الوزير باقر ل’’ كويت نيوز ‘‘

loss prevention

عضو نشط
التسجيل
7 نوفمبر 2007
المشاركات
99
اضم صوتي مع صوت اخي الفارس القادم
كيف يعقل ان يتساوى بالاسهم من اكتتب بـ 100 دينار مثل الي اكتتب 50 دينار ..... هل يعقل هذا ؟!
ام ان حجية العم بابا سعدون بان الناس سواسية فيما بينهم .
انا اقول الي يدفع اكثر بالاكتتاب يأحذ اكثر اما بالنسبة لحسبة التوزيعة فانا لا اعلم وانا احب ان اتطرق اليها .

ياحبيب الشعب السعدون ماقال عطوا اللي اكتتب بخمسين نفس ابو 100 السعدون قال توزع بالتساوي يعني انا اقولك شلون يعني اللي اكتتبوا 500 او ب 1000 تتوزع عليهم الاسهم بالتساوي ومن ثم يوزعون الفائض علي ابو 1000 اذا كان فيه فائض واذا مافيه فائض فيجب ان توزع بالتساوي نفس الاكتتابات السابقه كلها يعني اكتتاب بوبيان الاحد الادني 1000 وكل الحد الادني اخذوا الف سهم ومن ثم وزعوا الفائض علي ابو 5000 وهكذا
وشكرا
 

الاوربي

موقوف
التسجيل
24 أبريل 2008
المشاركات
1,590
الإقامة
sk
يا عمي يا ما شبعنا خساير من البورصة و راحت في بطون الكبار خل اخوانا ياكلونا احسن من الكبار يستاهلون



شنو هاعطف والله انك خير مثال للمسلم

الرسول عليه الصلاة والسلام يقول (حب الاخيك المسلم كما تحب لنفسك)



ابي ارشحك مدير للبورصه :) ولا وزير التجاره :)
 

signalindex

موقوف
التسجيل
8 أكتوبر 2005
المشاركات
325
بسم الله الرحمن الرحيم والصلاة والسلام على سيد الخلق والمرسلين وعلى اله وصحبه الغر المحجلين ........

اخواني في البدايه انا ودي اوضح انه ما لاحظته في هذا الموضوع انه كل يغني على ليلاه ولم يتم بحث الموضوع من ناحيه انسانيه واخلاقيه لذلك خلونا نتناقش بموضوعيه شوي :

اولا ليعلم الجميع انه اذا ما تم تغيير التوزيعه فان في ذلك ظلم كبير لكل من اكتتب بشريحة 1000 سهم وانا بقول لكم قصتي مع الاكتتاب .

انا وعدد افراد اسرتي 10 اشخاص راتبي 1270 دينار ولا يخفاكم ثلثه ديون حبيت اني اكتتب بهالشركه بالحد الاعلى عشان اقدر احصل على اعلى نسبة اسهم عشان استفيد وافيد عيالي طبعا في ظروف الجميع يعلم فيها مدارس رمضان عيد والاكتتاب اللي حصل اني حرمت عيالي من شراء ملابس للعيد والتقليل من ماجلة رمضان وشديت عليهم في المصرف ودفعت الف دينار بعد ما تسلفت الباقي ومكتتب ثاني بنفس الوضع افراد اسرته 10 وراح رهى على عياله وشرالهم اللي يبون واكتتب بالحد الادني ودفع 500 دينار بس وما تسلف وياخذ مثلي وين العدل
والسؤال المهم للي يخاف الله في عاليوم الفضيل اذ كان التوزيع راح يكون بالتساوي ليش سويتوه شريحتين ليش شنو اللي تتميز فيه الشريحه الاعلى عن الادنى فلوسنا لاقينها بالشارع ونبي نحجزها عندهم بس جذي ما فيه مشكله عدل التوزيعه بس خل في فرق وتميز عندي سهم واحد انا قابل بس خلني ليمن انام بالليل انام مرتاح لاني ظلمت عيالي بسبب اني حصلت لهم اسهم اكثر لكن نفس العدد حسبس الله ونعم الوكيل .

انا اقول اذا تم تغيير التوزيعه وكانت متساويه والسبب كان السعدون اللهم مجيب الدعاء في هذه الليله المباركه انك لا تدع لي ذنبا الا غفرته ولا هما الا فرجته ولا دينا الا قضيته ولا ظالما الا توليته وعساه يشوف في عياله ما شافوه عيالي مني بسبب هذا الاكتتاب .

واذا كان السبب في التغيير باقر فاسال الله اذا كان قد ظلمني ان يجدها في ميزان اعماله .

يا اخوان ياللي تقولون انه السعدون هو الفارس في المجلس انا اقولكم مالي شغل فيه كشخص ولكن كعضو فهو اكبر مسبب للازمات وصولي يسعى الى منصب رئاسة مجلس الوزراء وبعيد عنه وينه ليمن اقرو ال 50 دينار حسبي الله عليه وعلى كل من وافق على القانون بهذلونا انا راتبي فوق 1000 واعيل اسره كامله من زوجه وابناء وام واخوان واخوي عزوبي راتبه 790 دينار زادوه 50 دينار وانا لا.
يعل فيه العافيه ما نبي الزياده ولا نحسدهم لكن تبهذلنا زادت علينا الاسعار والسبه هالخمسين ونسو الاخوان يحطون باقتراح الزياده انه على التجار انهم يحطون سعرين على منتجاتهم سعر لابو خمسين وسعر للبدون ( طبعا مو اخواني البدون ولكن هذا لقب جديد للي ما خذو زيادة ال 50 ) رحنا فيها اتقو الله فينا .

الزبده البلد خربت والسبب مجلس الامه
وحسبي الله ونعم الوكيل والحمد لله رب العالمين
.
 

السعد محمد

عضو مميز
التسجيل
26 أكتوبر 2005
المشاركات
9,900
لا اود الاطالة ولكن

من البداية القانون واضح

لو قايلين من البداية شرائح كان عرفنا شنسوي

لكن قالوا الاولوية لصغار المتسثمرين يعني

مثل راي السعدون

وانا لا احب السعدون كثيرا واختلف معه كثيرا واتمنى سقوطه الا ان الصح صح والخطا خطأ
 

loss prevention

عضو نشط
التسجيل
7 نوفمبر 2007
المشاركات
99
سينقاليندكس
مساك الله بلخير اخوي لازم يحطون شريحتين تحسبا للفائض لكن اذا مافيه فائض ف لازم لازم لازم توزع بالتساوي نفس كل الاكتتابات اللي فاتت وصدقني السعدون شريف وعلي حق لانه انتصر لصغار المكتتبين مع العلم واقسم بالله اني مكتتب ب 1000
 

عديل الروح

عضو نشط
التسجيل
3 أكتوبر 2004
المشاركات
545
الإقامة
الكويت
يمكن الكلام يزعل بعض الأخوة ... لكن هذه الحقيقة

تخصيص الأسهم عادل عادل عادل ولا غبار عليه ولازم الكل يرضى ولا يقعد يتحسف او يتحلطم

أولا ما شالله اللي غطو فوق ال 900 ألف مواطن أما الباقي وعدد ليس بالقليل ظروفهم ما سمحت انهم يكتتبون الله يعينهم

ثانيا رأس مال الشركة قليل .... والتوزيعة تمت بنسبة وتناسب

ومثل ما انت غطيت بالحد الأدني وجمدت فلوسك غيرك غطى بالحد الأعلى وجمد فلوسه في البنوك

والشركة حطت شريحتين وقالت لك اختار اي شريحة تبي

يعني العملية ما كانت اجبارية علشان تروح تغطي بالحد الأدنى ..

ومحد قال لك روح وغط بخمسين دينار الذنب ذنبك ... ولا والله علشان ما عندك تغطي بالحد الأعلى قلت التوزيعة ظالمة

في عندك فوق المية ألف مواطن ما غطوا الإكتتاب ليش ما قالوا إحنا ما غطينا ولا قدرنا نغطي ولا تظلموا عند الوزير او السعدون على ما قالوا
لكن الظروف اجبرتهم على أنهم ما يكتتبون

لكن كان المفروض الحكومة تزيد القيمة الى 70 مليون

وأذكر أن السيدة الفاضلة معصومة المبارك الله يذكرها بالخير آنذاك عندما كانت وزيرة للمواصلات اقترحت على الحكومة بزيادة رأس مال شركة الاتصالات الثالثة الى 70 مليون بدلا من 50 مليون لكن الظاهر محد سمع لها أيام ما كانت وزيرة للمواصلات

ولو صاير هالشي لا السعدون ولا غير السعدون يسوقون لأنفسهم ...

وعالعموم التوزيعة عادلة والكل لابد يرضى بالقسمة والنصيب ......
 

بـوغـانـم

موقوف
التسجيل
3 يوليو 2008
المشاركات
346
الحين تبون تقنعون نفسك ان السعدون كان نايم طيله الشهرين اللى فاتو ؟
لما نزل القانون بالاكتتاب ولما نزل الاكتتاب ولما خلص تكلم
وينه اول ماطلع القانون من الفتوه والتشريع ؟؟
وينه لما طلع القانون من وزاره التجاره ؟؟
وينه لما صدر القانون برمته ؟؟
اخوانى اذا رد الاكتتاب الناس اللى اكتتبت بميه دينار راح ترفع دعاوى لان القانون من صالحها والدوله مو غبيه تفتح على نفسها هالباب
 
أعلى