موضوع مهم وفكره طرت في بالي ويمكن تكون مكرره نوعا ما بس لاني شايف كثير من الاخوان والخوات يشترون السهم من غير اي منطق واحد يقولك السهم عاجبني شنو بتناسبه وواحد يقولك صاحبي يشتغل معاهم وواحد يقولك ناس مطاوعه وووووووو............. يا اخوان هذا كللللله وغيره مو مقياس المقياس امور مهمه سأذكرها وانتظر اهل الخبره التفضل بالتعديل والزياده وكل هذا من اجل الشراء بطريقه صحيحه والابتعاد بالذات عن كل من يتكلم عن السهم لحاجة في نفسه طبعا باختصار لاني ما احب اكثر بالكتابه - النظر الى تاريخ السهم هل يسير بشكل تدريجي بالربح والخساره ؟ - النظر الى تاريخ ارباح الشركه منذ التأسيس والحالي ايضا(وهذه للمستثمر القصير المدى )اما طويل المدى ان كانت الشركه ممتازه فلا خوف - النظر الى (وهذه اهم نقطه)تحاااااااليييييل المحللين الثقه واقول تحاليل مو تحليل وتشتري ويمكن المحللين الباقيين ماينصحون بالشراء -النظر الى اقفالات السهم الاخيره يعني مو السهم مرتفع يومين وتروح ادش عليه الا اذا انت واحد بياع فهذي موعندي وصفتها -الالتزام بالدعم والمقاومه ووقف الخساره في حال اعطى المحللين اشارة وقف الخساره للسهم وكذلك جني الربح عند النقاط اللي ينبه المحللين جني الارباح عندها واموووور اكثر بس هذه الابرز يا اخوان هذي فلوسكم لاتبعثرونها من غير عقلانيه وتشاور صحيح واتعجب من اللي يقول عادي طيرت كذا وكذا بالسوق هذا اقوله اتقي الله ياخي بمالك غيرك مو لاقي اللقمه ماطول عليكم بالتوفيق وعسى ايامكم خضره المهم لحد ينسانا بالعموله دعوه صادقه
عدل كلامك والله يا بو خالد .. بيض الله ويهك على كلامك الاكثر من رائع .. المهم ما علينا قول لي .. شنو فطورك اليوم ..؟ هههههههه لا تلومني مو متسحر عدل حبيب والله يا بو خالد ..مشكور مره ثانيه يا قلبي ..
بارك الله فيك اخوي بو خالد على هذه المعلومات والنصايح لاشك انها من اخ كبير نحترمه ونعتز فيه ان شاء الله بميزان اعمالك جزاك الله خير
جزأك الله خير وكثر من امثالك مواضيعك دائم فيها الفائدة, ومن المتابعين لها وليت الاخوان يشاركون عسى ان نستفيد من خبراتكم وموفقين
جزاك الله خير والله ياخوي الحمدلله طراقات هالسوق علمتنا ومازلنا نتعلم بس المشكله انك تتحسر لما تشوف غيرك عنده وقاعد يبعثر تقول عيادي على العموم للرفع لعيونك
عين الصواب يا بوخالد كثر الله من أمثالك وأدامكم ذخر لهالمنتدى الطيب يزاك الله ألف خير والحمدلله منتادنا لا يخلو من المحللين الكبار أمثالك وشرواك تقبل مروري واحترامي
