الدوجي وابوهاني وربح سريع جدآآآآآآآآآآآآآآآآ

[ابوخالد]

هلا والله بالي يدورون الربح
تذكرون شركه الدوجي وابوهاني جزاهم الله خير
وبحكم انهم معازيبي الحين بعد تعييني متحدث رسمي عن الشركه
نبدا باسم الله الرحمن الرحيم
اولا البري ماركت
فيه شركات اليوم بتفتح بقاب طيب راح اختار منها فقط vasc
ثانيا بوضعها على فلتر نائب المدير العام ( ماشاء الله ربيع اخضر ) اذن نكمل
ثالثا الموفنق افرج 50 كم هو 7.50 والموفنق افرج 200 كم هو 5.53 ماشاء الله اذن نكمل
رابعا نشوف مؤشر r s i ماشاءالله تبارك الله 38.6 اذن مقبول لان القاعده للي ماهو مذاكر انه يكون بين 30 - 70 صح اذن نكمل
خامسا ماقدر اسويه ماهو كل شي علينا ( حبه علينا وحبه عليكم ) وهو سعر الافتتاح وهذا بعد الساعه 5.30
طيب وبعدين اذا نزل عن سعر الافتتاح ورجع كسره مره ثانيه صعود نشتري ونحط امر بيع على 3_ 4 % نسبه ربح ونروح انام لان 3% كفايه بدون وجع راس
السوق طالع ولا نازل مافرق معنا ولا نسال فيه ولا في الداو ولا الناسداك ولا جرينسبان نفسه
الوعد قدام ياشباب

 

[الشامري]

مرحبا ابو خالد

انت متاكد من رمز السهم ؟؟

vsac

 

[ابوخالد]

vasc
للاحاطه وشكرآ على الملاحظه

 

[الشامري]

عساك على القوة يا بو خالد

 

[ابوخالد]

تذكرون الكلام
طيب فتح 8.28
طلع الى 8.44
نزل وكسر الافتتاح الى 7.62
وين امر الشرا ء حقنا على سعر الافتتاح وعني انا على 8.30
وسعر البيع 4%
على 8.63

 

[ابوخالد]

تعلن الدوجي وابوهاني كمبني عن نجاح طريقتها مع الشركه المذكوره اعلاه وعلى من لم يجد مقعد هذا اليوم المحاوله في يوم غد
والاخوان الذين اشتروا ولم يبيعوا اننا نخلي مسئوليتنا تماما حيث تقف عند 4%
ماشاء الله تبارك الله الشركه سجلت 9.85

 

[متفائل]

ما شاء الله تبارك الله

ما شاء الله تبارك الله

ما شاء الله تبارك الله

الاستراتيجية ممتازة جدا .. وأنا اليوم في مثال أبو خالد شفتها اون لاين


الله يرزق الجميع

على فكرة أبو خالد .. بعت على السعر اللي فوق ولا طمعت

 

[ابوخالد]

لو سمحت اخ متفائل هذي شركه وانا متحدث فقط عن الطريقه وليس عن التجارب الشخصيه
يالله وافق ابوعادل على تعييني
3 شهور يراجع c v
وانت بتفصلنا بسوال
عموما انا حبيت اذاكر مع الاخوان واذكرهم الطريقه وانت منهم لانك اذكر طلبتها لايف

 

[ma01sadah]

ابو خالد إذا ممكن سؤال؟
انت تقول انه كسر الافتتاح إلى 7.63
والشراء فوق الافتتاح بسنتين..."كذا النظريه تقول صح؟"
لكن لو واصل الصعود يغني ما كسر ونزل يعني من 8.44 مسك الخط وما وقف اشتري ولا النظريه تقول لازم النزول.؟
+++++++++

 

[ابوخالد]

ماشاء الله الهاي اليوم 10.43

 

[الشامري]

ميه ميه يا بو خالد

انا اطالب الدوجي وابو هاني بترقيتك و منحك علاوة على مجهودك

 

[ابوخالد]

ياحيا الله اخوي
اولا شكرا لسوالك وتراك ماتذاكر رغم ان الفلوس فلوسك
اليوم ما شاء الله سهم الدوجي وابوهاني كمبني دبل
شف اذا ما نزل فا نسى الموضوع لا هو بطريقتنا ولا نتعامل معاه
لازم ينزل عن سعر الافتتاح ويرجع يصعد علشان يصير منا وفينا

 

[ابوهاني]

وين رايحين ...
وين العمولة ياجماعة
ترا ابوعادل 45% وانا 50% والباقي لو بقي شي بعد عمولة البروكر وزعوها عليكم

الف مليون مبروك

تقبلوا تحياتنا

 

[ابوخالد]

يالشامري مشكور يا بعد حيي الله لا يخلي منك
سداح ابركها من ساعه وترانا حاضرين
ابوهاني خلنا في الشوفه ولا ترى ابشجع الاتحاد
طيب اخوان نقلب جد شوي
تبون نكررها بكره ونشوف
وترى والله العظيم 8 % في الاسبوع نعمه ونعيم
يعني مرتين بس
وش رايكم

 

[الشامري]

ليش لا

لازم نجرب الاستراتيجيه اكثر من مرة

والمرة هذي اثبتت نجاحها 100%

وعساك على القوة يا بو خالد

وبالنسبه لابو هاني انا ما ادري وش يشجع بس انا اشجع الفريق اللي هو يشجعه ( ولو اني ما احب كرة القدم )

 

[doji]

ترى اللي ما يشجع العالمي (النصر) ما له مكان في الشركه

صح من زمان ماشفنا بطولات لك يكفينا العالميه

شباب والله اتمنا لكم التوفيق من كل قلبي السوق صيد بس اعرف كيف تصيد وبمشيئة الله ازرع الثقه في نفسك وانت تتفوق على مواقع التوصيات امثال عرض وطلب وشلتها وبشكل يومي .


تمنياتي القلبيه لكم بالتوفيق

اخوكم ابو عادل

 

[ابوراشد]

ابوخالد ممكن تطبق النظرية اليوم الله لايحرمنا منك والا اى واحد يعرفلها لانى بصراحة احب اشوفها لايف اذا امكن احد من الاخوان يطبقها

 

[محلل اقتصادي]

الى الاخوان الدوجي وابو هاني:

انا تابعت النظرية وطبقتها اكثر مرة، لكن عندي ملاحظة هي:

انه في حالة تطبيق الشروط السابقة قد يحدث الآتي:

ان سهم يفتح قاب مثلا على 2 دولار وينزل ويرتفع مرة اخرى الى سعر الافتتاح ولكنه يرتفع بمقدار بسيط جدا ليصبح 2.03 او حتى 2.05 ثم يعاود الهبوط الى اسفل.


هل من طريقة لاكتشاف الاسهم اللي من المتقوقع لها مواصلة الارتفاع؟


وشكرا،،،