اللغة الإنجليزية

الموضوع في 'إستراحة المنتدى' بواسطة happyness, بتاريخ ‏24 سبتمبر 2008.

  1. happyness

    happyness عضو جديد

    التسجيل:
    ‏20 فبراير 2008
    المشاركات:
    264
    عدد الإعجابات:
    0
    السلام عليكم ورحمة الله وبركاته

    شلونكم يا جماعة عساكم طيبين ... تقبل الله طاعتكم وكل عام وانتو بخير

    يا جماعة عندي موضوع من زمان كان ودي اطرحه بس المشاغل شوي أخرتني الموضوع يخص اللغة الإنجليزية، مافي شك الحين ان اللغة الإنجليزية اصبحت من أهم اللغات في العالم و لازال الناس يقبلون عليها كثير من شتى البقاع.

    والي يجيد هذه اللغة إجادة تامه ماعنده أي مشكلة لو يكون في أي نقطه في العالم يقدر يدبر نغسه بكل سهولة ويسر ويتخلص من النصابين، كذلك يكون مؤهل انه يلتحق بأهم الجامعات العالمية وفوائد كثيرة لا تدخل تحت الحصر.

    سؤالي لذوي الخبره، بحكم دراستكم لهذه اللغة ماهي أفضل طريقة لتعلم
    اللغة الإنجليزية بإحتراف ؟

    مره أخرى أرجو من أصحاب الخبره إبداء الرأي والمشاركة لأن مثل هذا الموضوع راح يكون مثل المرجع في المستقبل

    تحياتي لكم
     
  2. coooool2

    coooool2 موقوف

    التسجيل:
    ‏10 فبراير 2008
    المشاركات:
    3,367
    عدد الإعجابات:
    0
    مكان الإقامة:
    K.W.T + مـجـلـس الأمــة
    سهله ..!!

    ترجع ايام الابتدائي و تفتح الكتب من اولى ابتدائي لي 4 ثانوي و تحفظ كل كلمه فيه ..طبعا اقصد الكلمات
    بس انتوا ما تحفظون الكلمات شسوي فيكم و تقولون ليش ما نعرف انجليزي
    الخلطه السريه= حفظ الكلمات
    ادري محد يصدقني .. بس انا احكم من واقع و من تجربه شخصيه
    و لا عيل شلون انا اعرف انجليزي عدل ؟
     
  3. happyness

    happyness عضو جديد

    التسجيل:
    ‏20 فبراير 2008
    المشاركات:
    264
    عدد الإعجابات:
    0
    شاكرلك اخوي كووول مرورك

    وبالنسبة للطريقة الي تفضلت فيها، هل بنظرك تعتبر الطريقة المثالية تأهل الطالب للدراسة الأكاديمية ( الجامعية ) ؟

    يعني هل يقدر يجتاز اختبار التوفل بهذي الطريقة ؟

    تحياتي
     
  4. coooool2

    coooool2 موقوف

    التسجيل:
    ‏10 فبراير 2008
    المشاركات:
    3,367
    عدد الإعجابات:
    0
    مكان الإقامة:
    K.W.T + مـجـلـس الأمــة


    يعتمد على حسب خبرته وثقته و فهمه للغه..شرط ما ينسى الكلمات اللي حفظهم

    شرايك اغششك بالتوفل ؟:p
     
  5. بترولي نشط

    بترولي نشط موقوف

    التسجيل:
    ‏4 أغسطس 2008
    المشاركات:
    561
    عدد الإعجابات:
    0
    احسن طريقه الممارسه

    ونصيحتي خل يكون عندك قاموس اكسفورد ( قاموس سهل ومفيد )

    واذا ما قدرت تمارس ما عندك إلا تروح المكتبات , عندك مكتبت العجيري وتطلب كتاب اسمه تعلم الانجليزيه في اسبوع

    هذا الكتاب في كلمات مهمه مترجمه ويعطيك كل كلمه ووين تستخدمه مثلا الكلامات الي تستخدمها بالمطار او الفندق او ....


    وموفق خير انشالله
     
  6. تلميذ المؤشر

    تلميذ المؤشر مشرف قسم الإستراحه

    التسجيل:
    ‏19 أغسطس 2003
    المشاركات:
    1,444
    عدد الإعجابات:
    1
    مكان الإقامة:
    الكويت
    عن واقع تجربة:

    1- الاستماع للمحطات التلفزيونية والاذاعية وخاصة الاخبار باللغة الانجليزية ومحاولة فهم ما يجري من احداث يومية ومن ثم الانتقال للمحطات الاخبارية العربية ومعرفة ما اذا كان الفهم الذي استوعبته صحيح او فيه شيء من الصحة...ستجد نفسك تتطور يوما بعد يوم

    2-الافلام الوثائقية المترجمة وحاول تركز على بعض الكلمات وتستحضر اللقطة او الحدث لسهولة الحفظ

    3- المحادثة والشات في الانترنت مثل برنامج البالتوك حيث توجد غرف مخصصة لتعلم اللغة الانجليزية لغير الناطقين به وتعطى المايك لتتكلم وليعرف مستواك...واظن هذه الافضل...

    وفقك الله للخير
     
  7. أوبال

    أوبال عضو نشط

    التسجيل:
    ‏6 يونيو 2008
    المشاركات:
    1,931
    عدد الإعجابات:
    0
    مكان الإقامة:
    KuWaIt
    أخوي أحسن طريقه بالنسبة لي السمع خصوصاً لو كان المستوى ركيك شوي في المحادثه وموعد الإمتحان قصير فتستمع لمحطات الإنجليزية وفيه محطه أعتقد البي بي سي تعلم الإنجليزي مع الترجمة للعربي...كثير مفيدة وكذلك المعاهد اللي تدرس التوفل خصوصاً أنها تدرسك وتأهلك حق هالإمتحان هذا بالذات...
    اللغة الإنجليزية تحتاج ممارسة بالدرجة الأولى ودراسة بالدرجة الثانية ;)
    الله يوفق الجميع وكل عام وأنت بخير :)
     
  8. الأرستقراطي

    الأرستقراطي عضو نشط

    التسجيل:
    ‏17 أكتوبر 2007
    المشاركات:
    7,178
    عدد الإعجابات:
    12
    مكان الإقامة:
    OKBK
    آنا راح اعطيك طريقة سهلة و مجربة استخدمتها مع كذا صديق من اصدقائي و نجحت ،،، اولا حاول ان تعرف اسماء كل ما يحيط بك من الاشياء ويكون عندك معجم عربي انجليزي ،،، مثلا لو كنت قاعد بالصالة راح يكون جدامك تلفزيون (tv) و طاولة ( table ) و طفاية سجائر ( مثلا ما اتعرف اسمها بالانجليزي فتبحث عنها بالمعجم ) و نفس الطريقة بالدوام و في كل مكان تروح له تحاول تعرف اسم كل شي تقع عليه عينك ،،، يعني لو باليوم تتعلم 10 كلمات بالسنة راح تتعلم 3650 كلمة جديدة ،،،
     
  9. happyness

    happyness عضو جديد

    التسجيل:
    ‏20 فبراير 2008
    المشاركات:
    264
    عدد الإعجابات:
    0
    مشكورين على مروركم يا جماعه ومشاركاتكم فعلا انتو اثريتوا الموضوع ودنا بمشاركات أكثر
     
  10. عذووب

    عذووب عضو جديد

    التسجيل:
    ‏8 سبتمبر 2008
    المشاركات:
    1,488
    عدد الإعجابات:
    0
    مكان الإقامة:
    في قلب أبوي واخواني اللي هم كل دنيتي
    انا عن تجربة اقول لك الممارسة وتابع كل شي اجنبي مترجم

    مثلا انا استخدامي للانترنت فرض على اتعلم وايد كلمات

    ومتابعتي للافلام الأجنبية والمترجمة تعلمت واييد اشياء

    غير انه طبيعة شغلي خلتني غصبن علي اصير محترفة جدا بالإنجليزي

    فأنا اقول لك

    تابع كل شي اجنبي مترجم واحفظ واسمع وركز

    وممااااااااااااااارسة الممااااارسة مهمة جدا انا اعرف وايد كان تخصصهم انجليزي بس ليش انهم مامارسوا نسوا كل شي وصرت انا اللي لا دورة ولا عماة عين وايد احسن منهم فالممارسة وايد مهمة اضافة الى القراءة حاول تقرا اشياء بالإنجليزي واحفظ معانيها وطريقة كتابتها بعد
     
  11. q8q8i

    q8q8i عضو جديد

    التسجيل:
    ‏5 أغسطس 2007
    المشاركات:
    450
    عدد الإعجابات:
    0
    انا اعتقد انه الممارسه هي السلاح الذهبي

    حتى لو تقعد مع فلبن ولا هنود تسولف معاهم شويه انت المستفيد


    تحفظ كلمات وما تمارسها وماتستخدم هالكلمات بحياتك اليوميه راح تنساها وتتبخر منك

    فنصيحه سجل بالبرتش كونسلت فيها دورات تقريبا سنه وتاخذ التوفل والايلاتس


    خمس مستويات اعتقد

    يعلمونك اشلون تحفظ وتمارس اللغه
     
  12. happyness

    happyness عضو جديد

    التسجيل:
    ‏20 فبراير 2008
    المشاركات:
    264
    عدد الإعجابات:
    0
    اشكركم جميعاً من دون إستثناء على مروركم في هذا الموضوع
    فعلاً اثريتوني
     
  13. شاب محترم

    شاب محترم عضو جديد

    التسجيل:
    ‏3 مارس 2008
    المشاركات:
    1,061
    عدد الإعجابات:
    0
    لا زيادة على كلام الاخوان .. انا بكلمك بخصوص التوفل


    اخوي انا في سنة 2004 .. جبت في التوفل ولله الحمد 570 .. واعرف التوفل معرفة ممتازة ولله الحمد


    في نقطة لازم تعرفها اخوي

    التوفل شي .. وتعلم اللغة الانجليزية استماع ومحادثة والخ شي ثاني .. ما لهم علاقة في بعض

    واسأل اي احد امتحن التوفل


    التوفل يقيس مهاراتك الاكاديمية في اللغة الانجليزية .. وليس معرفتك في اللغة الانجليزية





    علشان انك تجتاز التوفل .. لازم تاخذ دورة مخصصة لهذا الشي


    لانك لازم تعرف شلون تكتب Writing لموضوع معين بطريقة جامعية اكاديمية ..


    نفس الكلام بالنسبة للقراءة Reading بامتحان التوفل .. راح يعطونك مواضيع اكاديمية جامعية .. وكلمات كثيرة اكاديمية ما يفهمها الا طلاب الجامعات .. تختلف اختلاف كلي عن قراءة جريدة او مجلة لتعلم اللغة الانجليزية


    وحتى بالاستماع Listining بالتوفل .. بالامتحان يعطونك جزء من محاضرة دكتور جامعة ..





    لهذا السبب علشان تجتاز التوفل .. لازم يكون عندك المهارات الاكاديمية باللغة الانجليزية ..


    تعلم الانجليزية العادية ما له علاقة بالتوفل

    وبالتوفيق اخوي
     
  14. happyness

    happyness عضو جديد

    التسجيل:
    ‏20 فبراير 2008
    المشاركات:
    264
    عدد الإعجابات:
    0









    جزاك الله خير اخوي على المشاركة الطيبة فعلا معاك حق

    academic words تختلف اختلاف تام عن general words

    محد عنده شك في هذا

    لكن نبي نصيحتك بما ان عندك الخبره شنو أحسن المصادر للدراسة للطلبة الي يبون يجهزون لإختبار التوفل ؟؟؟
     
  15. شاب محترم

    شاب محترم عضو جديد

    التسجيل:
    ‏3 مارس 2008
    المشاركات:
    1,061
    عدد الإعجابات:
    0
    اخوي ..

    بالتوفل .. لازم تقوي نفسك وبشكل كبير جدا بشيئين مهمين جدا

    .. اول شي بالـ Reading ثم بالـ Writing .. لانهم يمثلون ثلاث ارباع درجه التوفل




    علشان تعدل نفسك للـ Reading اقرا مجله عالميه اسمها National Geographic Magazine .. هاذي امثله على صور اغلفتها

    [​IMG]


    [​IMG]


    [​IMG]

    هذي مجله عالميه شهيره جدا .. تصدر مره بالشهر .. فيها مواضيع متنوعه عن الطبيعه والحيوانات وشعوب الارض ديانات فضاء ،،، الخ


    الكلمات والمواضيع المستخدمه بهاذي المجله .. كلها كلمات ومواضيع اكاديميه وعلميه .. نفس الكلمات بالضبط الي تستخدم بامتحانات التوفل ..


    ومواضيعها نفس مواضيع طلبه الجامعات ..


    لو تشتري عدد واحد من هالمجله .. وكل ٣ او ٤ ايام تقرا لك موضوع وتحفظ كلمات هذا الموضوع .. راح يرتفع عندك الـ Reading بشكل مو طبيعي


    وللعلم بس .. بغض النظر عن التعلم للتوفل .. المجله فعلا روعه !


    مصورين فيها لقطات وصور .. هي من اجمل الصور واللقطات بالعالم


    سعر المجله تقريبا دينارين ونص او ٣ دنانير ما اذكر بالضبط .. تنباع بمكتبات حولي


    وطبعا لو تروح مكتبات حولي .. راح تحصل كتب TOEFL Practice قويه جدا وحيل مفيده للـ Reading


    اما الـ Writing .. فلابد انك تكون تحت ايد واحد خبير بالـ Writing علشان يصلح لك الاخطاء




    وبنفس الوقت انصحك وبقوه ،، انك تاخذ دوره توفل

    احسن مكان بالكويت لدورات التوفل هو معهد اميديست Amideast بالسالميه .. هذا موقعهم الالكتروني



    او تدخل دوره التوفل الي تابعه لجامعه الكويت مبني شويخ .. دورتهم ممتازه والكل يمدحها
     
  16. happyness

    happyness عضو جديد

    التسجيل:
    ‏20 فبراير 2008
    المشاركات:
    264
    عدد الإعجابات:
    0







    جزاك الله خير اخوي ما قصرت اوعدك اني اخذ كلامك على محمل الجد لاني افكر اكمل دراستي وعلى الله التوفيق