سوق بطيخ !!

[خوش ولد]

ليمتى السوق يمر بمرحلة التصحيح ؟ وليمتى السوق ينزل يوم عن يوم ؟؟؟ المفروض نشوف العكس مع اقتراب اعلانات الربع الاول والمتوقع ان اغلب الشركات محققة ارباح زينة ,... لكن ليش نشوف العكس؟؟



صج سوف بطييييخ !( (

 

[طويل البال]

مثل سوقنا يبيله صبر, واللي يعرف السوق من قبل تعود عليه.

طول بالك

 

[خوش ولد]

اي صبر يعمي

اي صبر يعمي صبرنا بما فيه الكفايه وكثير من التوقعات كلها طلعت غلط يبة انا الي اعرفه عن السوق ان التجار الصغار تحت رحمة التجار الكبار والمفروض ما انتابع اخبار الشركة وارباحها لا المفروض انتابع اخبار فلان الفلاني اذا راح يدش السوق ولا لا او المحفظه الفلانيه .... الخ

سوق بطيييخ !!

 

[طويل البال]

حكم القوي على الضعيف.

هم أقولك الكثرة تغلب الشجاعه , لو أنصير كلنا ( المستثمرين الصغار) على صوت واحد


علشان شذي في الوقت الحالي , طول بالك

 

[خوش ولد]

وجهة نظر

اخواني الاعزاء

كثيرة هي التحليلات عن الشركات الكويتية والكل يتوقع توقع معين او يحلل تحليل معين وايضا الكل له وجهة نظر ... الا تتفقون معي بان السوق الكويتي لا يعرف التوقعات والتحليلات ؟... الا يفترض بشركة مثل شركة المخازن العمومية على سبيل المثال بأن يكون سعرها اعلى بكثير من السعر الحالي؟؟

الكل تابع العقود الممتازة جدا للشركة وهي بالملايين ونلاحظ ركود بالنسبة لسعر سهمها ... وغيرها كثير ....

اذا نظرنا نظرة عامة للاسواق العاليمة نجد ارتفاع الاسهم او نزولها يعتمد على اعمال الشركة واربحاها ومن خلال التحليلات الفنية العلمية للمستثمرين سواءا كانوا كبار ام صغار ممكن ان يتوقوا مؤشر السوق واسعار الاسهم ولا يوجد شي اسمة تجار كبار يتحكمون بالسوق ...

في السوق الكويتي يوجد تاجر كبير ولا اريد ان اذكر اسمة لا يريد ان يرتفع سهم شركتة بسبب العدواة التي يكنها مع شركة اخرى لانها تملك نسبة 27% من اسهم الشركة مع العلم ان الشركة ارباحها ممتازة ... ما هو الذنب الذي اقترفه صغار المستثمرين !؟؟

النقطة التي اريد ان اصلها ان السوق الكويتي سوق ( بطيخ ) ويبقى صغار المستثمرين يحتمون تحت ظل الكبار ...

 

[قلنا لكم]

خوش ولد ترى دوختنا

توك داش السوق ماصار لك شهر شاري وتبي يرتفع السوق عشان خاطر عيونك
والله بلشتنا وانت كل يوم هذي سالفتك حتى هني
اللي يسمعك يقول خسران ملايين انت الحين

 

[مضارب سريع]

والله مشكله

اذا سوق بطيخ شحقه داشين

بيعو الي عندكم وطلعو ...احسن لكم تخسرون شويه فلوس تتعوض

بس لا تخسرون صحتكم

وهذا السوق فترات يطلع وفترات ينزل

خلكم من ان السوق يمشي بمعايير تختلف عن الاسواق الاخرى

وان بس سوقنا الي نازل واسواق الخليج طالعه

وبسكم تدورون اعذار

كل سوق له طبيعته الخاصه

 

[بوحسن]

همم بطيخ ليش لا

والله من قلب بطيخ ...انشالله بس اشوف احد يعترض على انه مو بطيخ

بس مرات البطيخ يطلع حلو وتقدر تسوي منه عصير شمام ميه ميه ..

يا اخي بعد الخساير الي صادفتها هالاسبوع صرت عادي بدون احساس اي واحد يبي مني فلوس على طول اسلفه... اموت واعرف فلوسي دشت بجيب منو


بس كل شي بيرد حلو بس اشوية صبر يا اخوان واعتبرو ان البورصه مصكره اسبوع ولا تطالعون الاسهم

 

[خوش ولد]

!

المقصد مو الخسارة او الربح المقصد انك مقيد من قبل الاخرين ومتى ما كان مزاج التاجر الفلاني اوكي ذيج الساعه تربح يعني بمعنى اخر امقضب شواربك للاخرين


سوووق بطيييييييييييييييخ !