ما هي اسباب العزوف عن الزواج ...

[coooool2]

انا ادري ان انتوا متزوجين وتبون تدخلوني معاكم بالقفص الناري
وينك يا كول .. خلك معاي متمسك ​

هلا يا الغالي موجود والله
انا قايلكم من زمان متمسك بالعزوبيه طول عمري
الزواج بالوقت هذا ماكو فايده
تدرون ليش ؟
لان الطلاق انتشر بشكل كبير جدا من خلال الزواج المبكر ..للأٍسف..!!
فزاع اليوم الصبح رحت مجمع و ما شالله تارسين البنات المجمع بزينتهن ..
بس ماكو شباب .. و الشباب اييون بليل معروف
المهم تصدق جم وحده صدتها تتحرش فيني و تحاول اجذب انتباهها و تقول حق رفيجتها امبيه شوفيه ..!!

 

[nestla]

مشكلة الشباب انهم وايد مصدقين نفسهم و يسوون نفسهم ضد الزواج وهم لو يحصلهم من ثاني يوم يتزوجون . بس اهم شي عندهم انهم ما يبون المسئولية من جذي يقولون احنا ضد الزواج , انصحكم قولوا احنا ضد المسئوليه جذي انسب

 

[مستثمر 2008]

مشكلة الشباب انهم وايد مصدقين نفسهم و يسوون نفسهم ضد الزواج وهم لو يحصلهم من ثاني يوم يتزوجون . بس اهم شي عندهم انهم ما يبون المسئولية من جذي يقولون احنا ضد الزواج , انصحكم قولوا احنا ضد المسئوليه جذي انسب

وجة نظر نحترمها وشكرا على المرور

 

[coooool2]

مشكلة الشباب انهم وايد مصدقين نفسهم و يسوون نفسهم ضد الزواج وهم لو يحصلهم من ثاني يوم يتزوجون . بس اهم شي عندهم انهم ما يبون المسئولية من جذي يقولون احنا ضد الزواج , انصحكم قولوا احنا ضد المسئوليه جذي انسب

حرام عليج ظلمتي الشباب ..اسمحيلي اقول كلامج غلط ..و ترا فيه بنات ما يبون المسؤوليه للأسف البنت من بعد اول يوم زواج تسوي مشاكل و حنه و نجره و الزوج يحاول يعدل وضعه عشان يستقر الزواج و الزوجه تزيد المشاكل لدرجه تخلي الزوج يعصب و يطلقها ..كيفها الزوجه تتحمل غلطتها محد طق ايدها و قالها دوخي راس الزوج يعني الزوج رومانسي بس تصرفات الزوجه تخليه يكره الحب و الرومانسيه ..و اذا يابت عيال قطتهم و ما تهتم فيهم و تخليهم يتربون عندرثقافه الخدم طبعا اغلبيه البنات جذي..
والله لو انا متزوج ايام الستينات جان احسن اشووف الوفا بعيني ..
و خل ينفعكم مسلسل نور ..ترا مهند منحرف و المسلسل ما نجح في تركيا و ترا المسلسل خيالي مستحيل الزوج يعامل زوجته جذي ..بس يبيله تعديل تصرفات الزوجه و هذا الاهم ..

 

[nestla]

المفروض يكون الزوج عقله كبير وواعي ومو على اي سبب حتى لو كان سخيف يطلق , الي صاير انه الزوج يبي يتزوج و تبقى تصرفاته تصرفات عزوبيه وما يبي احد يكلمه او يعترض .

 

[coooool2]

المفروض يكون الزوج عقله كبير وواعي ومو على اي سبب حتى لو كان سخيف يطلق , الي صاير انه الزوج يبي يتزوج و تبقى تصرفاته تصرفات عزوبيه وما يبي احد يكلمه او يعترض .

بس في شغله نسيتيه ان الزوج عطاها الحنان و الحب و اخر شي الزوجه تغدر فيه اهوا جذي يصير مينون ..المفروض الزوجه تصير هاديه و حبوبه و اهم شي عندها (( الاخلاق و خاصه الوفــا )) عشان جذي الزواج تمشي عدل الى سفينه الامان و استقرار العلاقه ..

 

[nestla]

بس في شغله نسيتيه ان الزوج عطاها الحنان و الحب و اخر شي الزوجه تغدر فيه اهوا جذي يصير مينون ..المفروض الزوجه تصير هاديه و حبوبه و اهم شي عندها (( الاخلاق و خاصه الوفــا )) عشان جذي الزواج تمشي عدل الى سفينه الامان و استقرار العلاقه ..

الاختلاف بالرأي لا يفسد بالود قضيه
لا انا راح اقدر اقنعك ولا انت تقنعني وكل واحد يشوف الشي من وجهة نظره
و يعطيك العافيه

 

[coooool2]

الاختلاف بالرأي لا يفسد بالود قضيه
لا انا راح اقدر اقنعك ولا انت تقنعني وكل واحد يشوف الشي من وجهة نظره
و يعطيك العافيه

ما قلنا شي
بس الدستور كفل لج حريه الراي و التعبير بشرط احترام آراء الاآخرين
و اترك المجال لباقي الاعضاء للتناقش بالقضيه الحساسه..

 

[ناصر بوبدر]

ياجماعة الخير
المووضوع رائع
ويستاهل النقاش فيه
بس للاسف انا قاعد ادووور شخص كاتب راي عدل
مالقيت الا من رحم منكم
والاكثريه ماخذين المووضوع طماشه وضحك والي يقوول بنات
هاليومين ايخرعوون هالبنات ياجماعه اهم خواتنا وبنات خوواتنا
واهلنا ومنا وفينا يعني منووو يرضى يتكلم على اهله وعرضه
وهالشي قسمه ونصيب وعلى ماقال الاخوان الي اعطوو الموضوع حقه
الاسباب هي
1 غلاء المهر
2 عدم توفر المسكن ( يطلعلك بيت بالاسكان بعد 15 سنه)
3 قلة الوازع الديني
4 العزووف للزواج من المراءه الاجنبيه ( والله حريمنا مافي مثلهم)
...... والخ
اتمنى عدم النقد وتقبل الراي
مع احترامي الشديد للاعضاء جميعا

 

[zoya_y]

أسباب عزوف بعض الشباب عن الزواج >>>> تايلند ودبي والبحرين

 

[مستثمر 2008]

شكرا على المرور جميعا

ولكن اللي اشوفه انه البنت تكون مستانسه في بيت ابوها خدم وخشم واهي قاعده ما تسوي شي تبيها تصير مسؤوله وتتحمل مسؤوليه اتوقع البنت تخاف

 

[مستثمر 2008]

وهم بعد من الاسباب التاخير واللي انا اعتبره سبب جوهري هو ( فاعلة الخير ) او بمعنى الصحيح فاعلة الشر . يكون الواحد متوكل على الله والناس سالين عنه او سالين عن البنت تقدم الفاعله على ام الولد او او ام البنت وتقعد وتطب بالولد او البنت وتقول كلام كذب بكذب وتالف وتصير مشاكل ماله اول ولا تالي وبعدين البنت او الولد يطيب خاره من الزواج . يا نا اتقوا الله ولا تقذفو بالناس والله حرام . ويريت اللي تقول الفاعلة يكون صح كلا كذب كلا من الغيره والحسد
لانه تكون عندها بنت ومحد طال في ويها وبنت الناس خاطبها واحد الغيره تسوي كل شي

​

 

[سيدة أعمال]

مافي عزووف - الحين أكثر شئ الطلااق
يعني تعقدنا الليله عرووس واليوم اللي بعده مطلقه
وعلى قوله فزاع بلازوااج بلا نيله ياحلو العزوبيه
فللللللللله موووووووت:d:d

 

[ابو سالم1]

الزواج نص الدين والزواج استقرار للانسان
والعزوبية مامنها فايدة وراح تعرف هالشى اذا صار عمرك فوق ال 40 سنة وربعك كل واحد لاهى مع عيالة وانت ساكن بروحك بشقة وحالتك يرثى لها وتشوف عيال ربعك يخدمون اهلهم وانت ماتدرى من يخدمك مالك الا دار العجزة وجهة نظرى اتمنا يفهمونها اخوانى العزاب .

 

[sobah25]

تحيه للكل ... الصج الزواج بأيامنا هاذي من هالبنات الموجودين يخوف ... تشوفها مصبغه ويهها بألف لون وتفخ ونفخ وتركيب وتكبير وتصغير ... شغل كراجات وربك الستار ... هذا الغالب ... صج فيه بنات حمايل ... مستورين لدرجة محد يدري عنهم ...والعالم تتخاطفهم مخاطف ما بين ولد عم و وولد خال ... وان تكلمنا عن العقل انعم واكرم اتفه من التفاهه ... مخها مخ نمله ... لا والله النمله تميز طريجها ... ما ابي اطولها ... الله برحم رياييل زمان وحريم زمان .... وعقول زمان ... اليوم صارت بس طول ...يالله حسن الختام ..... اغلب المتوفر مانيكانات للعرض ... بلا روح ولا عقل .....

 

[مستثمر 2008]

تحيه للكل ... الصج الزواج بأيامنا هاذي من هالبنات الموجودين يخوف ... تشوفها مصبغه ويهها بألف لون وتفخ ونفخ وتركيب وتكبير وتصغير ... شغل كراجات وربك الستار ... هذا الغالب ... صج فيه بنات حمايل ... مستورين لدرجة محد يدري عنهم ...والعالم تتخاطفهم مخاطف ما بين ولد عم و وولد خال ... وان تكلمنا عن العقل انعم واكرم اتفه من التفاهه ... مخها مخ نمله ... لا والله النمله تميز طريجها ... ما ابي اطولها ... الله برحم رياييل زمان وحريم زمان .... وعقول زمان ... اليوم صارت بس طول ...يالله حسن الختام ..... اغلب المتوفر مانيكانات للعرض ... بلا روح ولا عقل .....

وجهة نظر صحيحه وتحترم شكرا على المرور

 

[*بو عبدالله*]

الله يعطيكم العافيه على الموضوع الجميل


شباب كم المهور حاليا عندنا بالكويت ؟

يعني تقريبيا كمعدل

انا سمعت 5000 الاف تقريبا الى 6000

صحيح؟

 

[أبو أنفال]

الله يعطيكم العافيه على الموضوع الجميل


شباب كم المهور حاليا عندنا بالكويت ؟

يعني تقريبيا كمعدل

انا سمعت 5000 الاف تقريبا الى 6000

صحيح؟

هلا بوعبدالله لهدرجه ماتعرف كم المهوووووور وانت خليجي
طيب المهور الحين اكثر شي مثل ماتفضلت
بس في ناس ماتخاف الله عبالة بنته ذهب على 10الف ويمكن اكثر
وتلقاها المسكينه تتحسر تبي الزواج وهو ابوها او امها يعلقها عشان المهر

المهم بوعبدالله شكلك تبي تزوجني لو بدون مهر ماقولك لا انا موافق ماقدر اردك​

.

 

[أمة الرحمن]

قال رسول الله صلى الله عليه وسلم( من لم يستطع منكم الباءة فليصم )
وقال رسول الله صلى الله عليه وسلم بمعنى الحديث من جاءكم من ترضون دينه وخلقه فزوجوه
بارك الله فيكم

 

[*بو عبدالله*]

هلا بوعبدالله لهدرجه ماتعرف كم المهوووووور وانت خليجي
طيب المهور الحين اكثر شي مثل ماتفضلت
بس في ناس ماتخاف الله عبالة بنته ذهب على 10الف ويمكن اكثر
وتلقاها المسكينه تتحسر تبي الزواج وهو ابوها او امها يعلقها عشان المهر

المهم بوعبدالله شكلك تبي تزوجني لو بدون مهر ماقولك لا انا موافق ماقدر اردك​

.

هلا فيك يالطيب

الحين بيني وبينك الي اعرفه ان قليل من يطلب مهر معين او يحدد المهر ب كذا دينار

فبالتالي المتعارف عليه مثل ما ذكرتلك قبل

مع ذلك ما ننكر حق من يطلب مهر محدد لانه احد الحقوق التي اقرها الاسلام ولكن يفترض تكون بالمعقول