عدل اخوي العميد انا عجبني الشارت فقط لكن مثل منت شايف خط الميتين والخمسين فوق السعر يعني المخاطره كبيره علشان جذي انا حطيتها تحت المجهر اذا صار خط الخمسين تحت السعر قد تكون فرصه واشكرك على ملاحظتك
فعلا الشارت متاز وخاصة ان الوكيلي ايضا جيد في حال كسر التماسك يكون الهدف8.00 دولار السهم يضل تحت المجهر وفق الله الجميع
هالسهم توفقت فيه مره قبل كذا وكسبت فيه مبلغ طيب .. وما عندي مانع أكررها .. ما قدرت أرسم الترند النازل بالضبط .. ولكن اذا فرضنا وجود واحد فهو أكيد كسره .. وكسر أيضا الموفنغ افرج 50 ولكنه بعيد عن 200 عاد هالسهم مره يعدي الفلتر الاسلامي ومره لا .. على حسب اختلاف بياناتهم الماليه .. عموما توني جربته وتجاوزها .. ها وش رأيك يا مشعل هل صار وقت دخول ولا نحتاج نصبر شوي ..؟؟
لو سمحت يا مشعل .. وش المقصود من الخط الأحمر الأفقي؟؟ هل تقصد فيه منتصف مسافة الحركه السابقه؟؟ وش بيكون الهدف على شارت الديلي بنظرك .. وشكرا
اخوي ابو سعود بعد ماكسر السهم ترند السكستي توقعتله على اقل تقدير نزوله الى 4 وقلت ان الفرصه اهني حلوه للشراء ونزل الى 4.10 لكن الظاهر نزل على السهم خبر ورفعه وهو فعتقادي في طريقه الى الهدف الحين او انه صعد بمجرد ملامسته خط الخمسين -------- الخط الافقي الاحمر هو الهدف الاول للسهم وهو كما ذكرة منتصف الحركه السابقه الهدف الاول هو 4.65 واذا قدر يتجاوزها فهو الى 4.75 اتوقع صيدة السهم حلوه اذا كسر 4.4 تصيده من 4.3 إلى 4.32 قبل لا يوصل الى الهدف والله اعلم
