من قام بدبلجة عقولنا ؟ q8

الموضوع في 'إستراحة المنتدى' بواسطة yoyo1983, بتاريخ ‏25 سبتمبر 2008.

  1. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy


    السلام عليكم ورحمة الله بركاته ..

    اتمنى انه و من خلال سطوري تصل الرسالة التي شقت طريقها الى ذهنــي في طريق يجهله الكثير .!

    واللتي هي نابعه بالتأكيد من غـــيرتي على بلدي وحبي الكبير له .. و أسفي على ماضــيها الجمـــيل

    .*


    و احتـقاري لما وصلنا اليه ..؟!

    و كره نظرة غيرنا لنا ..؟!

    اين كنا ؟ و اين اصبحنا ..!


    ( كانت ) دررة الخليج ..

    ( كانت ) لؤلؤة الخليج

    ( كانت ) عروس الخليج

    ( كانت ) فراشة جمــيلة في حضورها عطاءا لآسمى المعاني ..


    هـــي ( الكــــويت )

    كويت المحبة .. كويت العطاء .. كويت الانسانية .. كويت السخاء

    عندما نكون في سيرة دولة رائعة كـ روعة غاليتنـأ الكويت نعني الكرمّ والجود والسيرة العطرة .,


    نعم هذه هي الكويت ؟!

    لــكن كويت الماضي .. !

    ,*

    و حال الكويت الآن ؟

    من قام بدبلجة عقولنا ؟


    هل لازالت كويت السخاء والعطاء ؟

    هل لازالت عروس الخليج ؟

    ام اننا تصورنا و تحفظنا على وهمــا من تاريخنا .. ووضعناه في مجتمعنا الحالي ..

    لكي تختلط الامور .. ويضيع الناس بين كويت العطاء ؟! و مجتمعنا الذي تجرد من انسانيته و عطاءه



    بل اصبح لقب الكويتين( ....... الخليج )


    لكي تتضح الصورة سأكمل بالعامي .!

    تذكرون شكانت الكويت وشلون صارت ؟!


    كويتنا راح .. و صارو الكويتيين الي في قلوبهم عبق الماضي الكويتي الجميل .. صارو يحسون بغربة

    وسط مجتمعنا الحالي

    اللي كلمة مسلم او محافظ .. يمكن تكون وايد بحقه ؟!

    اي عندنا ناس ذهب .. لكن بالمقابل الانحراف اكبر .!

    و عندنا بعد ناس مايعرفون ربهم ..!

    و مو هامتهم الكــويت .!



    ( شوارعنا )


    قـــبل لو نمشي بليلة ظلمة بكل الكويت .. ولا احد يكلمك ؟!

    من الامان .. و من الاستقرار الي كان موجود ...

    ... بالنسبة لملاحق شبابنا لبناتنا ..

    اللي يفكر يغازل او يلحق او يخز .. مايتذكر انه عنده خوات ؟

    وانه المفروض يخاف ربه فيهم ؟!


    حتى لو ماعنده خوات

    ماعنده ام ؟ بنت عم ؟ بنت خالة ؟ زوجة ؟ !

    الملاحق والمغازل مو مقتصر عالعزوبية بس .. يشمل حتى المتزوجين للآسف !

    ناس تخرب ناس .!

    هاللي يلحق بنات خلق الله ( بنات ديرته ) مايدري انه ( كما تدين تدان ) ؟

    وانه الله سبحانه يمهل ولا يهمل ؟!

    وانه الدنيا تدور و تدور و تدور .. و ممكن فيوم يتحسف قد شعر راسه ؟

    هذا اذا عنده راس .. راس بدون مخ و تفكير ما منه فايدة

    جم بنت راحت ضحية استهتار شاب ماعنده وازع ديني و لا يعرف ربه اصلا ؟!

    شكثر بنات راحو من هالدنيا بسبب استهتار شاب مايخاف ربه .!


    بنات عوايل .. ينطرهم مستقبل باهر احيانا ..

    او يمكن زواج ناجح حتى ..!

    عندهم اهالي ينطرونهم ؟!

    لي هالدرجة وصلو شبابنا ؟!

    .. لي هالدرجة انعدمت الغارية .. ؟

    اللي اهي علامة يتميز فيها الكويتيين بشكل خاص والعرب بشكل عام ..!

    الله الهادي بس ..

    ( مجمعاتنا )

    انا اخبر اللي يغلط او اللي يحس انه يسوي شي غلط .. يسويه بالخش و الدس ..

    مو بالعلن ..!

    من جم يوم رحت احد المجمعات المعروفة ..

    ولا امرر صووب محل ملابس

    حاطين شاشة بواجهة المحل

    و عرض لبنات عالبحر .. بلبس يكشفهم اكثر من مغطيهم !

    بلبس فاضح جدا


    < مو مصدقة ليلحين

    ياجماعه وين المسؤولين ؟!

    مجمعات الكويت جذي ؟!


    هذي الحرية والتحرر ؟!

    اذا هذي الحرية مانبيها


    و تقولون ليش انحرفوا شبابنا ؟!

    كل الي يمشون يم هالمحل عيونهم عالشاشة !

    لا واحنا بأطهر شهور السنه ..!

    وين قاعدين حاطين بنات بربع لبس .. لا حتى ربع لبس وايد عليها مغطيها يمكن ..!

    و طبعا رواد مجمعاتنا مايبيله نتكلم !

    حدث ولا حرج ..

    قلة احترام ... وسوء تربية .. و عدم رقابة ..!

    كلمات بذيئه نسمعها منهم و تخلينا ننحرج من اهالينا .!


    اشكال عجيبة غريبة نشوف ..!

    كل مخلفات المجتمع الامريكي وماشابه صارت عندنا ..!

    تقليد اعمى

    مايدرون انهم و من خلال هالتقليد وهاللبس وهالشعر

    يتجردون من رجولتهم ..!

    وين الشخصية المستقلة ؟!

    و بناتنا يقلدون نجمات عالميات حتى بدياناتهم .!

    ياريت بشي سنع ..

    الا دمار و دمار ..!

    (شبابــنآ )


    من مستهترين و بويات واللي يتشبهون بالنساء وغيرهم الكثير...!


    الشباب هم اللبنه الاساسية في بناء المجتمع

    جملة سمعناها واايد ..

    لكن ذكراها سيئه ..

    شوفو شبابنا ؟ شوفو مستقبل الكويت ؟

    لمه اتكلم انا ما اعمم عالكل .. لآ ..

    اكو شباب ينشد فيهم الظهر بس الاغلبية من اللي ذكرتهم انا للآسف .. مايصلحون حتى يكونون بيننا ..


    او ينتسبون للكويت .!

    وانا ما انسب الخطأ للشباب فقط ..

    حتى بناتنا ..!

    الوقاحة بعيونهم .!

    تمشي وتغمز ..!

    او تضحك و تكشر حتى يشوفون غمازاتها .!

    او يكون يقط عليها حجي .. تطالع رفيجتها وتضحك ..!

    و بالمقابل في عندنا بنات ستات بيت .. والنعم فيهم اكيد .. لكن يا جماعه شي يخرب على شي .!

    وين الدين .!

    وين الاهل ؟








    ( قهاوي )

    انا هذي سمعت عنها

    قهاوي بالسالمية خلط ..!

    شباب وبنات

    و اغاني ورقص ..!

    وين قاعدين ؟!

    ولا عشان اصحابها فوق القانون ؟!

    بهالقهاوي كل الاشكال اللي ماتشرفنا موجودة ..








    شنو حطت الكويت حلول ؟!

    لجنة الظواهر السلبية...!

    هل راح تحل كل هالمشاكل ؟!

    اعتقد صعبه .

    ايد وحدة ماتصفق ..

    ايد بأيد بنوصل لمرتبة عالية من الحلول



    المشكلة الاولى من البيت

    من البيت الولد او البنت ماتأسسوا صح ..!

    وين دور وزارة التربية ؟!

    ( تربية )

    اذا المدرسين مو عارفين اهمية رسالتهم فهذي مشكلة .!

    المعلم قدوة .!

    شبابنا حتى احترام للعلم ماعندهم .. المعلم عندهم شيئ سيئ

    مايدرون انه كل اللي يسونه لمصلحة الطالب .!

    و ان ( من علمني حرفا .. كنت له عبدا .. )

    **

    و من الحلول الموجودة بعد ..

    وزارة الاعلام ..

    عملت رسائل و حملات توعوية جميلة ..

    لكن مو داريين عنها ..

    يمكن ساهمت .. و مجرد المحاولة شيئ يشرف .!

    احنا محتاجين اكثر و اكثر و اكثر

    و الاعلام ما قصر من خلال شيوخ الدين و غيره من البرامج الدينية الهادفة .!

    لكن شنو في بعد ؟!

    هني التفكير و الحل


    اللي يقول انه الكويت ليلحين بخير .. و من هالحجي

    هذا كلآم مأخوذ خيره .!

    يمكن بخير بسيط .. بس احنا قاعدين نتدرج للآسوأ و الاسوأ

    واذا ماتصرفنا بسرعه .. بيصير شي بيكرهنا حتى بنفسنا .!

    دام حالنا جذي .. الله يســـتر !!

    .. ..



    اعزائي ..

    كلامي نابع عن حبي لديرتي ..

    و عن وناستي وانا اسمع الكبار بالسن واهمه يتكلمون عن أول و عن الفرق بين اول و الحين .!


    اتمنى اني وصلت الرسالة ..

    و وضعت الحلول ..

    وانشالله اكون عطيت القضية حقهاا ..

    و هذي مجموعة اسأله خفيفة ..


    1)هل فعلا في فرق بين كويت الماضي والحاضر .؟

    2) هل فعلا لجنة الظواهر السلبية حل قاطع .؟

    3) هل الدولة مهتمة بالموضوع ؟

    4 ) هل للشعب مسؤولية ايضا ؟


    4) هل من حل آخر ؟!
     
  2. maha_Q8

    maha_Q8 عضو نشط

    التسجيل:
    ‏19 يونيو 2008
    المشاركات:
    4,537
    عدد الإعجابات:
    4
    مكان الإقامة:
    الكويت.. ((جبــله ))
    فعلا الناس وايد تغيرت
    تغيرت 180 درجه...........وبكل شي باللبس والتصرفات وطريقة الكلام
    بعد ........والامبالاه
    وطبعا هذي مسؤلية الشعب نفسه
    شكرا
     
  3. sense

    sense عضو جديد

    التسجيل:
    ‏14 سبتمبر 2008
    المشاركات:
    55
    عدد الإعجابات:
    0
    لو يسمعك الدكتور صلاح الراشد بيزعل...:p

    صدقوني الحياة ابسط واجمل من جذي.. بس نفهمها :)

    شوفوا السلسله هذي وما راح تندمون.. ويمكن تغير مجرى حياتكم


    http://www.youtube.com/watch?v=7XpGZzjnCDw
     
  4. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    العفو :)
     
  5. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    كل شي عندها سهل صج نفس ماقلت بس الواقع غير

    توني شفت اول جزء وبكمله شكرا لك
     
  6. بحريابحر

    بحريابحر موقوف

    التسجيل:
    ‏13 يوليو 2008
    المشاركات:
    467
    عدد الإعجابات:
    0
    مكان الإقامة:
    ولد بطنها
    مشكورة
     
  7. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    العفو :)
     
  8. modina

    modina عضو جديد

    التسجيل:
    ‏2 أغسطس 2006
    المشاركات:
    173
    عدد الإعجابات:
    0
    انا مؤمن ان المرأة مكانها البيت
    نفس اول
     
  9. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    حياك الله
     
  10. al-karrar

    al-karrar موقوف

    التسجيل:
    ‏7 ديسمبر 2005
    المشاركات:
    675
    عدد الإعجابات:
    0
    مكان الإقامة:
    الكويت
    ممممممممممممممممم

    مادري شنو ارد

    بس كلامج 100 %

    وانا ما لحقت على الماضي اللي ابيه بس متاكد مليون بالاميه انه احلى من الحاظر

    الغلطه غلطه الكل

    غلطه الاهل

    غلطه المدرسه

    اصحاب السوء

    الاعلام

    التلفزيون

    الانترنت اخ من الانترنت اكبر فساد والشات يثبت

    للاسف ماكو احد فيه وازع ديني قوي يوقف بويه الناس يقول

    بسنا فساد بسنا خراب بسنا نطيح ويوهنا بالارض لي متى واحنا من اسوا الى اسوا
     
  11. nouf

    nouf عضو جديد

    التسجيل:
    ‏7 يوليو 2008
    المشاركات:
    805
    عدد الإعجابات:
    0
    مكان الإقامة:
    الكويت
    فعلا تغير انا كويتيه بس عايشه في دبي صار لي 5 سنوات مارحت لكويت يوم زرتها قبل 3 شهور ماحسيت اني بالكويت فعلا تغيرت وايد
     
  12. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy

    الله يجزاك خير على الكلام الطيب والله يصلح مجتمعنا
     
  13. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    تقصدييين العمران ولا الناس :)
     
  14. yoyo1983

    yoyo1983 إلغاء نهائي

  15. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    العفو

    :)
     
  16. طير

    طير عضو جديد

    التسجيل:
    ‏28 سبتمبر 2008
    المشاركات:
    248
    عدد الإعجابات:
    0
    مكان الإقامة:
    أعالي القمم
    بارك الله في صاحب الموضوع

    الي صاير بالكويت تقريبا صاير بدول الخليج خاصه والدول الاسلاميه عامه
    غزو ديني فكري ثقافي
    وللأسف الموت مب منهم الموت من أذنابهم من بني جلدتنا
    لكن نحمدالله ان هناك أمل كبير في اصوات الحق التي لا يخفى عليها هذا الأمر ​
     
  17. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    الله يهدي شبابنا وحكامنا الى مافيه خير لنا ولمجتمعنا

    شكرا لك على مرورك وتعلييقك

    :)
     
  18. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    للرفع
     
  19. yoyo1983

    yoyo1983 عضو نشط

    التسجيل:
    ‏22 ابريل 2007
    المشاركات:
    22,658
    عدد الإعجابات:
    22
    مكان الإقامة:
    DaMBy
    اللهم اغفر للمؤمنين والمؤمنات والمسلمين والمسلمات الاحياء منهم والاموات الى يوم الدين
     
  20. المحيط الهادئ

    المحيط الهادئ عضو نشط

    التسجيل:
    ‏12 يونيو 2009
    المشاركات:
    340
    عدد الإعجابات:
    0
    مكان الإقامة:
    الكويت
    هاذى العولمه وماتسوى !!

    الله يصلح الحال ...سويت ليلا

    شكرا لكى