شركات الوساطه و فلوس الناس

Hussain A

عضو نشط
التسجيل
11 أغسطس 2008
المشاركات
128
الإقامة
KUWAIT
السلام عليكم ورحمه الله
اتعامل مع احد مكاتب الوساطه الى بالبورصه , وقت فتح الحساب عطاني الشمس بأيد والقمر بأيد . المبلغ الى دشيت فيه كان 3000 للتجربه
((الزلمه الى يشتغل هناك قال لي انا اقولك شتسوي وباليوم تطلع 100 دينار ))
وبلش يقولي اشتر وانا اشتري اول مره طلعلي 20 دينار بعدين قطني بسهم عفس الدنيا , ولما بديت اقوله وين كلامك يقولي بهد الهوامير واجابل ال 3000 مالتك ابيك تتعلم بالسوق المرات اليايه !!!! قصده انه عموله المكتب من بيع اسهم الهوامير افيد من انه يعطيني توصيات او حتى انه يأدي شغلته !!!
السؤال : في اي اجراء اقدر اخذه ضده ؟
الزلمه هذا كنت اقوله شنو اشتري وقبل لا اخلص اخر حرف يقولي اشتر هذي زينه ويصكر التلفون !
انزين اذا ما يهمهم صغار المستثمرين يا اخي لا يفتحون لنا حسابات ولا يعطون توصيات !
طبعا لحقت على ال3000 واهي صايره خرده لانه كان يقولي لا تحاتي يرتفع ولا تبيع يعني قزرها علي افاي .
 

kuwaitey

عضو نشط
التسجيل
23 ديسمبر 2006
المشاركات
1,507
اول شى اخوى الله يعوض عليك قول امين

وبعدين اخوى اذا خسارت اميه وميتن دينار تأذيك انصحك اطلع من البورصة

ثالث شى وهذا الاهم لانه يخص موضوعك

الدلال ماهو ملززوم لا فيك ولا فينى اهو عليه ياخذ الامر منك وينفذه مو يعطيك توصيات

يعنى مالك شرهه عليه يا الغالى وستعوض ربك بفلوسك اللى راحت

بتوفيق ان شاء الله اخوى ..
 

Hussain A

عضو نشط
التسجيل
11 أغسطس 2008
المشاركات
128
الإقامة
KUWAIT
اخوي العزيز مشكور على الرد !
ولكن الى صار منه انه عطاني سكب بحجه ان ما عنده وقت , و الوقت كله حق الهوامير على قولته . والسوق ربح وخساره وانا عارف بس في مكاتب تساعدك على الاقل .
وشنو تنصح بشركات للتداول ؟ ويعطيك العافيه
 

kuwaitey

عضو نشط
التسجيل
23 ديسمبر 2006
المشاركات
1,507
تبى الصج ياخوك انا كان حسابى عند الوطنية للوساطه الماليه ..

بصراحه مرات يطنشون مايردون على التلفون ..

سألت اللى اخبر منى كلهم اتفقو انى احول عند شرق للوساطه الماليه

والله لايوريك اقسم بالله من بداية السوق الى نهاية السوق مايردون على

تلفونلا حسابات يردون ولا الدلالين يردون وعلى طول رديت حسابى لشركة

الوطنية امسك مجنونك لا يجيك اللى اجنه منه
 

Hussain A

عضو نشط
التسجيل
11 أغسطس 2008
المشاركات
128
الإقامة
KUWAIT
يبتها ترا الشركه اهي الوطنية للوساطه
الحين حولت على الاوسط وايد ارحم يا خوك
 
أعلى