متعشم فيكم ويدري ماراح تقصرون

الموضوع في 'إستراحة المنتدى' بواسطة rtist@, بتاريخ ‏23 سبتمبر 2008.

  1. rtist@

    rtist@ عضو جديد

    التسجيل:
    ‏6 يوليو 2008
    المشاركات:
    285
    عدد الإعجابات:
    0
    مكان الإقامة:
    وطن النهار
    ^_^




    نداء لأهل الخير

    واحد من الأخوة محتاج

    شايفله لمبرغيني بـ 45 ألف وهو على قد حاله

    ونومه ثقيل

    ودوامه بعيد

    ومحتاج سيارة

    والريال منحرج

    وعموما هو ما يبي المبلغ كامل

    لأنه مجمع 430 دينار

    بس يبي الباجي

    والريال متعشم فيكم خير ويدري ماراح تقصرون

    وعسى الله لا يحوجكم للسؤال

    ومأجورين

    :D:p:eek::D
     
  2. coooool2

    coooool2 موقوف

    التسجيل:
    ‏10 فبراير 2008
    المشاركات:
    3,367
    عدد الإعجابات:
    0
    مكان الإقامة:
    K.W.T + مـجـلـس الأمــة
    خل ياخذله قرض

    كافي الشعب فقير ..
     
  3. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    looooool
     
  4. nabil yassen

    nabil yassen عضو جديد

    التسجيل:
    ‏4 مايو 2008
    المشاركات:
    156
    عدد الإعجابات:
    0
    مسكين
    كويتي ماعنده 45 الف
    لي متى الكويتي فقير لي متى؟ :(

    دزلي رقم حسابه
    هذه دفعت بلاء لسايق البيت راجوه 10آلاف دينار
    جزاك الله خير على فعل الخير
     
  5. nestla

    nestla عضو نشط

    التسجيل:
    ‏20 ديسمبر 2007
    المشاركات:
    1,618
    عدد الإعجابات:
    0
    معقوله ما عنده هالمبلغ البسيط !!! صج شي غريب ::verymad::
     
  6. عطر رجالي1

    عطر رجالي1 عضو جديد

    التسجيل:
    ‏15 سبتمبر 2008
    المشاركات:
    64
    عدد الإعجابات:
    0
    مكان الإقامة:
    في أحلى بلد (الكويت)
    ماشاءالله الشباب اطلعوا تجار:)
     
  7. بوسعود66666

    بوسعود66666 عضو مميز

    التسجيل:
    ‏1 أغسطس 2007
    المشاركات:
    15,265
    عدد الإعجابات:
    5
    مكان الإقامة:
    مجلس الوزراء
    الصراحه اول مره ادرى ان كويتى ولا عنده هالمبلغ انت متأكد انه كويتى:p:D:p
     
  8. al7bebe

    al7bebe عضو نشط

    التسجيل:
    ‏24 مارس 2005
    المشاركات:
    10,052
    عدد الإعجابات:
    941
    -----------------------------------------------
    مستلزمات الحياة الكريمة:-
    1- السكن
    2- الطعام
    3- الملبس
    4- الدين والامان
    5- السمعه الطيبه
    6- الزوجة الصالحة
    7- راحة البال
    -----------------------------------
    الباقي كماليات الحياة الترفهية
     
  9. مديرو

    مديرو عضو جديد

    التسجيل:
    ‏29 يناير 2008
    المشاركات:
    1,445
    عدد الإعجابات:
    0
    مكان الإقامة:
    اليرموك

    يا جماعة الخير والله العظيم لو كنت مو كويتي جان صدّقتكم .. !!!!

    يعني و باختصار (نشتكي من الحسد و احنا أحسن ناس انبطّل عيون العالم علينا) ..

    حتى لو كنّا (حفّاي و منتّفين) نسوي روحنا مليارديريه .. !!

    أدري بتقولون (شدعوه .. هدّي يالحبيب .. ترا قاعد نتغشمر .. )

    بقول لكم .. (ترا مو كل الناس خفيفين طينه و يفهمون "قطّات" الكويتيين)

    يعني عادي باجر تدش على منتدى موكويتي وتلقاهم مسوّين

    اقتباس حق هالموضوع ويقولون ( الناس مو لاقيه تاكل .. والكويتيين طوووووووط!!!!)

    وسامحني حبيبي آرتست .. خرّبت موضوعك .. !!!

    بس ترا المنتدى زوّاره الأجانب أكثر من الكويتيين ..


    والله يحفظج يالكويت ..



    أخوك / بوصالح
     
  10. اوكيشن

    اوكيشن عضو جديد

    التسجيل:
    ‏17 سبتمبر 2005
    المشاركات:
    407
    عدد الإعجابات:
    0
    اخوي شوف جريدة الشاهد اليوم الثلاثاء الصفحة الاخيرة بالزاوية فوق :))

    نفس موضوعك سبقتهم :)

    لك السبق الصحفي قاضهم :))
     
  11. rtist@

    rtist@ عضو جديد

    التسجيل:
    ‏6 يوليو 2008
    المشاركات:
    285
    عدد الإعجابات:
    0
    مكان الإقامة:
    وطن النهار
    هذا اذا معاشه باقي منه شي:rolleyes:

    :)

    تفضل رقم حسابه
    1234567890000
    :p

    مالغريب الا الشيطان
    :rolleyes:

    تجار بشنو ؟

    كويتي بس مو كويتي
    وافهمها يا شاطر:)

    يالله لك الحمد
    " وآتاكم من كل ما سألتموه وإن تعدوا نعمة الله لا تحصوها "

    حي الله بوصالح
    كلامك عدل
    بس انا طرحت السالفة هذي للتعليق على الظواهر المنتشرة عموما وفي رمضان على وجه الخصوص
    كل واحد يطر ويقول عطونا من زكاتكم
    صدقة
    دفعة بلاء
    واذا سألت ليش تعال اسمع الكشخة من تحت لي تحت
    طبعا اللي انا ذكرته في نوع من المبالغة لكن الطرارة الحين صارت مو للضروريات
    وناس فقارة ببيوتها تستحي وتعف نفسها عن السؤال
    وناس للأسف ما تستحي وتطالع غيرها وتقول : هل من مزيد

    يا بو صالح
    مرة عند جمعية الفيحا عند المواقف واحد يطر قال انا مسؤول عن عايلة مادري جم واحد وعنده يهال ومعاقين و,,,,,,, الخ
    مديت له 10 دنانير جان يعفس ويهه ويقول بس
    انا اقول لك انا محتاج ابي 100 200 تعطيني 10
    قطهم علي وراح.....!!!!!!!!!!!!!!!!!!!

    هذا الموقف صار لي شخصيا ومحد قاله لي

    خلها على الله

    وسالفة ان الزوار في المنتدى اهني اغلبهم اجانب
    مع احترامي الشديد لهم
    ..............................................
    كنت بقول بس هونت:eek:


    عموما
    حياك الله
    وارحب بردودك الأخوية:)


    جريدة الشاهد
    قاضهم عني واللي تحصله لك:p
     
  12. أوبال

    أوبال عضو نشط

    التسجيل:
    ‏6 يونيو 2008
    المشاركات:
    1,931
    عدد الإعجابات:
    0
    مكان الإقامة:
    KuWaIt
    أخوي تسمح لي بس أنا ماعندي كاش تاخذ شيكات:)
     
  13. مديرو

    مديرو عضو جديد

    التسجيل:
    ‏29 يناير 2008
    المشاركات:
    1,445
    عدد الإعجابات:
    0
    مكان الإقامة:
    اليرموك
    تسلم حبيبي آرتست على سعة صدرك ..

    و كلامك 100% صح بالنسبه حق الطراروه ..

    ما قاموا يرضون بأقل المبالغ و ما يعجبهم العجب ..

    و على طاري حركات الطراروة الجذابين مرّه كنت مصلّي اليمعه

    بواحد من مسايد الديره ، المهم عقب الصلاة قام واحد شباب

    عنده لحية خفيفه و (مفرّع=حاسر الرأس:)) و قام يتكلّم بكلام

    مو واضح و يرتجف وهو يتحرك ، عاد اللي فهمته إن في مرض صعب

    ومعاه ارتجاج بالمخ و يبي مساعده حق العلاج و حق مصاريف العايله

    و و و .. إلخ ، عاد كسر خاطرهم وايد و قاموا الناس يكتّون عليه من

    هالخير ..

    المراد .. شفته عقب فتره بجمعية من الجمعيات يتكلم أحسن منّي

    ولا يرتجف و لا يتأتئ .. لاااااا و زقرتي صاير بعد .. !!!!!!

    يا عمّي ..

    دام إنّ في ناس يكتّون فلوس عاللي يسوى و اللي ما يسوى راح

    نظل طول عمرنا نشوف من هالنماين (واللي ودّه يشوف فلوس

    تتوزّع بالشارع (ربطات دنانيرررررر) خل يصلي العيد بمسيد المشاري

    باليرموك و يقعد بحوش المسيد عقب الصلاة و يشوف البنغال شلون

    يتهاوشون عالشيّاب و العيايز اللي يوزعون فلوس!!


    ويالله تحفظ كويتنا من عيوننا قبل عيون الناس!
     
  14. بترولي نشط

    بترولي نشط موقوف

    التسجيل:
    ‏4 أغسطس 2008
    المشاركات:
    561
    عدد الإعجابات:
    0
    مشكور اخوي علي مساعدتك له

    عموما هالموضوع يه بوقته ... عندي زكاة الفطر ليلحين ما طلعتها :)
     
  15. الأرستقراطي

    الأرستقراطي عضو نشط

    التسجيل:
    ‏17 أكتوبر 2007
    المشاركات:
    7,178
    عدد الإعجابات:
    12
    مكان الإقامة:
    OKBK
    أخوي ان شاء الله الاعضاء ما يقصرون ،،، وهذا شهر الخير ،،، بس المشكلة مو اللمبرجيني المشكلة يبي جيلاردو و لا مورشيلاجو ؟؟؟
     
  16. راشد (بو نواف)

    راشد (بو نواف) عضو نشط

    التسجيل:
    ‏23 مايو 2008
    المشاركات:
    3,851
    عدد الإعجابات:
    0
    كل كويتي عنده بير نفط

    واعتقد ماراح يقصرون مع صاحبك
     
  17. أوبال

    أوبال عضو نشط

    التسجيل:
    ‏6 يونيو 2008
    المشاركات:
    1,931
    عدد الإعجابات:
    0
    مكان الإقامة:
    KuWaIt
    تدري شنو اللي باط جبد بيت جيرانا؟؟؟!!!!
    أن أرضي أنزل من أرضه وكل ما أغرف من بيري ينزل من بيره ويسد الفراغ ;) وقد ما أخذ يرجع يمتلي..
    يعني لا تحاتي أتبرع لك ولطوايفك بعد :) وهم يزيد :rolleyes:
     
  18. " قاصد خير "

    " قاصد خير " عضو جديد

    التسجيل:
    ‏24 أكتوبر 2006
    المشاركات:
    1,614
    عدد الإعجابات:
    0
    الجهاز مغلق أو خارج نطاق التغطية يرجى الاتصال في وقت لاحق ..
     
  19. bo-m7mad

    bo-m7mad عضو جديد

    التسجيل:
    ‏19 سبتمبر 2008
    المشاركات:
    76
    عدد الإعجابات:
    0
    عاد لو عنده 450 دينار جان كملت له الباجي لان عندي المبلغ بس ناقصني 20 دينار :)
     
  20. boalons

    boalons عضو محترف

    التسجيل:
    ‏17 سبتمبر 2003
    المشاركات:
    4,058
    عدد الإعجابات:
    0
    مكان الإقامة:
    KUWAIT
    حبيب يابوصالح

    لاتشيل هم

    خلك واثق من نفسك يقولون الي يقولون بالطقاق

    بيتكلمون عنك حتى لو تسكت