اين نذهب بالعيد ؟

>>الرويلي<<

موقوف
التسجيل
11 يوليو 2008
المشاركات
466
الرجاء من الاخوة ارشادنا اي مكان نذهب اليه بالفترة المسائية من اماكن للاطفال والمرح ومطاعم واماكن ترويحية
لا غنى لنا عن ارشاداتكم
وكل عام وانتم بخير
 

amer alamer

عضو نشط
التسجيل
21 أغسطس 2008
المشاركات
268
الإقامة
الكويت الحبيبه
كل عام وانت بخير والله ياخوي انا كبرت على السوالف ذي وماعندي اعيال
تبي الصراحه مافي شي بالديره يفتح النفس ملينا من حدايقنا ومنتزهاتنا العاب صارلها قرن وما غيروها ..
 

>>الرويلي<<

موقوف
التسجيل
11 يوليو 2008
المشاركات
466
افكر بنزهه برية وبالاخير لقيت نفسي ببر كبير اسمة الكويت مافي شي بصراحة
قلت بروح البحرين دقيت على البحرين قالوا لا تجي رطوووووووووبه
قلنا دبي نفس الفلم
قلنا نسكن بفندق المنشر قال لي رفيجي روح الخفجي اهون لان كل الخفجي في المنشر وشباب اللي عندهم زيل حصان (( مربين شعر بنات ولابسين شمغ مو ناقصهم الا تراجي )) !!
قلت شرايك نروح كويت مجيك للعيال قال لي تخيل الكبار يلعبون بالعاب اليهال وصافين دور بعد ساعتين يالله تحوشك لعبه للياهل
وين نروح كل مكان زحمة ولوعة جبد
عاد قررنا انتحار جماعي قال لي رفيجي ماله داعي انت بالكويت كل يوم تنتحر
الحين مالي الا اشتري افلام ومسرحيات ووجبات من اي مطعم وما اطلع من البيت اذا خلص العيد اوديهم سوق السمج واخذ لهم كم صورة واذا كبرو اقول هالصورة في جزر هاواي وخلاص شفهمهم بس بيصيدوني من البنغالية اللي بالصورة بس احاول اصورهم بروحهم بدون اي شخص بالكويت علشان لا يتعقدون مستقبلا ، بس هم اكيد بيتعقدون بسبب دراستهم !! تدرون خلاص انتحار جماعي والسلام
 

Latino

عضو نشط
التسجيل
27 أبريل 2008
المشاركات
656
1ـ المدينة الترفيهية
2- منتزة الشعب الترفيهي
3- قرية طفل المستقبل
4ـ حديقة الحيوان
8ـ مرح لاند
9ـ المقاهي الشعبية
10ـ صالة التزلج
11ـ حولي بارك
12ـ المركز العلمي
13ـ ابراج الكويت
14ـ قرية المسيلة المائية
15- مدينة أكوا بارك المائيه
16ـ شاطي الشويخ
17ـ الواجه البحرية
18- الاندية البحرية
19ـ الجزيرة الخضراء
20- مجمع أحواض السباحه

** المنتجعات **

الخيران
منتجع خليفه
منتجع الجون
منتجع شيك
منتجع هيلتون
منتجع شاطئ النخيل
شاليهات صالح شهاب
منتجع سليل

بالاضافه الى المولات والأسواق والمطاعم والسينما
منها
الأفنيوز
وشرق
ومرينا
والكوت
والمنشر
والفنار



وعيد سعيد انشالله
 

الأرستقراطي

عضو نشط
التسجيل
17 أكتوبر 2007
المشاركات
7,180
الإقامة
OKBK
آنا الحين متواجد بالمركز العلمي مع عيالي ،،، والبرنامج هو دخول الاكواريوم ومن بعده الالعاب الذكية و أخيرا سينما الاي ماكس 3d (ثلاثية الابعاد ) و آخر شي راح نتغدى ،،، سعر التذكرة الشاملة 4 دينار للأطفال و 6 دينار للكبار ،،، وعيدكم مبارك ،،،
 

Nagooshy

عضو نشط
التسجيل
17 مايو 2006
المشاركات
3,228
الإقامة
الخالديه - الكويت
بوجه نظري

اجمل مكان تسمتع فيه بالعيد

هو بيتك وقعدك مع الاهل والاقارب

لان اكثر الاماكن الترفيهية مزدحمة وبها مشاكل كثيرة

انا الي اشوف انطر الي ثاني يوم العيد صباحا تكون الاماكن الترفيهية خفيفة الزحمة الي غاية الساعه 6 مساءا


وبالنسبه لي انا اول يوم العيد اعيد على الاهل وباجي الوقت نااايم ولا بالنت :)


وشكرااا
 

>>الرويلي<<

موقوف
التسجيل
11 يوليو 2008
المشاركات
466
اممممممممممم الهلتون محجوز كله والخيران واماكن الشاليهات كلها محجوزة من اشهر حتى عيد اضحية فل
حتى الطيران مافي حجز
مالنا الا البيت والفضائيات ونفيش حلو
بس تعال لقيتها نروح الدائري السابع او طريق صبحان نتطمش على الطيارات وهي طايرة وحاطه مع شوية نفيش جنا داشين فلم اكشن
بس اخاف باجر يحطون صورنا بالانباء وعلى عيونا خط اسود يكتبون بالبنط العريض اسرة تخطط لاسقاط طائرة ؟
لا ما يسونها لان مصري دش وتعبث محد سوى له شي ! او هذاك علشان مصري ووراه ظهر واحنا كويتيين مالنا احد لو احنا بره الكويت جان قلنا ورانا السفارة السعودية بس هني بنضيع !
لا قررت اقضيها نوم بالعيد وادق على (( النهام )) اللي يفسر الاحلام والسلام
شباب محد يزعجني بنام
خوووووش خووووووووووش خووووووووووووووووووووووووووووووووش عيد
 

nouf

عضو نشط
التسجيل
7 يوليو 2008
المشاركات
805
الإقامة
الكويت
احلى شي في العيد القومه الصبح وتسلم على قرابيك بس
 

nestla

عضو نشط
التسجيل
20 ديسمبر 2007
المشاركات
1,618
احسن شي زوارة الاهل فقط , لان الشوارع كلها زحمه والمطاعم مافيها حجوزات والمجمعات ما تقدر تمشي من الزحمه كأن الناس ما يطلعون من بيوتهم الا بالعيد .
 

ابوطارق

عضو نشط
التسجيل
3 ديسمبر 2005
المشاركات
99
عليك بزيارة عرعر وأبا القور ديرة أهل العليا وإتركك من الأكوا بارك والخرابيط هذي لايطيح ورع من لعبه ويتعور .
 

>>الرويلي<<

موقوف
التسجيل
11 يوليو 2008
المشاركات
466
صدقت يا بو طارق مالنا الا الجوف وعرعر ونزور الربع بالفيضة ونسلم على عيال اورنس الشعلان ولا يهونون الهذال والمهيد والملحم وباقي الربع
 

maha_Q8

عضو نشط
التسجيل
19 يونيو 2008
المشاركات
4,537
الإقامة
الكويت.. ((جبــله ))
احسن شي زوارة الاهل فقط , لان الشوارع كلها زحمه والمطاعم مافيها حجوزات والمجمعات ما تقدر تمشي من الزحمه كأن الناس ما يطلعون من بيوتهم الا بالعيد .

وانتي صاجه كأن الناس تنتظر العيد عشان يطلعون من بيوتهم
طول الاسبوع بالمطاعم والمولات ليش الزحمه بالعيد
:mad:
 

TAHOE

عضو مميز
التسجيل
7 يوليو 2008
المشاركات
4,260
روح الخفجي ماكو زحمه

:rolleyes: :rolleyes: :rolleyes:
 

>>الرويلي<<

موقوف
التسجيل
11 يوليو 2008
المشاركات
466
والله اليوم قضيته بالشالية والله يستر باجر يبون المنشر الله يعيني على اهل القصايب اللي تقول زنوج على الشعر
 
أعلى