سؤال لأهل الخبره

الموضوع في 'السوق الكويتي للأوراق الماليه' بواسطة trooy, بتاريخ ‏23 سبتمبر 2008.

  1. trooy

    trooy عضو جديد

    التسجيل:
    ‏10 أغسطس 2007
    المشاركات:
    243
    عدد الإعجابات:
    0
    أبي أصير مضارب يومي؟
    بمعنى أن فلوسي أخر السوق معاي
    في نصائح تقدمونها لخوكم المسكين
     
  2. boalons

    boalons عضو محترف

    التسجيل:
    ‏17 سبتمبر 2003
    المشاركات:
    4,058
    عدد الإعجابات:
    0
    مكان الإقامة:
    KUWAIT
    نصيحتي لك ان هذا اول طريق الافلاس

    ابتعد عن المضاربه وعوار الراس وحط فلوسك بسهم اهله محترمين وارباحه زينه

    راقب المباني وحاول تحصله بسعر زين
     
  3. بـوغـانـم

    بـوغـانـم موقوف

    التسجيل:
    ‏3 يوليو 2008
    المشاركات:
    346
    عدد الإعجابات:
    0
    الرجال سئواله شرق وانت جوابك عرب يااخى جاوبه من غير تطبيل انتو ماطوفون احد بالمره
     
  4. الزعيم الوحيد

    الزعيم الوحيد موقوف

    التسجيل:
    ‏5 يونيو 2008
    المشاركات:
    1,257
    عدد الإعجابات:
    1
    مكان الإقامة:
    الكويت
    اخوي حاول ان تاخذ صكوك 112 او 114 وبيعه ان شاء الله 124 او126 والله اعلم وانت وكيفك وشكرا
     
  5. المهنـــــدس

    المهنـــــدس عضو جديد

    التسجيل:
    ‏12 نوفمبر 2007
    المشاركات:
    850
    عدد الإعجابات:
    0
    هلا فيك اخوي


    انا مو من زمان اضارب لكن عندي كذا نصيحة عن تجربة ان شاء اللة تفيدك

    بالبداية توكل على اللة و اعرف انك لو تجري جري الوحوش غير رزقك ماتحوش :)

    وخلك قنووووووووووووووووووووووووووووع فالقناعة كنز لا يفنى ولا تستهين بربحك مهما كان بسيط


    وهذة بعض النصايح من اخوك :


    1) المضاربة اكشن ولازم تكون عندك ردت فعل سريعة ولزم تفتح عيونك عدل وانت مقابل الشاشة
    ولازم تكون محضر كذا سهم قبلها بيوم يعني من الجرايد والاخبار يعني تقرا الصفحات الاقتصادية بشكل شبة يومي ودش عالمنتدي واقرا تحاليل الشباب الثقة وهم مايقصرون معاك بالاستشارة

    2) لازم تكون عندك معرفة اكثر من 60 % بالتحليل الفني والشارت والموشرات

    3) اياك والطمع 50 دينار مضمونة باليوم احسن من 1000 بالسوق

    4) تسوي وقف لخسارتك والسهم لايطول معاك شوتة على طول

    5) اذا ربحت تكة من سهم وشفتة ارتفع لا تلحقة خل غيرك يترزق اللة منة ( واكثر الاسهم عن تجربة يرفعونها متعمدين علشان يجرونكم )

    6) عن تجربة لاتاخذ من المعروض اطلب تحت المعروض بتكة او تكتيين

    7) سالفة الدخول في نفس اليوم والخروج بربح بنفس اليوم شوي صعبة لان في محافظ وعروض كبيرة قبلك ويمكن ينتهي التداول محد شرا منك



    نسالكم الدعاء وبالتوفيق واي سوال انا حاضر
     
  6. الريان

    الريان عضو مميز

    التسجيل:
    ‏17 ديسمبر 2003
    المشاركات:
    4,935
    عدد الإعجابات:
    33
    مكان الإقامة:
    kuwait
    لا والله الا انت جوابك غرب

    الرجل ينصحه وانا اشيد بنصيحته

    ابتعد عن المضاربه ولايوجد بالعالم كله مضاربه يوميا بالسوق الا الامريكي وباستراتيجيات خاصه اخي الكريم لاتصدق اكثر الناس اسئل اهل الاختصاص فقط
     
  7. FAWAZ-1

    FAWAZ-1 عضو نشط

    التسجيل:
    ‏13 يوليو 2007
    المشاركات:
    158
    عدد الإعجابات:
    0
    جزاك الله خير يالمهندس

    وفيت وكفيت
     
  8. Zero

    Zero عضو نشط

    التسجيل:
    ‏17 ديسمبر 2006
    المشاركات:
    1,322
    عدد الإعجابات:
    9
    والفوركس اعتقد...

    وهذا يمكن عشان فترات السوق الزمنيه اطول !! :confused:
     
  9. قنوع ؟

    قنوع ؟ عضو مميز

    التسجيل:
    ‏28 يونيو 2007
    المشاركات:
    5,577
    عدد الإعجابات:
    1
    مكان الإقامة:
    الكويت
    اخوى العزيز

    المضاربه فن لا يتقنه الا القليل من المتداولين

    من اساسيات المضاربه الربح البسيط وعدم الطمع

    الدخول والمضاربه على الاسهم ذات الدوران العالى

    متابعة السهم المراد الدخول عليه لفتره زمنيه معينه والعلم باعلى سعر واقل سعر وصل له السهم

    المضاربه المحترفه تتم بالدخول على سهم اعطى سعر جديد بالنزول واقتناص الفرصه عليه لمدة يوم او يومين

    والله يوفقك ويرزقك
     
  10. aliii

    aliii موقوف

    التسجيل:
    ‏14 سبتمبر 2005
    المشاركات:
    3,377
    عدد الإعجابات:
    458
    بالعالم كله ... والله ما أدري ولكني متأكد بالسوق الكويتي هالشي مستحيل

    هذا الشي جربناه مرارا وتكرارا مستعينين بذلك الشارتات اللحظية سواء عن
    طريق ميتاستوك ليف شارت أو شارتات المباشر برو

    للمضاربة اللحظية ( الدخول والخروج الفوري بنفس اليوم ) انت بحاجة ان
    تكون الاسهم حرة في حركتها ( الصعود والنزول ) بدون قيود سعرية يومية
    مثلا .. 50 فلس فوق أو تحت باليوم ... كما هو موجود عندنا بالسوق الكويتي

    كما انت أيضا بحاجة لأداة البيع على المكشوف (الشورت) وهذا ايضا غير
    متوفر بالسوق الكويتي

    ولكن هذه الامور موجودة بالسوق الامريكي لذلك بالامكان تطبيق المضاربة
    اللحظية (اليومية) ... كذلك يمكنك تطبيقها في سوق العملات


    :)

    .
     
  11. الريان

    الريان عضو مميز

    التسجيل:
    ‏17 ديسمبر 2003
    المشاركات:
    4,935
    عدد الإعجابات:
    33
    مكان الإقامة:
    kuwait

    انا اشتغل باللحظي واشتغل بالمضاربة اليومية
    بس مو مضارب يومي الاخ يوقلك مضارب يومي يعني يشتري ويبيع بنفس اليوم وكل يوم علىهالمنوال يعني بالسوق الكويت او اي سوق بالعامل يطبق هالشي

    وبالنس للعملات غير طبعا لانه اكثر من 10 ساعات تداول باليوم ومتاح لك التداول بشكل لين ويتمتع بسيوله وبعدين في شي اسمه رافعه

    واقرا تعليقي عدل بالسوق الامريكي وبطريقة خاصه غير المتعارف عليها هنا

    ضاربنا بالسوق الامريكي 2003 على طريقة البريك اوت مع الاخبار بشكل يومي وهي مدمره ومربحه بنفس الوقت بس الله يعين صاحبها
     
  12. aliii

    aliii موقوف

    التسجيل:
    ‏14 سبتمبر 2005
    المشاركات:
    3,377
    عدد الإعجابات:
    458
    أعتقد الشرح السريع بالاعلى كافي لاجابتك أخ تروي

    وزيادة بالشرح للأخوة المهتميين :

    لكي تكون مضارب لحظي انت بحاجة لأفضل بلاتفورم للشارتات اللحظية يمكن
    الحصول عليها بحيث يمكنك تتبع سهم واحد على ثلاث شارتات لحظية في
    وقت واحد ( 1min , 5min , 30min ) أمامك

    كما انك بحاجة الى بروكر مرن يوفر جميع الخدمات المالية والاقراض
    وسريع في تنفيذ الاوامر

    وفي المضاربة اللحظية لا يمكن بل من المستحيل العمل مع أكثر من سهم
    في اليوم الواحد

    وأمور أخرى ...


    :)
     
  13. aliii

    aliii موقوف

    التسجيل:
    ‏14 سبتمبر 2005
    المشاركات:
    3,377
    عدد الإعجابات:
    458
    انا شغال مضارب لحظي بالامريكي منذ مدة طويلة
    يوميا الصفقات اللي تتم عندي بين 100 الى 200 صفقة باليوم
    الصفقات كلها بيع وشراء بنفس اليوم ... تدوير يومي بحدود 3 ملايين دولار

    شنو المشكلة ؟؟


    :confused:
     
  14. الريان

    الريان عضو مميز

    التسجيل:
    ‏17 ديسمبر 2003
    المشاركات:
    4,935
    عدد الإعجابات:
    33
    مكان الإقامة:
    kuwait
    ماشاء الله تبارك الرحمن لا اله الا الله

    يعني كل اربع دقايق صفقة الله يوفقك يارب ويويسع عليك دنيا واخره
     
  15. بـوغـانـم

    بـوغـانـم موقوف

    التسجيل:
    ‏3 يوليو 2008
    المشاركات:
    346
    عدد الإعجابات:
    0
    اقراء كلام اللى انصحه عدل الظاهر وانت نايم تكتب او المباني انت من حملت شهاداتها
     
  16. الريان

    الريان عضو مميز

    التسجيل:
    ‏17 ديسمبر 2003
    المشاركات:
    4,935
    عدد الإعجابات:
    33
    مكان الإقامة:
    kuwait
    اول شي يا ابو غانم ماني سهران هذا واحد

    ثاني عارف شنو اكتب الرجل يتكلم عن المضاربة وانصحها بعدها بالمباني وانا مالي شغل بالمباني انا تكلمت عن المضاربه

    وثالث شغله اشلون جيزان
     
  17. بـوغـانـم

    بـوغـانـم موقوف

    التسجيل:
    ‏3 يوليو 2008
    المشاركات:
    346
    عدد الإعجابات:
    0
    ترا ياخوك فيه ناس صج اجرب وتقول خل استشير بالنت او يقول لصاحبه لان يمكن هو مايعرف للنت بس ياخوى مايصير احد يسئل عن منطقه وشخص يوديه لشارع معين الرجال سواله واضح وتبي الصج خوفك دعوته مستجابه بعد فتره ولاخسر عطاك وحده فانا انصح ان محد يذكرله شي لان السكون حكمه بهالامور وجيزان ابخير مدام طلال بمجلس ادارتها ماراح اخليه لانه سهمى المفضل بيني وبينك
     
  18. aliii

    aliii موقوف

    التسجيل:
    ‏14 سبتمبر 2005
    المشاركات:
    3,377
    عدد الإعجابات:
    458
    ما تنحسب جذي يالحبيب

    جربها مرة وشوف شلون تنحسب

    :)

    .
     
  19. aliii

    aliii موقوف

    التسجيل:
    ‏14 سبتمبر 2005
    المشاركات:
    3,377
    عدد الإعجابات:
    458
    المباني ... القيمة السوقية 1300

    أتفق معاك أن أهله محترمين والنعم فيهم ... ولكن الارباح :(


    .
     

    الملفات المرفقة:

    • mabanee.png
      mabanee.png
      حجم الملف:
      21.9 KB
      المشاهدات:
      112
  20. boalons

    boalons عضو محترف

    التسجيل:
    ‏17 سبتمبر 2003
    المشاركات:
    4,058
    عدد الإعجابات:
    0
    مكان الإقامة:
    KUWAIT
    عيب استح على وجهك

    شكل موضوع امس معورك :d