فرق

الموضوع في 'إستراحة المنتدى' بواسطة فضل, بتاريخ ‏23 سبتمبر 2008.

  1. فضل

    فضل عضو مميز

    التسجيل:
    ‏25 يوليو 2008
    المشاركات:
    6,791
    عدد الإعجابات:
    98
    مكان الإقامة:
    بين السماااء والارض

    وديت الاهل الى سوق الديره امس وشفت العجب العجاب

    شفت الشباب الكويتى واحد حاط تراكى بأذنه كأنه بنت

    وواحد لابس حجاب يعنى نفس تقليعه الامريكان السود

    واللى لابس بنطلون ونازل اكثر من اللازم ... ومناظر تخلى الواحد

    يعتقد انه مو بالكويت


    سبحان الله وبالليل صليت القيام وبين كل ركعتين التفت حوالينى

    وتعال عاد شوف هالوجوه المنوره اهل الطاعه والمرجله



    وتذكرت قول الله عز وجل : (ان سعيكم لشتى )
     
  2. أوبال

    أوبال عضو نشط

    التسجيل:
    ‏6 يونيو 2008
    المشاركات:
    1,931
    عدد الإعجابات:
    0
    مكان الإقامة:
    KuWaIt
    والله إنك صاج تروح الأسواق تستخف من اللي تشوفه وتروح المسايد هم تحمد الله على أن الديره للحين بخير اللهم لك الحمد...
    اللهم لا تؤاخذنا بما فعل السفهاء منا.:(
     
  3. RomanticLove

    RomanticLove موقوف

    التسجيل:
    ‏3 يوليو 2008
    المشاركات:
    603
    عدد الإعجابات:
    0
    مكان الإقامة:
    K.u.W.a.i.T
    يعني الي يلبس سكارف او يلبس جينز او بنطلون مايصلي ومايعرف ربه ؟ لا تقول حرام بعد !!
     
  4. يا باغي الخير

    يا باغي الخير عضو جديد

    التسجيل:
    ‏2 يناير 2006
    المشاركات:
    494
    عدد الإعجابات:
    0
    مكان الإقامة:
    الكويت
    الله يهديهم هالشباب

    بس تطلع موضى بالغرب يسارعون الى تقليدها

    والرسالة موجهة الى الآباء بالاهتمام بأبنائهم وتعليهم من الصغر على تجنب مثل هالامور

    والتنبيه على قول عمر بن الخطاب رضي الله عنه

    علمو أولادكم السباحه والرماية وركوب الخيل

    فهذه الأمور تعلم الولد الخشونه والرجوله بنفس الوقت
     
  5. monster

    monster عضو جديد

    التسجيل:
    ‏6 يوليو 2008
    المشاركات:
    86
    عدد الإعجابات:
    0
    اي والله فرق بين اهل المرجله والمساجد وعباد الشياطين والمرينا !
     
  6. فضل

    فضل عضو مميز

    التسجيل:
    ‏25 يوليو 2008
    المشاركات:
    6,791
    عدد الإعجابات:
    98
    مكان الإقامة:
    بين السماااء والارض

    أنا انتقدت المظاهر السلبيه اللى شفتها فى هالشباب

    يعنى انت ترضى تلبس تراكى نفس البنات

    يا عزيزى هذى مو كشخه هذى تشبه بالكفار

    صدق رسول الله صلى الله عليه وسلم حين قال :

    (( " لتتبعن سنن من كان قبلكم حذو القذة بالقذة، حتى لو دخلو جحر ضب

    لدخلتموه )) .

    قالوا [أي الصحابة]: يا رسول الله، اليهود والنصارى ؟!


    قال: " فمن " [أي فمن غيرهم].


    ويعلم الله انى اتمنى لهم الهدايه والخير
     
  7. راشد (بو نواف)

    راشد (بو نواف) عضو نشط

    التسجيل:
    ‏23 مايو 2008
    المشاركات:
    3,851
    عدد الإعجابات:
    0
  8. nestla

    nestla عضو نشط

    التسجيل:
    ‏20 ديسمبر 2007
    المشاركات:
    1,618
    عدد الإعجابات:
    0
    وين الرجوله اذا كانوا الشباب يلبسون نفس لبس البنات و اكسسواراتهم !!!!!!!!!!!!!!
     
  9. coooool2

    coooool2 موقوف

    التسجيل:
    ‏10 فبراير 2008
    المشاركات:
    3,367
    عدد الإعجابات:
    0
    مكان الإقامة:
    K.W.T + مـجـلـس الأمــة
    و تعارضون على لجنه الظواهر السلبيه اللي بمجلس الامه بعد ؟
     
  10. النجدي2007

    النجدي2007 عضو نشط

    التسجيل:
    ‏13 مارس 2007
    المشاركات:
    2,755
    عدد الإعجابات:
    0
    مكان الإقامة:
    الكويت مني وفيني
    فضل
    اخاف انت مكرش علشان جذية محتر من الي يلبسون بنطلون




    تري اتغشمر صراحة موضوع جميل جدا
     
  11. sms 74

    sms 74 عضو جديد

    التسجيل:
    ‏30 أغسطس 2008
    المشاركات:
    524
    عدد الإعجابات:
    0
    موووووضي علف !!!!!!!!!!

    والله يا جماعة انا استغرب من الوضع الحاصل هاليومين فعلا مناظر تعور القلب وتأذي العين وتفشل ولا حيا ولا مستحى ولا خوف من الله ولا احترام للناس الشرهة على الاهل وهم بعد المجتمع لازم ينبذ هالاشكال وما يجاملهم بس الحاصل مع الاسف غير انا اذكر قبل جم سنه في الجامعة كان في معانا من هالاشكال المتشبهين بالحريم وكانوا يحضرون المحاضرات والدكاتره يحترمونهم لا وبعضهم يدير باله عليهم ,,, في دول الخليج كلها ما تحصل هالامور بالعلن ولا يتجرؤون يسوونها وللاماكن العامة هيبتها اما احنا مع الاسف عكس واكبر دليل امس كنت قاعد اطالع التلفزيون قناة فنون برنامج ولا كلمة الأخ الشايع ( المذيع ) مستضيف ( عامر ) المشهور بدور موضي علف في مسلسل الحيالة وكان فريقه كله بنات وينادونه ( موضي ) لا ورقص مصري جدام الكاميرا ويتنيعم ويقولون الربع انه صار له سنين على هالحال ويداوم في وزارة الاعلام بملابس نسائية وما يرضى احد يناديه الا باسم بنت وطوال هالسنين ولا مسؤل كلمه ولا عاقبه مع الاسف ,,,
     
  12. فضل

    فضل عضو مميز

    التسجيل:
    ‏25 يوليو 2008
    المشاركات:
    6,791
    عدد الإعجابات:
    98
    مكان الإقامة:
    بين السماااء والارض

    والله انى انحف من بعضهم لكن مو معضل نفس بعض اللى شفتهم:)
     
  13. I T C

    I T C عضو نشط

    التسجيل:
    ‏24 يناير 2006
    المشاركات:
    2,302
    عدد الإعجابات:
    0
    مكان الإقامة:
    الكويت.القيروان
    انا مستغرب من شى ....انت توقيعك نفس فكرك.؟؟؟؟؟
     
  14. ابو غانم

    ابو غانم عضو نشط

    التسجيل:
    ‏19 ديسمبر 2003
    المشاركات:
    1,288
    عدد الإعجابات:
    161
    هذولا أهلهم ماربوهم على المراجل ومجالس الرجال والتردد على المساجد وللأسف وبعضهم مايعرف يلبس اللبس الكويتي الدشداشة والغترة والعقال .

    مرشد البذال يقول في قصيده له ينصح فيها أبنه

    ترى الرجال ابهم فهود وحياويـن **** جاك الكلام اللـي صحيحـا ثباتـه

    ان كان ما تدري ترى الناس دراين **** الرجل مدحـه بالمجالـس طراتـه

    رجلن تعلق به رجالـن مسلميـن **** عـز الرفيـق ولابتـه والحماتـه

    ورجلن تشوفه جسم وعيون ويدين **** ولولا الشعر ما تفرقه من خواتـه
     
  15. بو ذياب

    بو ذياب موقوف

    التسجيل:
    ‏20 يوليو 2008
    المشاركات:
    309
    عدد الإعجابات:
    0
    يا شباب ابتعدوا عن التطرف الفكري لانه في ناس تعتبر اي شي مختلف عنها مو زين
    يعني ماراح يصير شي لو الريال لبس بنطرون او قميص بس طبعا بدون لايكون مبتذل
    والاخ الي قال عباد الشياطين والمرينا ؟؟؟ ليش المرينا مجمع حاله من حال باجي الاسواق واذا انته شفت ناس مو زينه مناك تره الزين تارس الديره والدليل المسايد ...
    وتره مو كل واحد لبس دشداشه وترس الغتره نشا ريال وله كل واحد لبس بنطرون من عباد الشياطين والكفره المرده :)
     
  16. Smsma

    Smsma عضو جديد

    التسجيل:
    ‏12 أغسطس 2008
    المشاركات:
    124
    عدد الإعجابات:
    0
    الله يهدي شبابنا وبناتنا يارب
     
  17. sms 74

    sms 74 عضو جديد

    التسجيل:
    ‏30 أغسطس 2008
    المشاركات:
    524
    عدد الإعجابات:
    0
    عفوا يا اخوان الظاهر فيه لبس بالموضوع ترى احنا ما نتكلم عن كل اللي يلبسون بناطيل لا احنا نقول الاشياء المخالفة للفطرة والتشبه بالضايعين والتشبه بالجنس الآخر سواءا الشباب او البنات بس هم بعد اللبس او الزي الوطني ولبس اهلنا واجدادنا له حق وهو اللي يمثل ساسنا واصلنا وبصراحة لازم نحافظ عليه
     
  18. man.vip

    man.vip عضو نشط

    التسجيل:
    ‏9 ابريل 2008
    المشاركات:
    2,135
    عدد الإعجابات:
    0
    مكان الإقامة:
    الكويت
    جزاك الله خير علي غيرتك لدينك بارك الله فيك..


    نسال الله العفو والعافيه..
     
  19. nabil yassen

    nabil yassen عضو جديد

    التسجيل:
    ‏4 مايو 2008
    المشاركات:
    156
    عدد الإعجابات:
    0
    هذي حرية
    والزمن تغير
    وانا بالاول كنت اقول نفس الكلام بس اتضحلي شي ثاني هالشباب تقدر تقول عنهم ورعان بو16و17 يعني مراهقين,, يعني قمت العناد والراس اليابس
    والعيب مو بالاهل العيب من حكومتك الملل قتلهم روح الامارات وشوف الانشطه اللي يسونها حق المراهقين تحس قصبن على اللي خلفوه يصير رجال
    اذا المراهق مايبي يروح المسجد ولا يلتزم مع شباب المسجد؟؟ ماتقولي وين يروح بالكويت غير الغزز بالمجمعات والشوارع واذا راح هالاماكن مو لازم يغازل واذا غازل مو لازم يواكب الموضه علشان يتحدى الغزيزه واذا اتبع الموضه يعني راح يهول بنفسه علشان ترضى فيه المراهقه
    مولازم نوفرله الانشطه البديله اللي تفيده بالمستقبل مو لازم نوفرله الانديه الرياضيه اللي تتابعه اول بأول
    والله ياجماعة الخير اذكر قبل كنت بنادي كان المشرف علي شخص كويتي كان يعرف عني كل شي حتى يسألني كم مره رحت الحمام (عزكم الله) مو الحين مصري ولا اجنبي ونفسيته بخشمه لا اهتمام ولا ينسى اسمك بعد
    ذاك اليوم رايح السوق مع اعيالي واشوف ولد خالتي وربعه لابسين هالجنزات والشعر بسمالله تقول ماسكته الكهربا :eek: انصدمت علماً اهو من اسره متدينه وابدويه والغتره ماتنزل من الراس فيها اعدام اذا انزلت :) ودايما بالمسجد,, جان امسكه ها يافلان شعندك بالسوق قالي اتمشى واضيع وقت بهالصيف وين اروح مجمع الرجل (الولد جهراوي) جاي اتمشى بالمرينا ,, ولا يكلمني احضري بعد
    ياجماعه هذا ولد بو16سنه ويتكيف مع الجو العام اذا توفرت له الصياعه يصيع واذا توفرت له الانشطه الهادفه يصير رجال تحطه على يمناك,,
     
  20. فضل

    فضل عضو مميز

    التسجيل:
    ‏25 يوليو 2008
    المشاركات:
    6,791
    عدد الإعجابات:
    98
    مكان الإقامة:
    بين السماااء والارض
    اتفق معاك ان الشباب فيه طاقه مكبوته يبى يفرغها لذا لو يتم توفير

    نشاطات واماكن ترفيه وتوجيه للشباب حتى يتم توجيه هذى الطاقه

    للاتجاه السليم