Fmday

[SCREENER]

السلام عليكم ..

للاخوان الذين يفوقوني معرفة بهذا السهم

ممكن تبدون لنا رايكم فيه , قبل ان اقرر الدخول فيه

 

[SCREENER]

DAILY

MA50

 

[SCREENER]

still the HIGH today 1.76

 

[النوووخذه]

بو عبد العزيز حبيبي.. هذي الشركه اتوقع لها شان كبير .. كانت في عالم البني استوك والحين وصلت فوق..الحلو فيها انها شركه تحب القرقه... بين يوم والثاني خبر... بس ما ادري الي اشوفه ان هالشركه لها عقده عند 1.76 ولو تجازو 1.80 بفاليوم قوي.. اعتبره فرصه شراء وانفكاك للعقده...او تصيدها تحت.. دام الاخبار حلوه عليها ... بس تعال شنو سالفتك مع الشركات الغير امريكيه... dfct صينه واشوا انك انحشت منها وانشالله طلعت بخوش مربح فيها .. والحين تحوم على شركه بريطانيه.... قولي زعلان علي الاسهم الامريكيه والا شنو.. ترى باجر اييب لك جريسبان عند باب بيتكم واخليه يبوسك خشم كلش ولا زعل بو عبد العزيز

 

[SCREENER]

هلا والله بالغالي شلونك شخبارك

صج اشوه اني انحشت من dfct وان كنت للحين اطقطق فيها اذا مالقيت شي

حتى لوشركات سيلانية اذا الشارت حلو ليش لا

عاد اصدق اني ماسك سهم , الله يسامحه خفس بالقاع وانا ماعندي ستوب لوز فالله يعين , والله اني متوهق فيه بس الله كريم ان شاء الله

ANCC


بس لو توصي غرينسبان يمدح فيه بس خل اطلع فلوسي منه

 

[النوووخذه]

سوري بو عبدالعزيز على التأخير في الرد.ما كنت يم الجهاز.. يا ليتك سألتني قبل لا تشتري سهم ancc.. ويبدو انك شريته بناء على توصيه شخص واعتقد اني عرفته ... وانا كنت مستغرب من توصيته على هالسهم... ابيك ترجع لآخر خبر عن ارباح الربع الاخير للشركه... فيه فقره ما عجبتني... وفهمت منها وحسب اجتهادي وقراءتي انه الشركه احتمال تفلس ... فقط اطلب منك مراجعه البيانات الماليه لآخر ربع وابحث فيه.. لاني بصراحه اعتقد ان الشركه على وشك الافلاس حسب اجتهادي الشخصي ودون اي مسئوليه

 

[SCREENER]

هلا والله اخوي النوخذه ..

والله انا دايما اي توصية ماادخل فيها الا وكنت انا بنفسي محلله
ومقتنع فيه , دخلت اول مرة في هالسهم والحمد الله طلعت منه بشي حلو , بس يخوك الطمع شين عدتها مرة ثانية وصار اللي صار
وانا لحد الحين متمسك فيه لعل وعسى ..

 

[النوووخذه]

ادري كلامي هذا ما راح يعجب البعض... بس مو كل شي من خلال التحليل الفني... لابد من الرجوع الى بيانات او على الاقل اخبار الشركه.. انا شفت العشرات من التحاليل الفنيه للشباب وتحققت منها عدد لا بأس بها وليست جميعها ولا اغلبها حتى.. انا رايي من انه لابد تطعيم التحليل الفني بالتحليل الاساسي.. او على الاقل الرجوع الي اخبار الشركه والاطلاع عليها ...مع تمنياتي القلبيه لك بالتوفيق .

 

[SCREENER]

فعلا كلامك صحيح 100%

بسك من السهر وروح نام باجر دوام