسم النساء ما تسويها قال كيفها قلتله
والله مسخرها بنك ابوكم قالي اطلع برا قلتله اتخسي ما اطلع برا وانا ماني داخل بيتك علشان تطردني عطيته كم كلمه بالعظم وبعدها طلعت

واحد من الربع يبي يسوي تحويل من حساب امه الى حساب ثاني وعنده توكيل عام حق امه قاله الموظف ما يسير قاله رفيجي يعني اسحب يسير
واحول ما يسير قاله خلاص اسحب المبلغ وحطه ايداع بالحساب الثاني وسواها الموظف يعني كل هذا والبنك مو مسخره

 

[معرب الجد]

مشكلتك باللغة العربية

البنك اسلامي أي معاملاته المالية اسلامية!

محد قال انه بنك مسلم أو بنك مسلمين علشان تقارن نفسك بالبنك.

السؤال: هل انت تعاملك اسلامي بحت؟

إذا كانت مشكلة الأخ في اللغة العربية فأنت مشكلتك إنك مو فاهم إن كل الكلام قاعد يدور حول المعاملة التعيسه لموظفي بيت التمويل مع عملائه.

 

[ضحية المخازن]

إذا كانت مشكلة الأخ في اللغة العربية فأنت مشكلتك إنك مو فاهم إن كل الكلام قاعد يدور حول المعاملة التعيسه لموظفي بيت التمويل مع عملائه.

ومشكلتك انك موراضي تفهم ان المعارضين وينتقدون البنك هم موظفين في بنوك ربويه ويريدون الاساءة لبيت التمويل ، وايضا انت منت راضي تفهم ان الكثير يحبون بيت التمويل ويعتبرونه من افضل البنوك وانا اولهم

 

[UNIX]

إذا كانت مشكلة الأخ في اللغة العربية فأنت مشكلتك إنك مو فاهم إن كل الكلام قاعد يدور حول المعاملة التعيسه لموظفي بيت التمويل مع عملائه.

أكيد المعاملة بتصير تعيسة اذا انت و هذاك من عملاء البنك

اثنينكم ما تفهمون لا عربي و لا انجليزي،، شلون تبي البنك يتعامل معاك ؟؟

 

[هداف]

ومشكلتك انك موراضي تفهم ان المعارضين وينتقدون البنك هم موظفين في بنوك ربويه ويريدون الاساءة لبيت التمويل ، وايضا انت منت راضي تفهم ان الكثير يحبون بيت التمويل ويعتبرونه من افضل البنوك وانا اولهم

انا اتوقع انه مخطط يهودي لضرب البنوك الاسلاميه وخصوصا بنكك اللي

تحبه وتموت فيه (((( بيتك ))))

 

[بوناصر10]

فعلا والله كأنك داخل وزارة مو بنك والله يا بنوك ثانيه يتمون الواحد يتعامل وياهم يشيلونك على رووسهم من تدخل لين تطلع مو ناقص إلا يفرشون لك الزل الأحمر.

وزيدك بعد صاحبى معاى بسياره دق عليهم واخذ غرض بتلفون وكل معلوماته سجلوها وقالوله تعال بس باجر وجيب معاك شهادت الراتب وشغلك
جاهز بس ماسألت نفسك ليش هل معامله الطيبه وشنو وراها
والله ياخوى جتنى بنت عندى بدوام وهيه مسؤلت فرع تدرى شنو اتقول
اتقول كل ماجيب عميل ثقيل يعطونى مكافئه قتلها شى طيب تدرى اشردت على قالت اتواعد معاه فى اى مكان سواء فى مكتبه او فى نادى او فى مطعم مو اتقول يفرشولك الزل احمر اواقولك سامع شى جدامى وحنا فى عشر الاواخر

 

[معرب الجد]

أكيد المعاملة بتصير تعيسة اذا انت و هذاك من عملاء البنك

اثنينكم ما تفهمون لا عربي و لا انجليزي،، شلون تبي البنك يتعامل معاك ؟؟

أنت موظف في بيت التمويل .

والمشكلة الحقيقيه تكمن في أن العملاء يتعاملون مع موظفين على شاكلتك مثلهم الأعلى هو الشيطان اللي أنت حاط صورته.

وين تبي تفهم على الإنس .

 

[معرب الجد]

وزيدك بعد صاحبى معاى بسياره دق عليهم واخذ غرض بتلفون وكل معلوماته سجلوها وقالوله تعال بس باجر وجيب معاك شهادت الراتب وشغلك
جاهز بس ماسألت نفسك ليش هل معامله الطيبه وشنو وراها
والله ياخوى جتنى بنت عندى بدوام وهيه مسؤلت فرع تدرى شنو اتقول
اتقول كل ماجيب عميل ثقيل يعطونى مكافئه قتلها شى طيب تدرى اشردت على قالت اتواعد معاه فى اى مكان سواء فى مكتبه او فى نادى او فى مطعم مو اتقول يفرشولك الزل احمر اواقولك سامع شى جدامى وحنا فى عشر الاواخر

الأخ بوناصر 10

شكرا على المرور

أنا ما لي علاقه باللي يسويه الموظف برا فرع البنك .

يبي يخربط ولا يبي يهتدي.

أنا أتكلم عن معاملة البشر للبشر.

 

[بوناصر10]

وهم ارد وقولك عن المعامله لو فيها شى كان طلعنه منه وشفنه بنك اسلامى غيره من زمان مانقعد عشرين سنه معاه صح او غلط كلامى انت صارت معاك مع شخص اوشخصين مو معناته الكل موزين الزين وشين فى كل مكان


اخوك بوناصر

 

[معرب الجد]

ومشكلتك انك موراضي تفهم ان المعارضين وينتقدون البنك هم موظفين في بنوك ربويه ويريدون الاساءة لبيت التمويل ، وايضا انت منت راضي تفهم ان الكثير يحبون بيت التمويل ويعتبرونه من افضل البنوك وانا اولهم

حب اللي تبي وأكره اللي تبي

روح لأي فرع لبيت التمويل في أيام الإكتتابات وفي يوم الأحد بداية كل أسبوع العصر وأقعد ساعه عشان يجيك الدور وكل ما كلمناهم قالوا نقص موظفين طيب هالنقص إلى متى .

وعلى فكرة أنا مهندس في وزارة الكهرباء محطة الشعيبة قسم التشغيل في المقطرات لا أشتغل في بنك ولا شيء.

وعميل في بيت التمويل الكويتي

وكل اللي قاعد أقوله يا جماعه نبي معامله زينه سنعه .

الشهادة لله البنك فيه ناس زينين ومعاملتهم طيبه بس فيه عينات وسخه ودك ينقطون في الزباله ومهما أشتكيت لا حياة لمن تنادي.

 

[بوناصر10]

المشاركة الأصلية كتبت بواسطة unix

بغض النظر عن أصحاب التعليقات الثورية الناصرية،،

اللي عنده مشاكل مع الفيزا مالته الرجاء يراسلني بإسمه و رقمه المدني و راح أتابع له الموضوع.

سبب المعاملة الغير لائقة في بعض الأحيان ان زباين بيت التمويل وايد،، كافي انه بو 3 دنانير يقدر يفتح حساب! و في ناس تصف طابور علشان تودع 220 فلس! مافي بنك بالكويت يرضى يفتح حساب حق أصحاب الرواتب السحيقة الا بيت التمويل الكويتي و من باب كلنا سواسية.

كفاية ان بيت التمويل ما يغريك بالديون، و لا يدزلك وحده فاله الشعر و المكياج تارس السقف علشان تحرجك و تطيحك بالديون.

روحوا شوفوا بالسجون أصحاب المديونيات! كلهم ضحايا البنوك التقليدية و لا يوجد بينهم واحد مطلوب من بيت التمويل الا قليل جدا جدا.

الحلال بين و الحرام بين.

الزنى أمتع من الزواج و الخمر أمتع من الماء و القمار أمتع من التجارة

و لكن كل هذه الأشياء حرام

و اللي عنده شك بمعاملات بيت التمويل الكويتي، يقدر يتصل بالهيئة الشرعية الخاصة ببيتك و المؤلفة من 4 مذاهب فقهية كل شيخ يمثل مذهب و ليسألهم، اسألوا أهل الذكر ان كنتم لا تعلمون.

و بالتوفيق ان شاء الله


الكلام االطيب اقتبسته من الاخunixوكان وافى وقالك مع الزحمه مانلحق انت اتقول ليش ماتزيدون الموظفين انزين بعد الاكتتاب شتسوى بالموظفين الزايدين ؟


اخوك بوناصر

 

[معرب الجد]

البنك يحرص على الفلس وما راح يوظف أحد ما دام إن الفروع في المناطق الداخليه ما فيها زحمه ولا يشتكون أهلها وأما المناطق الخارجيه باللعنتين إشتكوا ولا ما اشتكوا ما لهم إلا اللي عندهم.
هذا اللي أبي أقوله من زمان ولكن اللبيب بالإشارة يفهم.

 

[قتيبة]

بيت التمويل الكويتي ماشفت منه شي مو زين بالعكس معاملة طيبة وناس محترمين والله يبارك فيهم.

أما بالنسبة للزحمه فهذا مو ذنب بيت التمويل لأن عدد العملاء كثير وصراحه الله يعينهم , يمكن لو أنا مكان احد الموظفين كان قدمت استقالتي من الضغط اللي حاصل عليهم.

أما باقي البنوك ( الربويه ) فشغلتهم شاي وقهوه ونصب على الأوادم.

وكثير من موظفي البنوك الربويه غير كويتيين .. ووين النصاب يجيبونه.

وشوفوا موظفين البنوك الربويه بالوزارات عند أقسام التعيين الجديد ... أعوذ بالله .. لبنانيات فوق الركبه وضيق وعطورات وترقيم بس علشان يورطون هالموظف الجديد.


وبعدين كأن هذا الموضوع رد على موضوع في المنتدى يخص بنك ربوي

 

[jeme_E]

بيت التمويل كل ما قال

اعطيك شي ما يعطيك اياه اي بنك

انا اسلامي

ويرفع المرابحه

ولو تراجع فيه تقول بدائره حكوميه مو في بنك خاص

الموظفين نصهم منفس وربعهم ماله خلق والربع الثاني زويين

اعتقد ان بنك بوبيان خيار ناجح موقت

بس الاغلب دابس بسياره ولا مرابحه او بيت او هل اقساط وبالعها وناشب

وننطر بقية البنوك تصير اسلاميه باذن الله

وتتعدد الخيارات وتقوى المنافسه

بيت التمويل احسن ميزتين فيه طبعا بعد انه اسلامي

الاولى لماتشتري بيت

ما يرفع الفايده وتقدر تاجل جم قسط لاسباب تكتبها لهم

والثانيه لما تسحب برى الكويت سعر الصرف مالهم زين

الوطني بهل سالفه على ما سمعت يخرع يصرف فرق كبير

بس عيبه الموظفين جد جد مرات ينرفزونك ويالله تمسك نفسك

روح معرض السيارات مالهم اللى جدام المجموعه وشوف التعامل بنفسك واحكم

وكل واحد له وجهة نظر بس انا مو حابه بصراحه بسبب تجارب سابقه

معاه