لا مو هذا سعره ولا مو هذا حقه ؟

الموضوع في 'اعلانات بيع وشراء متفرقة' بواسطة الخليفه, بتاريخ ‏21 سبتمبر 2008.

حالة الموضوع:
مغلق
  1. الخليفه

    الخليفه عضو جديد

    التسجيل:
    ‏4 سبتمبر 2008
    المشاركات:
    44
    عدد الإعجابات:
    0
    السلام عليكم ورحمة الله وبركاته

    طبعا قريتو العنوان يا اخوان العنوان هذا كتبته من خلال تصفحي للمنتدى اللي كان عجيب ورهيب في السابق بس الحين المنتدى صار في تدني للمستوى والبيع والشراء والســــــــــبب :-

    ينزل الواحد اعلانه للبيع ويذكر بضاعته ويخلي الشباب يبدون بالسوم على سلعته العاللم قاعده تسوم وحالتها حالها وجاده بالشراء وهو يرد عليهم يقول ياجماعه لا مــوهــذا سعــره او لا مــوهــذا حقــه ؟ ويقعد الموضوع ايام ويطول وهو كل شوي يقول للرفــــــــــع يرفع موضوعه وهو مايبي يبيع طيب من الاول حط سلعتك وقول ياجماعه انا ابيه بالسعر الفلاني او قريب من هالسعر عشان العالم ما تتعب وهي تسوم على الفاضي وانت كل شوي رافع موضوعك .

    اتمنا محد يزعل مني وانا اسف على الاطاله ياشباب
     
  2. ابو عبدالوهاب

    ابو عبدالوهاب عضو جديد

    التسجيل:
    ‏14 مارس 2007
    المشاركات:
    170
    عدد الإعجابات:
    0
    صح لسانك
    والله كلامك عدل
     
  3. king11

    king11 عضو نشط

    التسجيل:
    ‏20 أغسطس 2008
    المشاركات:
    148
    عدد الإعجابات:
    0
    كلامك صحيح ميه بالميه
    وقول الحق مايزعل يا الخليفه
     
  4. باحث قانوني

    باحث قانوني عضو نشط

    التسجيل:
    ‏28 أغسطس 2008
    المشاركات:
    709
    عدد الإعجابات:
    0
    مكان الإقامة:
    الكويت


    عليك شوي
    آخر سومه وبياع آخر واحد يسوم بعد ما التغدأ بالعيد :d
    التغشمر معاك يالغالي
    المشكله ياخوي ماكو جديه لا بالبيع ولا بالشراء
    والكثير من يعرض سلعه مو له تقبل مروري
    وكلامك صحيح
     
  5. غير محظوظ

    غير محظوظ عضو جديد

    التسجيل:
    ‏29 أغسطس 2008
    المشاركات:
    397
    عدد الإعجابات:
    0
  6. بوالريان

    بوالريان عضو جديد

    التسجيل:
    ‏31 أغسطس 2008
    المشاركات:
    276
    عدد الإعجابات:
    0
    كلامك عدل وهم في ناس تسوم وتكسر بالسلعه شلون تبيني ابيع اهي من الصوبين
     
  7. ابو سالم1

    ابو سالم1 عضو جديد

    التسجيل:
    ‏1 مايو 2008
    المشاركات:
    1,715
    عدد الإعجابات:
    0
    مكان الإقامة:
    الكويت أولا
    المشكلة يا اخوان الناس الى تسوم وماتعرف سعر السلعة يعنى لو سعرة 100 دينار يسومون منك 10 دنانير مو معقولة راح تبيع طبيعى بتقول مو هذا سعرة والمكشلة الثانية من الناس الى تسوم وهو غير جاد بالشراء لو تقولة تعال من نصيبك يطنش اتمنا ان الى يسوم اى شى يكون جاد بالشراء والى مايعرف للسعر . اتمنا من الاخوان الى يبون يشترون اى شى يسئلون عن سعرها بالسوق لان فى ناس تعرض شغلات اغلى من السوق ماكو مصداقية انا لا اعمم ولاكن فى ناس قليلة عسالله يبعدنا عنهم
     
  8. keepintouch

    keepintouch عضو نشط

    التسجيل:
    ‏12 مايو 2007
    المشاركات:
    524
    عدد الإعجابات:
    0
    مكان الإقامة:
    الكويت
    الله يعطيك العافية على هالنقطة الطيبة

    والله بالنسبة لي: انا بعت مرتين واشتريت 3 مرات في هذا القسم ووجدت ان افضل طريقة هي وضع سعر محدد من البداية تجنبا لمثل تلك الامور .....
     
  9. almutawa3

    almutawa3 عضو جديد

    التسجيل:
    ‏14 أغسطس 2008
    المشاركات:
    2,056
    عدد الإعجابات:
    0
    الحين طالعين طلعه جديده ، يكتب موضوع ويعرض سلعته ويقول اللى ما يعرف سعرها الأصلي لا يسوم ، يا سلام ! لنفرض ما أعرف سعر السلعه يعنى صرت مجرم بحق هالسلعة ، أنا اكتب مزايدتي على السلعه وانت كيفك توافق عليها أو ترفضها وأكيد أكو ناس غيري راح يزايدون علي .


    ياريت تكون هذه الامور منصوص عليها من ضمن بنود البيع والشراء وشروط التسجيل بالمنتدي!
     
  10. KuWaiT DriFT

    KuWaiT DriFT عضو جديد

    التسجيل:
    ‏9 سبتمبر 2008
    المشاركات:
    2,233
    عدد الإعجابات:
    0
    مكان الإقامة:
    الـــكـــويــــت الحــبــيـــبـــه
    والله الخليفه صح لسانك و كلامك عدل


    بس انت مثلا عرضت سلعه و تبي فيها سعر و الناس تقدر تاخذها اكثثر من جذي ليش تحدد ؟؟


    المزااد احسن ولا انا غلطاان


    و صح , غلط إن اقول لا بعيد و مو هذا سعره


    إذا طول الموضوع يومين و السعر مو راضي يوصل حق السعر اللي في بالي اهني انا اكتب يا جماعه انا ابي ابيع السلعه بالسعر الفلاني


    عدل كلامي ولا لأ يا جماعه ؟؟؟


    و بالنسبه لموضوع الرفع غصبن علينا يالخليفه والله العظيم اعرض شي بعد ربع ساعه يروح الصفحه الثالثه اذا مو الرابعه !!


    ترى التصفح على الاولي و الثانيه اكثر شي :(


    في مره من المرات واحد بالمنتدى للأمانه ما اذكر نكه بس اقترح ان الاداره تسوي قسم للمواضيع اليديده و المواضيع القديمه و طبعا هذا احسن حل حق سالفة الرفع و قال ان نسوي قسم للمواضيع اليديده يعني تنزل موضوعك اليوم بعد 3 ايام يتحول لقسم المواضيع القديمه عرفت اشلون ولد عمي :)


    بجذي تنحل سالفة الرفع و الزحمة بالمنتدى و سالفة تحديد السعر راح تنحل اذا انحلت سالفة الرفع يالخليفه


    ولا تنسى يالخليفه سالفة انت عارض سلعه يدش واحد يخرب البيعه بمعلومة غير صحيحه يعني عارض لابتوب ينباع ب200 مثلا بس مواصفاتك اكثر منه و اهوا على ابو ان نفس الموديل يقول ترى يديد اب 200 حتى هالشي غلط يا جماعه اذا تبون توضحون شي وضحو بالخاص و اذا نفس الجهاز ونفس المواصفات هذيك الساعه اكتب بالعام مو مشكله :)


    و يعطيك العافيه و سامحني على الاطاله :)


    ارجو تتقبلون الفكره من اخوكم الصغير مهدي الصراف :)
     
  11. nokia*nokia

    nokia*nokia عضو نشط

    التسجيل:
    ‏3 نوفمبر 2007
    المشاركات:
    1,061
    عدد الإعجابات:
    0
    السلام عليكم ورحمة الله وبركاته

    أخواني الأعضاء في يوم السبت 20 - 9 - 2008

    قامت إدارة المؤشرنت بتزكية bo naser مشرف لقسم الإعلانات الشخصية

    فإللى عنده أي شكوى واضحه يتقدم بإرسال رسالة شخصيه للمشرف

    وإن شاء الله يقوم بالإجراء الصحيح ..... والله يكون بعون الجميـع
     
  12. NMB

    NMB عضو جديد

    التسجيل:
    ‏4 مايو 2007
    المشاركات:
    1,233
    عدد الإعجابات:
    0
    مكان الإقامة:
    kuwait
    اخوي لو تحط السعر هم الناس تساومك وتكسر بحلالك
     
  13. R.V.NISTELROOY

    R.V.NISTELROOY عضو جديد

    التسجيل:
    ‏13 مايو 2008
    المشاركات:
    118
    عدد الإعجابات:
    0
    كلامك صحيح وعين العقل
     
  14. الصج ينقال

    الصج ينقال عضو جديد

    التسجيل:
    ‏6 أكتوبر 2007
    المشاركات:
    420
    عدد الإعجابات:
    0
    مكان الإقامة:
    أبد .. شوفني يمك
    عدل كلامك
     
  15. al_jaree7

    al_jaree7 عضو جديد

    التسجيل:
    ‏27 فبراير 2008
    المشاركات:
    330
    عدد الإعجابات:
    0
    ياجماعه انا واحد من الناس اللي صارلي موقفين بهالمنتدى الاول راسلت أخ بالمنتدي على انه يبي يشتري مني سلعه ، وقالي انا شريت خلاص تم... بس انطر علي اخر الشهر ، ولاتبيع يرحم والديك،، اكتشف انه ماهو شاري ولا خرابيط مجرد كلام ، ثاني موقف مضحك للغايه : سمت من اخ سلعه بالمنتدي صارلي اسبوع او اكثر....... توه يرد علي برساله خاصه ويقول بعتك هههههه ولاحاط رقم تلفونه ولاشي مع العلم اني لما سمت السلعه حطيت رقم تلفوني ( يبيني اقوله تكفه دق علي يالحبيب ) ههههههههه ....

    اشكر الاخ (بو سالم & nmb) .. على ردودهم المقنعه ، واقولهم الله يكافيكم شر بياعين الحجي بهالمنتدى ،,,,,,
     
  16. cot

    cot عضو نشط

    التسجيل:
    ‏7 يوليو 2008
    المشاركات:
    469
    عدد الإعجابات:
    0
    مكان الإقامة:
    kuwait
    والله كلامك عين الصواب

    المفروض من الاداره الموضوع اذا استمر اكثر من اسبوع ينقلونه الى الارشيف

    مجرد اقتراح
     
  17. kwaity1978

    kwaity1978 عضو نشط

    التسجيل:
    ‏8 يناير 2008
    المشاركات:
    1,109
    عدد الإعجابات:
    1
    والله المفروض المشرفين او الي تبع لهم تصميم الموقع يخيرون صاحب الاعلان ما بين 3 طرق للعرض بواسطه الايقونه

    سعر محدد - مزاد - تفاوض على الطلب
     
  18. r77a

    r77a عضو نشط

    التسجيل:
    ‏16 فبراير 2008
    المشاركات:
    1,729
    عدد الإعجابات:
    0
    اخواني البيع والشراء اخذ وعطا وبين البايع والشاري يفتح الله
    بس المشكلة بالناس اللي مو جادة
    وبعدين سالفة تحديد السعر تصير بس مو على كل الشغلات لان في شغلات مستعملة ما تنحد بسعر معين وفي شغلات مو متوفرة بسوقنا هني
    وانا اقترحت من فترة انهم عالقليل يسوون قسم خاص للالكترونيات وقسم للكمبيوترات
    جذي تخف الزحمة بالصفحات الاولى والواحد يبطل يحط للرفع كل شوي
    كل شي يعتمد على طبيعة الاعضاء اللي تشتري وتبيع طبعا الكلام مو عام
    في ناس تحطهم عالجرح يبرا وفي ناس بس يوسومون وبعدها تعيش
    وفي ناس تعرض شي اذا ما جاب له سعر زين اكيد ما راح يبيع غير هذا في اعضاء عندهم محلات يعني بيعه مو واقف على هالمنتدى وبس وانشاءالله تكون الفكرة وصلت
    بالنهاية كل واحد يعرف نفسه
    والله يوفق الجميع
    وكل عام وانتوا بخير
     
حالة الموضوع:
مغلق